5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇန်န၀ါရီ ၃၁၊ ၂၀၁၉
M-Media

ဒူဘိုင်းရှိ Mahamevnawa ဘုန်းကြီးကျောင်းတွင် တရားထိုင်နေသည့် သီရိလင်္ကာဘုန်းကြီးများ

– အင်္ဂါနေ့တစ်မနက် ဂျူမိုင်ရာဟ် အိမ်ယာ တိုက်တစ်လုံးမှာ အမျိုးသား၊ အမျိုးသမီး၊ ကလေးငယ်တွေပါဝင်တဲ့ သီရိလင်္ကာအဖွဲ့တစ်ခုဟာ အဖြူရောင်ဝတ်စုံဝတ်ကာ တရားဘ၀နာ စီးဖြန်းနေကြပါတယ်။ ဦးညွှတ် လက်အုပ်ချီကာ ဈာန်ဝင်စားနေတဲ့သူတို့ဟာ ဘုရားစာတွေကို သံပြိုင် ရွတ်ဆိုနေပါတယ်။

ပျားပန်းခတ်မျှ စည်ကားလှတဲ့ ဒူဘိုင်းမြို့ရဲ့ အလယ်တည်တည်မှာရှိတဲ့ ၂ ထိပ်တိုက်ဟာ ၂၀၁၂ ခုနှစ် မေလကနေစပြီး ဗုဒ္ဓဘာသာ Mahamevnawa ဂိုဏ်းရဲ့ အချက်အခြာနေရာ ဖြစ်လာပါတယ်။ ဒီနေရာဟာ ဒေသအတွင်း တစ်ခုတည်းသော ဗုဒ္ဓဘာသာဘုရားကျောင်းဖြစ်တယ်လို့ သီရိလင်္ကာရွှေ့ပြောင်းလုပ်သား ရူဘက်ရှ် ပီလိုင်းက ဆိုပါတယ်။ ပီလိုင်းဟာ ဒီဘုရားကျောင်းကို ထိန်းသိန်းစောင့်ရှောက်နေသူလည်း ဖြစ်ပါတယ်။

ခရစ်ယာန်၊ အစ္စလာမ်နဲ့ ဟိန္ဒူဘာသာတွေပြီးရင် ဗုဒ္ဓသာသနာဟာ ကမ္ဘာပေါ်မှာ စတုတ္တမြောက် ကိုးကွယ်မှုအများဆုံး ဘာသာတရားတစ်ခုလို့ သတ်မှတ်ခံထားရပါတယ်။ ပီလိုင်းက ဒူဘိုင်းမှာ ဗုဒ္ဓဘာသာဝင်ဦးရေ ၃ သိန်းနီးပါးလောက်ရှိပြီး ဆယ်စုနှစ်ပေါင်းများစွာ အေးချမ်းစွာ နေထိုင်ခဲ့ကြတယ်လို့ ပြောပါတယ်။ အဲဒီအထဲက ၂ သိန်းခွဲလောက်ဟာ သီရိလင်္ကာက ဖြစ်တယ်လို့လည်း သူက ဆိုပါတယ်။

“ယူအေအီးဟာ ဘာသာရေးသည်းခံနိုင်မှု ရှိယုံတင်မကဘဲ အခြားဘာသာတရားတွေကို လက်ကမ်းကြိုဆိုနေတယ်ဆိုတာကို ဒါက သက်သေပြနေတာပါ။ မကြာခင်လာရောက်မယ့် ပုပ်ရဟန်းမင်းကြီးလည်း ယူအေအီးရဲ့ နွေးနွေးထွေးထွေး ကြိုဆိုမှုကို တအံ့တသြ မြင်ရမှာ သေချာပါတယ်”

“ယဉ်ကျေးမှု၊ ဘာသာတရားနဲ့ ရိုးရာမတူတဲ့သူတွေအပေါ် ယူအေအီးရဲ့ဆက်ဆံမှုကို သည်းခံတယ်ဆိုတဲ့စကားတစ်လုံးတည်းနဲ့ ဖော်ပြလို့ မလုံလောက်ဘူးလို့ ကျွန်တော်ထင်ပါတယ်။ သည်းခံတယ်ဆိုတာမျိုးက မကြိုက်ပေမယ့်လည်း လက်ခံတာမျိုးပါ။ တကယ်တော့ ယူအေအီးဟာ လူတိုင်းလူတိုင်းကို တန်ဖိုးထားပြီး ချီးမြှောက်အားပေးတဲ့ နိုင်ငံမျိုး ဖြစ်ပါတယ်။ ယူအေအီးဟာ ကျွန်တော်တို့ကို စောင့်ရှောက်ထားသလို ကျွန်တော်တို့ရဲ့ ယုံကြည်မှုကိုလည်း လွတ်လပ်စွာ ကျင့်သုံးခွင့် ပေးထားပါတယ်”

