4 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
4 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
10 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
10 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
10 months ago
ASEAN ထိပ်သီးများ ရိုဟင်ဂျာအရေး ဆွေးနွေး
11 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
11 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
11 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
12 months ago
ဘာသာပေါင်းစုံ ဆုတောင်းပွဲ (ရုပ်သံ)
12 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

သြဂုတ် ၂၃၊ ၂၀၁၈
M-Media

ပရိတ်သတ်များကြောင့် ဂျူဗီကိုပြောင်းလာခြင်းဟု ရော်နယ်ဒိုဖွင့်ဟ
===================
ဂျူဗင်တပ်စ်အသင်းကို ပြောင်းရွှေ့ခဲ့တဲ့ အဓိကအကြောင်းအရင်းဟာ ဂျူဗီပရိတ်သတ်တွေ သူ့ကို ကြိုဆိုမှုကြောင့် ဖြစ်တယ်လို့ တိုက်စစ်မှူး ခရစ္စတီယာနိုရော်နယ်ဒိုက ပြောကြားလိုက်ပါတယ်။ ပြီးခဲ့တဲ့နှစ် ချန်ပီယံလိဂ် ကွာတားဖိုင်နယ် ပထမကျော့ ဂျူဗင်တပ်စ်အိမ်ကွင်းမှာ ကစားခဲ့ရစဉ်က ရော်ဒိုဟာ ရီးယဲလ်အတွက် နောက်ပြန်ကန်ချက်နဲ့ လှလှပပ ဂိုးတစ်ဂိုးသွင်းယူခဲ့ပြီး ဂျူဗင်တပ်စ်ပရိတ်သတ်တွေက အဲဒီအတွက် ရော်နယ်ဒိုကို မတ်တပ်ရပ် ဂုဏ်ပြုခဲ့ပါတယ်။ ရော်နယ်ဒိုကတော့ ဒီအခြေအနေအတွက် ကျေနပ်ပီတိဖြစ်ခဲ့ရတယ်လို့ ဆိုပါတယ်။

ဖီဖာတာဝန်ရှိသူဟောင်း ခြစားမှုဖြင့် ထောင် ၄ နှစ်ကျ
===============
ဘရာဇီးလ်ဘောလုံးအဖွဲ့ချုပ် ဥက္ကဌဟောင်းဖြစ်ပြီး၊ ဖီဖာက ထိပ်တန်းပုဂ္ဂိုလ်ဟောင်းလည်းဖြစ်တဲ့ အသက် ၈၆ နှစ်အရွယ် ဟိုဆေး မာရီယာ မာရင်ဟာ ခြစားမှုတွေအတွက် ထောင်ဒဏ် ၄ နှစ် ချမှတ်ခံလိုက်ရပါတယ်။ သူဟာ ၂၀၁၅ ခုနှစ် မေလ ဇူးရစ်ခ်ျမြို့မှာ ဖမ်းဆီးခံလိုက်ရတဲ့ ဖီဖာတာဝန်ရှိသူ ၇ ဦးထဲက တစ်ဦးဖြစ်ပါတယ်။ တာဝန်ထမ်းဆောင်စဉ်မှာ မာရင်ဟာ ကိုပါအမေရိကပြိုင်ပွဲအပါအ၀င် ဘောလုံးပြိုင်ပွဲတွေ ထုတ်လွှင့်ခွင်အတွက် အားကစားကုမ္ပဏီတွေထံကနေ လာဘ်ငွေရယူခဲ့ပါတယ်။ ထောင်ဒဏ်အပြင် ကန်ဒေါ်လာ ၁.၂ သန်းကိုလည်း ဒဏ်ငွေအဖြစ် ပေးဆောင်ရမှာဖြစ်ကာ သူပိုင်ငွေ ဒေါ်လာ ၃.၃၄ သန်းကို အစိုးရက ပြည်သူ့ဘဏ္ဍာအဖြစ် သိမ်းယူမှာဖြစ်ပါတယ်။

ရုရှားကလပ်အသင်းက ‘ကံကောင်းစေတဲ့ဂျာစီ’ ကို ထုတ်လုပ်ရောင်းချ
=================
ရုရှား ပရီးမီးယားလိဂ်အသင်း FC Rostov ဟာ ကောဇောနဲ့ချုပ်ထားတဲ့ အသင်းဂျာစီသစ်ကို ထုတ်ပြန်လိုက်ပြီး ရူဘဲလ် ၂၅၀၀ (ပေါင် ၂၈.၄၇) နဲ့ ၀ယ်ယူနိုင်တယ်လို့ ဆိုပါတယ်။ ပြီးခဲ့တဲ့တစ်ပတ် အိမ်ကွင်းမှာ ရှုံးနိမ့်ခဲ့တဲ့ပြီးနောက် အသင်းကံကောင်းစေဖို့အတွက် ပရိတ်သတ်တစ်ဦးဟာ တနင်္ဂနွေနေ့ပွဲမှာ ကောဇောအခင်းတစ်ခုကို ယူဆောင်လာကာ အားပေးခဲ့ပြီး FC Rostov ဟာ Yenisey Krasnoyarsk အသင်းကို ၄ ဂိုးပြတ်နဲ့ အနိုင်ရခဲ့ပါတယ်။ အဲဒီနောက် အသင်းတာဝန်ယူရှိသူတွေက ကောဇောယူလာတဲ့ ပရိတ်သတ်ကို ခေါ်တွေ့ကာ အခုလို ကောဇောအင်္ကျီချုပ်ဖို့ စီစဉ်တာဖြစ်ပါတယ်။ ပရိတ်သတ်တွေက ဒီအင်္ကျီကို ‘ကံကောင်းစေတဲ့ဂျာစီ’ လို့ မှည့်ခေါ်နေကြပါတယ်။

Ref: BBC



Comments are closed.