ဒေါ်အောင်ဆန်းစုကြည်၏ ဂုဏ်ထူးဆောင်နိုင်ငံသားဘွဲ့ကို ကနေဒါက တရားဝင်ရုပ်သိမ်း

အောက်တိုဘာ ၄၊ ၂၀၁၈
M-Media

– နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ချီးမြှင့်ထားတဲ့ ဂုဏ်ထူးဆောင်နိုင်ငံသားဘွဲ့ကို ကနေဒါက အင်္ဂါနေ့မှာ တရားဝင် ရုပ်သိမ်းလိုက်ပါတယ်။

ပြီးခဲ့တဲ့တစ်ပတ် ကနေဒါအောက်လွှတ်တော်မှာ ဒီဘွဲ့ရုပ်သိမ်းရေး မဲခွဲအတည်ပြုခဲ့ပြီးတဲ့နောက် အထက်လွှတ်တော်မှာ အင်္ဂါနေ့က ထပ်မံမဲခွဲကာ ကန့်ကွက်သူမရှိ အတည်ပြုခဲ့တာ ဖြစ်ပါတယ်။ ဒေါ်အောင်ဆန်းစုကြည်ဟာ ကနေဒါက ဂုဏ်ထူးဆောင်နိုင်ငံသားဘွဲ့ ပြန်ရုပ်သိမ်းတဲ့ ပထမဆုံးပုဂ္ဂိုလ်လည်း ဖြစ်လာပါတယ်။

ဒီလိုရုပ်သိမ်းလိုက်တာဟာ ရခိုင်ပြည်နယ်အတွင်း စစ်တပ်ကကျူးလွန်ခဲ့မှုတွေကို လူသိရှင်ကြား ဝေဖန်ရှုတ်ချမှု မပြုလုပ်တဲ့အတွက် ဖြစ်တယ်လို့ ပြီးခဲ့တဲ့တစ်ပတ်မှာ ကနေဒါအောက်လွှတ်တော်အမတ်တွေက ပြောကြားခဲ့ပါတယ်။

ရခိုင်ပြည်နယ်က ရိုဟင်ဂျာတွေအပေါ် စစ်တပ်က ကျူးလွန်မှုကို လူမျိုးတုန်းသတ်ဖြတ်မှုအဖြစ် ကနေဒါ အောက်လွှတ်တော်နဲ့ အထက်လွှတ်တော် ၂ ရပ်စလုံးက သတ်မှတ်ထားပါတယ်။

“ဖြစ်ပျက်ခဲ့တဲ့ ရက်စက်ကြမ်းကြုတ်မှုတွေကို ကျွန်တော်တို့ လက်ကို လက်ခံရမှာပါ။ ဒါဟာ လူမျိုးတုန်းသတ်ဖြတ်မှုဖြစ်ပြီး၊ အဲဒီလိုပဲ ခေါ်ဆိုရမှာပါ” လို့ ဒေါ်အောင်ဆန်းစုကြည်ကိုပေးထားတဲ့ ဂုဏ်ထူးဆောင်နိုင်ငံသားဘွဲ့ကို ပြန်ရုပ်သိမ်းရေး အဆိုပြုခဲ့တဲ့ အထက်လွှတ်တော်အမတ် ရတ္တနာ အိုမစ်ဗာက အင်္ဂါနေ့မှာ ပြောကြားခဲ့ပါတယ်။

မြန်မာနိုင်ငံမှာ ဒီမိုကရေစီထွန်းကားရေး ကြိုးပမ်းအားထုတ်မှုအတွက် ဒေါ်အောင်ဆန်းစုကြည် ၁၉၉၁ ခုနှစ်မှာ နိုဘယ်ငြိမ်းချမ်းရေးဆုကို ရရှိခဲ့ပြီး ကမ္ဘာတစ်ဝှမ်းက အသိအမှတ်ပြုမှုကိုလည်း ခံခဲ့ရပါတယ်။

“အဲဒီတုန်းက သူမဟာ အပြောင်းအလဲနဲ့ လူ့အခွင့်အရေးအတွက် ရှေ့ဆောင်ရှေ့ရွက် ပြုသူပါ။ သူမဟာ ငြိမ်းချမ်းပြီး ဒီမိုကရက်တစ် မြန်မာနိုင်ငံဖြစ်လာရေး မျှော်လင့်ချက်တစ်ခု၊ အလင်းရောင်တစ်ခုလို့ ကမ္ဘာကြီးက မျှော်လင့်ခဲ့ကြတာပါ။ အခုအချိန်မှာတော့ ဒါမျိုး မဟုတ်တော့ဘူးဆိုတာ အားလုံး သိနေပါပြီ” လို့ အိုမစ်ဗာက ထည့်သွင်း ပြောဆိုခဲ့ပါတယ်။

ဒေါ်အောင်ဆန်းစုကြည်ဟာ စစ်တပ်ရဲ့ ရက်စက်ကြမ်းကြုတ်မှုတွေကို ငြင်းဆန်တာ၊ နိုင်ငံတကာ စုံစမ်းစစ်ဆေးရေးမှူးတွေ၊ ဂျာနယ်လစ်တွေကို ၀င်ခွင့်ပိတ်တာ၊ စစ်တပ်ကို ကာကွယ်တာ၊ ရိုဟင်ဂျာတွေအတွက် လူသားချင်း စာနာထောက်ထားမှုဆိုင်ရာ အကူအညီတွေကို ပိတ်ပင်တာတွေ လုပ်ဆောင်ခဲ့တယ်လို့လည်း အိုမစ်ဗာက ဆိုပါတယ်။

“လူမျိုးတုန်းသတ်ဖြတ်မှုရဲ့ ကြံရာပါတစ်ဦးကို မကြိုဆိုဘူးဆိုတာ ကနေဒါနဲ့ ကမ္ဘာကြီးက ပြသဖို့လိုပါတယ်။ ကနေဒါရဲ့ ဂုဏ်ထူးဆောင်နိုင်ငံသားအဖြစ် လုံးဝ လက်မခံနိုင်ပါဘူး”

Ref: Aljazeera