2 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
7 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

နိုဝင်ဘာ ၁၃၊ ၂၀၁၈
M-Media

– ယူကေအခြေစိုက် နိုင်ငံတကာ လူ့အခွင့်အရေးအဖွဲ့တစ်ခုဖြစ်တဲ့ Amnesty International က ဒေါ်အောင်ဆန်းစုကြည်ကို ပေးအပ်ထားတဲ့ ဂုဏ်ထူးဆောင် ဆုတစ်ခုကို မနေ့က ရုပ်သိမ်းလိုက်ပြီး ‘တစ်ချိန်က သူမရပ်တည်ကာကွယ်ခဲ့တဲ့ တန်ဖိုးတွေကို ရှက်ဖွယ်သစ္စာဖောက်မှုကြောင့်’ ဖြစ်တယ်လို့ ပြောကြားခဲ့ပါတယ်။

Ambassador of Conscience Award ဆုဖြစ်ပြီး ၂၀၀၉ ခုနှစ်က ဒေါ်အောင်ဆန်းစုကြည်ကို ချီးမြှင့်ခဲ့တာပါ။ ဒီဆုဟာ Amnesty International က ပေးအပ်တဲ့ အမြင့်ဆုံး ဂုဏ်ထူးဆောင်ဆုလည်း ဖြစ်ပါတယ်။

“ခင်ဗျားဟာ မျှော်လင့်ချက်၊ သူရသတ္တိတွေရဲ့ ပြယုဂ်မဟုတ်တော့ဘူး၊ လူ့အခွင့်အရေးကို မမှိတ်မသုန် ကာကွယ်သူ မဟုတ်တော့ဘူးလို့ စိတ်မကောင်းစွာနဲ့ဘဲ မှတ်ယူလိုက်ပါတယ်။ Ambassador of Conscience ဆု ရရှိထားသူတစ်ဦးအဖြစ် Amnesty International က မသတ်မှတ်နိုင်တော့တဲ့အတွက် ဒီဆုကို ၀မ်းနည်းစွာနဲ့ ရုပ်သိမ်းရတော့မှာ ဖြစ်ပါတယ် ” လို့ AI အဖွဲ့ရဲ့ အထွေထွေအတွင်းရေးမှူး ကူမီနိုင်ဒိုက ဒေါ်အောင်ဆန်းစုကြည်ကို  တနင်္ဂနွေနေ့က ပေးပို့တဲ့စာမှာ ရေးသားထားပါတယ်။

မနေ့ကလုပ်ခဲ့တဲ့ သတင်းစာရှင်းလင်းပွဲမှာ AI အဖွဲ့က နိုင်ငံအတွင်း လူ့အခွင့်အရေးကို ကာကွယ်စောင့်ရှောက်ဖို့အတွက် သူမရဲ့ ‘နိုင်ငံရေးနဲ့ စိတ်ပိုင်းဆိုင်ရာသြဇာ’ ကို အသုံးမပြုခဲ့ဘူးလို့လည်း ဝေဖန်ခဲ့ပြီး တိုင်းရင်းသားဒေသတွေမှာ ကြမ်းကြုတ်တဲ့ လုပ်ရပ်တွေကို ကျူးလွန်နေတဲ့ မြန်မာစစ်တပ်နဲ့ ‘တစ်သဘောတည်းလိုဖြစ်နေကာ၊ လွတ်လပ်စွာ ထုတ်ဖော်ပြောဆိုခွင့်ကို သည်းမခံမှု တိုးမြင့်လာတယ်’ လို့လည်း ပြောကြားခဲ့ပါတယ်။

ရခိုင်ပြည်နယ်က ရိုဟင်ဂျာတွေအပေါ် မြန်မာစစ်တပ်က လူမျိုးတုန်းသတ်ဖြတ်မှုအပေါ် နှုတ်ဆိတ်နေတယ်လို့ ဒေါ်အောင်ဆန်းစုကြည်ဟာ ဝေဖန်ခံနေရပြီး သူမအပေါ် နိုင်ငံတကာက ချီးမြှင့်ထားတဲ့ ဆုတစ်ချို့ဟာ ပြီးခဲ့တဲ့လတွေမှာ ရုပ်သိမ်းခံခဲ့ရပါတယ်။

