2 weeks ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
5 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
5 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
11 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
11 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
11 months ago
ASEAN ထိပ်သီးများ ရိုဟင်ဂျာအရေး ဆွေးနွေး
12 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
12 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
12 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၆၊ ၂၀၁၈
M-Media

ကျောက်ဖြူ အထူးစီးပွားရေးဇုန် ပုံစံငယ်

– ကျောက်ဖြူရေနက်ဆိပ်ကမ်းနဲ့ အထူးစီးပွားရေးဇုန် စီမံကိန်းတွေကို တရုတ်ထံ မပေးချင်ပေမယ့် ရွေးချယ်စရာမရှိလို့ ပေးလိုက်ရတာဖြစ်တယ်လို့ ဦးသိန်းစိန်အစိုးရလက်ထက်က အမျိုးသားစီမံကိန်းနဲ့ စီးပွားရေး ဖွံ့ဖြိုးတိုးတက်မှုဝန်ကြီးအဖြစ် တာဝန်ထမ်းဆောင်ခဲ့သူ ဦးကံဇော်က ပြောကြားလိုက်ပါတယ်။

ဒီစီမံကိန်းနှစ်ခုစလုံးကို တရုတ်နိုင်ငံပိုင်လုပ်ငန်း China International Trust and Investment Corporation (CITIC) က ၂၀၁၅ ခုနှစ်မှာ လုပ်ပိုင်ခွင့် ရရှိခဲ့တာ ဖြစ်ပါတယ်။

ဦးကံဇော်ကတော့ ဦးသိန်းစိန်အစိုးရဟာ ဒီစီမံကိန်းနှစ်ခုအတွက် အမေရိကန်နဲ့ အီးယူတို့က ရင်းနှီးမြှုပ်နှံမှုတွေကို မျှော်လင့်ခဲ့တာဖြစ်တယ်လို့ဆိုပါတယ်။ ဦးကံဇော်ဟာ ကျောက်ဖြူအထူးစီးပွားရေးဇုန်စီမံကိန်း တင်ဒါရွေးချယ်ရေးကော်မတီ ဥက္ကဌအဖြစ် တာဝန်ထမ်းဆောင်ခဲ့သူလည်း ဖြစ်ပါတယ်။

“နိုင်ငံတကာလုပ်ငန်းတွေကို တင်ဒါအတွက် ကမ်းလှမ်းခဲ့တယ်။ ပွင့်ပွင့်လင်းလင်းပြောရရင် တရုတ်လာတာကို ကျွန်တော်တို့ မကြိုက်ပါဘူး။ ဟောင်ကောင်လုပ်ငန်းတွေက တင်ဒါလာတင်တယ်။ အမေရိကန်နဲ့ အီးယူတို့ကလာဖို့ ကျွန်တော်တို့ မျှော်လင့်ခဲ့ပါတယ်။ ဒါပေမယ့် သူတို့ မလာပါဘူး” လို့ ဦးကံဇော်က ပြောပါတယ်။

ကနဦးတွက်ချက်မှုတွေအရ ရေနက်ဆိပ်ကမ်းတန်ဖိုးဟာ ကန်ဒေါ်လာ ၇.၃ ဘီလီယံရှိပြီး၊ အထူးစီးပွားရေးဇုန်က ၂.၇ ဘီလီယံ ရှိတယ်လို့ ဆိုပါတယ်။ သဘောတူညီချက်အရ ဒီစီမံကိန်း ၂ ခုစလုံးကို CITIC က တည်ဆောက်ကာ ပထမနှစ် ၅၀ ကို လုပ်ကိုင်မှာဖြစ်ပြီး နောက်ထပ် ၂၅ နှစ် သက်တမ်းထပ်တိုးနိုင်ဖို့အတွက်လည်း ခွင့်ပြုထားပါတယ်။

ဦးသိန်းစိန်အစိုးရနဲ့ ချုပ်ဆိုခဲ့တဲ့ ကနဦးသဘောတူညီချက်အရ CITIC ဟာ ရေနက်ဆိပ်ကမ်းရဲ့ ရှယ်ယာ ၈၅ ရာခိုင်နှုန်း၊ အထူးစီးပွားရေးဇုန်ရဲ့ ရှယ်ယာ ၅၁ ရာခိုင်နှုန်းကို ရယူမယ်လို့ ဆိုပါတယ်။

ဒါပေမယ့် မြန်မာနိုင်ငံက တရုတ်ရဲ့ရင်းနှီးမြှုပ်နှံမှုတွေနဲ့ပတ်သက်ပြီး နိုင်ငံရေးအရ ထိလွယ်ရှလွယ်မှုတွေ ရှိလာနိုင်တာကြောင့် နောက်ပိုင်းမှာ တရုတ်က ရေနက်ဆိပ်ကမ်းရဲ့ ရှယ်ယာကို ၇၀ ရာခိုင်နှုန်းသာ ရယူတော့မယ်လို့ Asia Maritime Transparency Initiative က ဖော်ပြပါတယ်။ အထူးစီးပွားရေးဇုန်ရဲ့ ပိုင်ဆိုင်မှုကိစ္စကို အပြီးမသတ်ရသေးပါဘူး။

