2 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၈၊ ၂၀၁၈
M-Media

မလေးရှားမှ နိုင်ငံတော်ဗလီ

– အစ္စလာမ်သာသနာကို ကြမ်းတမ်းတဲ့ အယူဝါဒအဖြစ် ပုံဖော်လာမှုကို တိုက်ဖျက်ဖို့အတွက် မလေးရှားနိုင်ငံက အိုလမာ အစ္စလာမ်သာသနာ့ပညာရှင်တွေ၊ ဓမ္မသတ်မှူးတွေနဲ့ တတ်သိ ပညာရှင်တွေက တိုက်တွန်းဆော်သြလိုက်ပါတယ်။

ပြီးခဲ့တဲ့လ တီရန်ဂါနူပြည်နယ်မှာ လိင်တူဆက်ဆံဖို့ကြိုးစားတဲ့ အမျိုးသမီးနှစ်ဦးကို ကြိမ်ဒဏ်ရိုက်ခဲ့တဲ့ကိစ္စလို အဖြစ်အပျက်မျိုးဟာ အစ္စလာမ် သာသနာကို ပြည်သူလူထုက နှာခေါင်းရှုံစရာ ဖြစ်စေတယ်လို့ အဆင့်မြင့် အစ္စလာမ့်ရေးရာ လေ့လာမှု နိုင်ငံတကာအင်စတီကျု (IAIS) က စီအီးအို ပရော်ဖက်ဆာ မိုဟာမက် ဟာရှင် ကာမာလီက ဒီကနေ့ပြုလုပ်တဲ့ အစ္စလာမ်ဓမ္မသတ်ဥပဒေဆိုင်ရာ အယူအဆနဲ့ ပြစ်ဒဏ်ပေးမှုတွေအကြောင်း ဆွေးနွေးပွဲမှာ ပြောကြားခဲ့ပါတယ်။

“ဒါမျိုးက အစ္စလာမ်ဟာ အပြစ်ပေအရေးယူဖို့ကိုပဲ အားသန်နေတယ်လို့  ထင်စရာ ဖြစ်နေပါတယ်။ ဒါပေမယ့် တကယ့် အစ္စလာမ်သာသနာက အဲဒီလို မဟုတ်ပါဘူး။ ကုရ်အာန်ကျမ်းတော်မြတ်ကို လေ့လာကြည့်မယ်ဆိုရင် ကျွန်တော်တို့ သာသနာရဲ့ အရေးပါတဲ့ ကိစ္စတွေဟာ ရဟ်မာလို့ခေါ်တဲ့ သနားညှာတာမှုနဲ့ နီးနီးကပ်ကပ် ပတ်သက်ဆက်နွယ်နေတာကို တွေ့ရမှာပါ”

ဆွေးနွေးပွဲကို IAIS က ဦးစီးကျင်းပတာဖြစ်ပြီး အစ္စလာမ့် ဓမ္မသတ်မှူးတွေ၊ ပညာရှင်တွေနဲ့ အစ္စလာမ့် ဓမ္မသတ်ဥပဒေဆိုင်ရာ ကျွမ်းကျင်သူတွေ တက်ရောက်ခဲ့ကြပါတယ်။

ရဟ်မာဆိုတဲ့ သနားညှာတာမှုဟာ အစ္စလာမ်သာသနာရဲ့ အဓိကတန်ဖိုးတစ်ခု ဖြစ်တယ်လို့လည်း ကာမာလီက ထည့်သွင်း ပြောဆိုခဲ့ပါတယ်။

“အစ္စလာမ်သာသနာဟာ တရားမျှတမှုဖက်မှာ ပြည့်ပြည့်၀၀ ရပ်တည်တယ်ဆိုတာ ငြင်းစရာမလိုဘူး၊ ဒါပေမယ့် သနားညှာတာမှုက အစ္စလာမ်ရဲ့ အဓိကတန်ဖိုးကို မောင်းနှင်တာ ဖြစ်ပါတယ်။ ညှာတာမှု၊ ပညာပေးမှုမရှိတဲ့ တရားမျှတမှုကို ကျင့်သုံးမယ်ဆိုရင် အနှစ်သာရ ပြည့်ဝမှာ မဟုတ်ပါဘူး။ အစ္စလာမ်သနာကပြောတဲ့ သနားညှာတာမှုဖက်ကို လှည့်လာတာကို မြင်ရတာပျာ်ရွှင်မိပြီးကြည်နူးစရာလည်း ဖြစ်ပါတယ်။ ဒီအချက်ဟာ မလေးရှားမှာသာမက ကမ္ဘာတစ်ဝှမ်းမှာပါ ပျောက်ဆုံးနေတဲ့ အချက်တစ်ခု ဖြစ်ပါတယ်”

အစ္စလာမ်သာသနာဟာ အရေးယူအပြစ်ပေးဖို့ပဲ အားသန်တယ်လို့ တစ်ချို့ရဲ့ ထင်မြင်ယူဆချက်အမှားကို ပြန်လည်ပြင်ဆင်ဖို့ အချိန်ကျပြီလို့လည်း ကာမာလီက ဆိုပါတယ်။

” အစ္စလာမ်ရဲ့ ရပ်တည်ချက်အမှန်ကို ဖော်ထုတ်ဖို့၊ အစ္စလာမ်သာသနာအပေါ် အထင်အမြင်မှားမှုကို ဖယ်ရှားဖို့အတွက် ဒီကိစ္စဟာ အစ္စလာမ်သာသနာရဲ့ စိန်ခေါ်မှုသစ် တစ်စိတ်တစ်ပိုင်းအဖြစ် မလေးရှားက အိုလမာသာသနာ့ပညာရှင်တွေ၊ ဓမ္မသတ်မှူးတွေက ယူဆမယ်လို့ ကျွန်တော် မျှော်လင့်ပါတယ်”

ဆွေးနွေးပွဲကို ၀န်ကြီးချုပ်ရုံးဝန်ကြီး ဒေါက်တာ မူဂျာဟစ် ယူဆွဖ်ရာဝါလည်း တက်ရောက်ခဲ့ပါတယ်။

Ref: The Star

 

Comments are closed.