နိုင်ဒူက ဒေါ်အောင်ဆန်းစုကြည်ဟာ ‘စစ်တပ်က လူသားထုအပေါ်ကျူးလွန်တဲ့ ရာဇ၀တ်မှုတွေ ရက်စက်တဲ့ ဖိနှိပ်မှုတွေကို လစ်လျူရှုတာ၊ ဆင်ခြေပေးတာတွေ လုပ်နေပြီး၊ နိုင်ငံတကာအသိုင်းအ၀ိုင်းက စစ်ခေါင်းဆောင်တွေအပေါ် အရေးယူဖို့ ကြိုးစားမှုကို တစ်စိုက်မတ်မတ် ကာကွယ်ပေးနေတယ်” လို့ သူ့ရဲ့စာထဲမှာ ထည့်သွင်းရေးသားခဲ့ပါတယ်။

“ခင်ဗျားရဲ့အစိုးရက လူနည်းစုတွေကို မုန်းတီးလာအောင် ၀ါဒဖြန့်နေတာ၊ ခွဲခြားဆက်ဆံမှုတွေ၊ ရန်လိုမှုတွေကို ဖြေရှင်းရမယ့်အစား အားပေးနေတာတွေကို မြင်ရတာ တုန်လှုပ်မိပါတယ်”

ရခိုင်ပြည်နယ်မှာတင်မဘဲ ရှမ်းပြည်နယ်၊ ကချင်ပြည်နယ်တွေမှာ စစ်တပ်ရဲ့ စစ်ဆင်ရေးတွေ၊ ရိုက်တာသတင်းထောက်နှစ်ဦး ဖမ်းဆီး တရားစွဲခံရမှုတွေကိုလည်း AI အဖွဲ့က ထောက်ပြဝေဖန်ခဲ့ပါတယ်။

“ခင်ဗျားရဲ့အစိုးရဟာ ဖိနှိပ်ချုပ်ချယ်တဲ့ ဥပဒေတွေကို ဖျက်သိမ်းတာ၊ ပြင်ဆင်တာတွေ မလုပ်ရုံမျှမက၊ လွတ်လပ်စွာ ဖော်ထုတ်မှုကို တားဆီးပိတ်ပင်ပြီး လူ့အခွင့်အရေး တက်ကြွလှုပ်ရှားသူတွေ၊ ဂျာနယ်လစ်တွေနဲ့ ငြိမ်းချမ်းရေး တက်ကြွလှုပ်ရှားသူတွေကို ဖမ်းဆီး အကျဉ်းချနေတာတွေကို တွေ့ရတာ စိတ်ပျက်ရပါတယ်” လို့ နိုင်ဒူက ထည့်သွင်း ရေးသားခဲ့ပါတယ်။

အမေရိကန်အခြေစိုက် ဂျူးပြတိုက် US Holocaust Memorial Museum ဟာ ၂၀၁၂ ခုနှစ်က ဒေါ်အောင်ဆန်းစုကြည်ကို ချီးမြှင့်ထားတဲ့ Elie Wiesel ဆုကို မတ်လမှာ ရုပ်သိမ်းခဲ့ပြီး၊ ၁၉၉၇ ခုနှစ်မှာ သူမကို ချီးမြှင့်ထားတဲ့ Freedom of the City of Oxford ဆုကို အောက်စဖို့ဒ်မြို့က ၂၀၁၇ ခုနှစ် နိုဝင်ဘာလမှာ ပြန်ရုပ်သိမ်းခဲ့ပါတယ်။

ဒေါ်အောင်ဆန်းစုကြည်ကို ချီးမြှင့်ထားတဲ့ ဂုဏ်ထူးဆောင်နိုင်ငံသားဘွဲ့ကို စက်တင်ဘာလမှာ ကနေဒ်ါလွှတ်တော်က ရုပ်သိမ်းခဲ့ပါတယ်။

“သူမရဲ့ ထောက်ခံအားပေးမှု ပါပါ၊ မပါပါ မြန်မာနိုင်ငံမှာ တရားမျှမှုရရှိရေး၊ လူ့ အခွင့်အရေးတွေအတွက် ကျွန်တော်တို့ ဆက်လက် တိုက်ပွဲဝင်သွားမှာ ဖြစ်ပါတယ်” လို့ နိုင်ဒူက ပြောကြားခဲ့ပါတယ်။

Ref: CNN

Comments are closed.