ဦးကံဇော်က ၂၀၁၅ ခုနှစ် ဒီဇင်ဘာ ၃၁ ရက်နေ့မှာ ပြုလုပ်ခဲ့တဲ့ ပြည်ထောင်စုလွှတ်တော် မဲခွဲမှုမှာ အမတ်တွေရဲ့ ၉၅ ရာခိုင်နှုန်းက စီမံကိန်းဆောင်ရွက်ဖို့ သဘောတူခဲ့ကြပြီး၊ ဆွေးနွေးမှုမှာ အဲဒီတုန်းက လွှတ်တော်အမတ်ဖြစ်နေတဲ့ ဒေါ်အောင်ဆန်းစုကြည်လည်း ရှိနေတယ်လို့ ပြောကြားခဲ့ပါတယ်။

“စီမံကိန်းကို လွှတ်တော်မှာ အသေးစိတ် ရှင်းပြခဲ့ပါတယ်။ နိုင်ငံတော်အတိုင်ပင်ခံပုဂ္ဂိုလ် (ထိုစဉ်က လွှတ်တော်အမတ်) ဟာ လွှတ်တော်က ဆုံးဖြတ်ချက်ချတဲ့အချိန်၊ ဦးရွှေမန်း (ယခင် အမျိုးသားလွှတ်တော်ဥက္ကဌ) ဦးဆောင်တဲ့ ဆက်စပ်အစည်းအဝေးလုပ်တဲ့အချိန်တွေမှာလည်း ရှိခဲ့ပါတယ်။ NLD က ပါထောက်ခံလို့ ထောက်ခံမဲ ၉၅ ရာခိုင်နှုန်း ရခဲ့တာပါ”

စီမံကိန်းဟာ ပွင့်လင်မြင်သာမှုမရှိဘူးဆိုတဲ့ စကားတွေကို မိမိလက်မခံကြောင်း၊ ရခိုင်အမတ်တွေကလည်း ဒီစီမံကိန်းကို ထောက်ခံခဲ့ကြောင်း၊ မိမိအနေနဲ့ စိတ်သန့်ပြီး၊ တာဝန်အပြည့်အ၀ယူကြောင်းလည်း ဦးကံဇော်က ထည့်သွင်းပြောကြားခဲ့ပါတယ်။

ကျောက်ဖြူမြို့နယ်က လွှတ်တော်အမတ် ဦးဘရှိန်က ရခိုင်လွှတ်တော်အမတ်တွေဟာ တရုတ်နဲ့ မြန်မာအကြား ၈၅-၁၅ ပိုင်ဆိုင်ခွင့်ကို မထောက်ခံခဲ့ဘူးလို့ ပြောကြားခဲ့ပါတယ်။

“အရင်အစိုးရတုန်းက သက်ဆိုင်ရာဝန်ကြီးတွေနဲ့ ကျွန်တော်တို့ အခြေအတင် ဆွေးနွေးနိုင်ခဲ့ပါတယ်။ ဒါပေမယ့် အခုအစိုးရလက်ထက်မှာတော့ ကျွန်တော်တို့ကို ဘာမှ အသိမပေးပါဘူး။ သတင်းစာတွေမှာ ဖော်ပြတာထက် ဘာမှပိုပြီး ကျွန်တော်တို့ မသိပါဘူး”

ဘဏ္ဍာရေးနဲ့ စီမံကိန်း ဒုဝန်ကြီးဖြစ်ပြီး ကျောက်ဖြူ အထူးစီးပွားရေးဇုန် စီမံခန့်ခွဲရေးကော်မတီရဲ့ ဥက္ကဌဖြစ်သူ ဦးဆက်အောင်က တရုတ်ရဲ့ အကြွေးထောင်ချောက်ထဲ ကျရောက်မှာကို စိုးရိမ်တဲ့အတွက် ရေနက်ဆိပ်ကမ်းတန်ဖိုးကို ကန်ဒေါ်လာ ၇.၃ ဘီလီယံကနေ ၁.၃ ဘီလီယံအထိ လျှော့ခဲ့တယ်လို့ ပြောကြားခဲ့ပါတယ်။

ပြီးခဲ့တဲ့နှစ် ဒီဇင်ဘာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တရုတ်ပြည်ကိုသွားရောက်စဉ် ကျောက်ဖြူကနေ ကူမင်းအထိ စီးပွားရေးလမ်းကြောင်းတစ်ခု ဖော်ဆောင်ဖို့အတွက် တရုတ်သမ္မတ ရှီကျင့်ဖျင်နဲ့ သဘောတူခဲ့ပါတယ်။

Ref: Irrawaddy

Comments are closed.