5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၂၃၊ ၂၀၁၈
M-Media

‘တရုတ်နိုင်ငံလုံးဆိုင်ရာ ဗုဒ္ဓဘာသာအသင်း’ အကြီးအကဲဟောင်း ရွှီချန်

– လိင်ပိုင်းဆိုင်ရာ စော်ကားခဲ့တယ်ဆိုတဲ့ စွဲချက်တွေအတွက် ‘တရုတ်နိုင်ငံလုံးဆိုင်ရာ ဗုဒ္ဓဘာသာအသင်း’ အကြီးအကဲဟောင်း ဘုန်းကြီးကို စုံစမ်းစစ်ဆေးနေတယ်လို့ တရုတ် သာသနာရေးဝန်ကြီးဌာနက ဒီကနေ့မှာ သတင်းထုတ်ပြန်ပါတယ်။

ရွှီချန်ဆိုသူဖြစ်ပြီး တရုတ်အစိုးရရဲ့ ထိပ်တန်းအကြံပေးအဖွဲ့ဝင်ဖြစ်တဲ့ သူဟာ ဘေဂျင်းက Longquan ဘုန်းကြီးကျောင်းရဲ့ ကျောင်းထိုင်ဆရာတော်လည်းဖြစ်ပါတယ်။

သူ့ရဲ့ကျောင်းက ဘုန်းကြီးနှစ်ပါးက ရွှီချန်ဟာ လိင်ပိုင်းဆိုင်ရာနဲ့ ဘဏ္ဍာရေးဆိုင်ရာ မလျော်ကန်တဲ့ အပြုအမူတွေ ပြုလုပ်ခဲ့တယ်လို့ ကြေငြာချက်တစ်စောင်ထုတ်ပြန်ကာ ဖွင့်ချခဲ့ပြီးတဲ့နောက် အခုလအစောပိုင်းမှာ တရုတ်နိုင်ငံလုံးဆိုင်ရာ ဗုဒ္ဓဘာသာအသင်းရဲ့ အကြီးအကဲရာထူးကနေ နှုတ်ထွက်ခဲ့ပါတယ်။

အွန်လိုင်းမှာ ပြန့်နှံ့ခဲ့တဲ့ စာမျက်နှာ ၉၅ မျက်နှာပါ ကြေငြာချက်မှာ ရွှီချန်ဟာ အနည်းဆုံး အမျိုးသမီး ၆ ဦးကို သူနဲ့ လိင်ဆက်ဆံဖို့ မက်ဆေ့ခ်ျကနေတစ်ဆင့် ခြိမ်းခြောက်တာ၊ မြူဆွယ်တာတွေ လုပ်ခဲ့ကြောင်း၊ ဒီလို လိင်ဆက်ဆံတာဟာ ဗုဒ္ဓဘာသာရဲ့ ကျင့်ကြံ့မှု အစိတ်အပိုင်းတစ်ခုဖြစ်တယ်လို့ ပြောဆိုခဲ့ကြောင်း ရေးသားထားပါတယ်။

အမျိုးသမီး ၄ ဦးမှာ ရွှီချန်ရဲ့ အလိုဆန္ဒကို ဖြည့်ဆည်းပေးခဲ့တယ်လို့လည်း ဘုန်းကြီးနှစ်ပါးက ထည့်သွင်းဖော်ပြခဲ့ပါတယ်။

တရုတ်အစိုးရရဲ့ သာသနာရေးဆိုင်ရာ အာဏာပိုင်အဖွဲ့က ရွှီချန်ဟာ ‘လိင်ပိုင်းဆိုင်ရာ မက်ဆေ့တွေ’ ပေးပို့ခဲ့တာ မှန်ကန်ကြောင်း၊ လိင်စော်ကားမှု လုပ်ခဲ့တယ်ဆိုတဲ့ စွဲချက်အတွက် ရာဇ၀တ်မှုဆိုင်ရာ စုံစမ်းစစ်ဆေးမှု လုပ်နေကြောင်း သူတို့ရဲ့ ၀ဘ်ဆိုက်မှာ ရေးသားဖော်ပြခဲ့ပါတယ်။

ဒါပေမယ့် ရွှီချန်ရဲ့ Longquan ဘုန်းကြီးကျောင်းဟာ သူတို့ရဲ့ ဘဏ္ဍာရေးဆိုင်ရာ ဥပဒေတွေကို ချိုးဖောက်မှုမရှိဘူးလို့ ဆိုပါတယ်။

ရွှီချန်ဟာ follower သန်းချီရှိတဲ့ သူ့ရဲ့ Weibo အကောင့်မှာ ဒီကိစ္စနဲ့ပတ်သက်ပြီး ငြင်းဆိုတဲ့ ကြေငြာချက်တစ်စောင်ကို သြဂုတ်လ ၁ ရက်နေ့က လွှင့်တင်ခဲ့ပါတယ်။

သူ့ကိုစွပ်စွဲတဲ့ ဘုန်းကြီးတစ်ပါးက ကျူးလွန်ခံရသူတွေကို အာဏာပိုင်တွေက လစ်လျူရှုခဲ့ပြီး စုံစမ်းစစ်ဆေးမှု မလုပ်ဘူးလို့ ငြင်းဆိုခဲ့တာကြောင့် ဒီလို လူသိရှင်ကြား ဖွင့်ချရခြင်းဖြစ်တယ်လို့ ဆိုပါတယ်။

တရုတ်နိုင်ငံမှာ လိင်စော်ကားမှုကို ဥပဒေအရ အဓိပ္ပါယ်ဖွင့်ဆိုထားခြင်းမရှိသလို၊ ကျောင်းတွေမှာ လုပ်ငန်းခွင်တွေမှာ ဒီလိုဖြစ်လာရင် အရေးယူဖို့ သတ်မှတ်ထားတဲ့ စည်းမျဉ်းစည်းကမ်းတွေလည်း မရှိပါဘူး။

ဆိုရှယ်မီဒီယာမှာ ဒီကိစ္စတွေကို ရေးသားရင်လည်း ဖြုတ်ချခံရပါတယ်။

ရွှီချန်ရဲ့ လုပ်ရပ်တွေကို ဖွင့်ချခဲ့တဲ့ ဘုန်းကြီးနှစ်ပါးကတော့ Longquan ဘုန်းကြီးကျောင်းကနေ နှင်ထုတ်ခံခဲ့ရပါတယ်။

နိုင်ငံတစ်ဝှမ်း အထူးသဖြင့် တက္ကသိုလ်တွေမှာ လိင်ပိုင်းဆိုင်ရာ စော်ကားမှုတွေ ခံနေရတာကြောင့် တရုတ်အမျိုးသမီးတွေဟာ #MeToo လှုပ်ရှားမှုကို ဆိုရှယ်မီဒီယာမှာ ပြုလုပ်လာခဲ့ကြပေမယ့် တရုတ်အာဏာပိုင်တွေက ပိတ်ပင်မှုတွေ ရှိနေပါတယ်။

Ref: CNA

Tags:

Comments are closed.