1 month ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
5 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
11 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
11 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၂၀၊ ၂၀၁၈

M-Media

အသတ်ခံခဲ့ရသည့် ဆော်ဒီဂျာနယ်လစ် ဂျမားလ် ကာရှိုဂျီ

–  အစ္စတန်ဘူလ်က ဆော်ဒီကောင်စစ်ဝန်ရုံးမှာ အောက်တိုဘာ ၂ ရက်နေ့က ပျောက်ဆုံးသွားတဲ့ ၀ါရှင်တန်ပို့စ်သတင်းထောက် ဂျမားလ် ကာရှိုဂျီဟာ သေဆုံးသွားခဲ့တယ်လို့ ဆော်ဒီအာရေဗျက မနေ့မှာ ၀န်ခံလိုက်ပါတယ်။

ကောင်စစ်ဝန်ရုံးအတွင်း ၀န်ထမ်းတွေနဲ့ တိုက်ခိုက်မှု အကြီးအကျယ်ဖြစ်ရာကနေ ကာရှိုဂျီ အသတ်ခံလိုက်ရတယ်ဆိုတာ ကနဦး စုံစမ်းစစ်ဆေးမှုတွေအရ တွေ့ရှိရတယ်လို့ နိုင်ငံပိုင် SPA သတင်းဌာနက ထုတ်ပြန်ပါတယ်။

“စုံစမ်းစစ်ဆေးမှုတွေကို ဆက်လက်လုပ်ဆောင်နေပြီး ဆော်ဒီနိုင်ငံသား ၁၈ ဦးကို ဖမ်းဆီးထားပါတယ်” လို့ ဆော်ဒီ အစိုးရရှေ့နေက ထုတ်ပြန်တဲ့ကြေငြာချက်မှာ ဖော်ပြထားပါတယ်။

ဒါ့အပြင် ဘုရင့်နန်းတော် အကြံပေး ဆအွဒ် အလ်-ကွာတာနီနဲ့ ထောက်လှမ်းရေး ဒုတိယအကြီးအကဲ အဟ်မဒ် အလ် အစီရီတို့လည်း ရာထူးက ထုတ်ပယ်လိုက်တယ်လို့ ဆိုပါတယ်။

အသတ်ခံရပြီးတဲ့နောက် ကာရှိုဂျီရဲ့ ရုပ်အလောင်း ဘယ်ရောက်သွားလဲဆိုတာကို တိတိကျကျ ဖော်ပြခြင်း မရှိပါဘူး။

အရှေ့အလယ်ပိုင်းသာမက၊ အနောက်နိုင်ငံတွေက သံတမန်အသိုင်းအ၀ိုင်းနဲ့ နီးစပ်တဲ့ ကာရှိုဂျီဟာ ဆော်ဒီအစိုးရသစ်ရဲ့ ပေါ်လစီတွေကို တစ်စိုက်မတ်မတ် ဝေဖန်လာသူ ဖြစ်ပါတယ်။

အမေရိကန်သမ္မတ ဒေါ်နယ်ထရမ့်က ဆော်ဒီအစိုးရရဲ့ အခုဖြေရှင်းချက်ဟာ ခိုင်လုံတယ်ဆိုတာ တွေ့ရကြောင်း ပြောကြားခဲ့ပါတယ်။

“စောသေးတယ်။ စုံစမ်းစစ်ဆေးမှုကို ကျွန်တော်တို့ ပြည့်ပြည့်စုံစုံ မသုံးသပ်ရသေးပါဘူး။ ဒါပေမယ့် အရေးကြီးတဲ့ ပထမခြေလှမ်းလို့ ထင်ပါတယ်”

ကာရှိုဂျီကို ဆော်ဒီအစိုးရက ကြေးစား ၁၅ ဦးငှားကာ သတ်ခိုင်းကာ အပိုင်းပိုင်းတုံးပြီး အလောင်းကို လက်စဖျောက်လိုက်တယ်လို့ တူရကီအစိုးရက ပြောကြားထားပြီး ဆော်ဒီကတော့ ဒါကို ပထမပိုင်းမှာ ငြင်းဆိုခဲ့ပါတယ်။ ထရမ့်ကလည်း ကာရှိုဂျီကို ဆော်ဒီကသတ်တာ သေချာတယ်ဆိုရင် ပြင်းထန်တဲ့ အရေးယူမှုတွေ ပြုလုပ်သွားမယ်လို့ ပြောကြားထားပါတယ်။

ဒါပေမယ့် ဆော်ဒီက အခုလိုဝန်ခံမှုအတွက် ဒေါ်လာဘီလီယံချီ လက်နက်ရောင်းဝယ်မှု သဘောတူညီချက်ကို ပယ်ဖျက်မှာ မဟုတ်ဘူးလို့ ထရမ့်က မနေ့မှာ ပြောကြားခဲ့ပါတယ်။

Ref: Aljazeera

Comments are closed.