Mahamevnawa ဂိုဏ်းရဲ့ ပထမဆုံး ဘုရားကျောင်းကို ၂၀၀၈ ခုနှစ်က ဆတ္တ၀ါမြို့က အခန်းငယ်လေးတစ်ခုမှာ ဖွင့်လှစ်ခဲ့တာ ဖြစ်ပါတယ်။ ဗုဒ္ဓဘာသာဝင်ရာချီနဲ့ စတင်ခဲ့တဲ့ ဒီဘုရားကျောင်းဟာ လာရောက်သူ များလာတာကြောင့် ၂၀၁၀ ခုနှစ်မှာ ဂါဟုဒ်ရပ်ကွက်က ပိုကြီးတဲ့နေရာကို ပြောင်းရွှေ့ခဲ့ပါတယ်။ ၂၀၁၂ ခုနှစ်မှာတော့
လက်ရှိအသုံးပြုနေတဲ့ ဂျူမိုင်ရာဟ်အိမ်ယာကို ရွှေ့ပြောင်းခဲ့တာ ဖြစ်ပါတယ်။

တရားဘ၀နာစီးဖြန်းချင်တဲ့သူတွေအတွက် ဘုရားကျောင်းကို နေ့စဉ် ဖွင့်လှစ်ပေးထားပါတယ်။ အပြင်ကနေကြည့်မယ်ဆိုရင် ဂျူမိုင်ရာက အခြားတိုက်တွေလို ဆေးအဖြူသုတ်ထားတာကိုပဲ မြင်ရမှာပါ။

ဘုရားကျောင်းရဲ့ မျက်နှာစာမှာ အထူးအမှတ်အသားတွေ မရှိပါဘူး။ အထဲကိုဝင်သွားလိုက်တာနဲ့ ပန်းပေါင်းစုံ အမွှေးရနံ့တွေက ဆီးကြိုနေပြီး အစိမ်းရောင်ဘောဓိညောင်ပင်တွေက ပြီးပြည့်စုံတဲ့ တရားထိုင်ခြင်းအရသာကို ပေးစွမ်းနိုင်မှာ ဖြစ်ပါတယ်။

“မွတ်စလင်၊ ခရစ်ယာန်၊ ဟိန္ဒူနဲ့ အခြား ဘာသာတွေက ဘယ်သူမဆို ဒီကိုလာနိုင်ပါတယ်။ ကျွန်တော်တို့က အမြဲတမ်းကြိုဆိုနေပါတယ်။ လူအများဆုံးနေ့က သောကြာနေ့ဖြစ်ပြီး လူထောင်ချီ ရှိတတ်ပါတယ်။ ယူအေအီးနိုင်ငံတစ်ဝှမ်းက ဗုဒ္ဓဘာသာဝင်တွေ ဒီကိုလာပြီး တရားထိုင်ကြတယ်၊ ဘုရားရှင်ကို ပူဇော်ကြတယ်။ ဘုန်းကြီးတွေဆီကနေ တရားနာကြပါတယ်”

ဘုန်းကြီးတွေအတွက် ဆွမ်း၊ ကွမ်းကို လာရောက်ဖူးမျှော်သူတွေက လှူဒါန်းကြသလို ဘုရားကျောင်း ငှားရမ်းစားရိတ်၊ ထိန်းသိမ်းစားရိတ် တွေကို ယူအေအီးမှာ အလုပ်လာလုပ်နေတဲ့ ဗုဒ္ဓဘာသာဝင်တွေက မျှဝေကျခံပေးပါတယ်။ ဒူဘိုင်းမှာ ဒီထက်ပိုကြီး ဘုန်းကြီးကျောင်းတစ်ခု ဆောက်လုပ်ဖို့အတွက် နေရာရှာနေတယ်လို့ ပီလိုင်းက ပြောပါတယ်။

ဗုဒ္ဓသာသနာဟာ ဘာသာတရားသက်သက်တစ်ခုသာ မဟုတ်ဘဲ ဘ၀တည်ဆောက်မှု ဒဿနဖြစ်တယ်လို့လည်း ပီလိုင်းက ဆိုပါတယ်။

“ဗုဒ္ဓဘာသာမှာ အကန့်အသတ်ဆိုတာ မရှိပါဘူး။ တစ်ခုခုလုပ်မယ်ဆိုရင် အဲဒီရဲ့ ကောင်းကျိုးဆိုးကျိုးကို ခံစားရမယ်လို့ သွန်သင်ပါတယ်။ ကံ၊ ကံ၏အကျိုးကို ရှင်းပြတဲ့ ဒဿနပါ”

ဒူဘိုင်းမှာနေထိုင်တဲ့ အခြား သီရိလင်္ကာနိုင်ငံသား အသက် ၃၆ နှစ်အရွယ် ဂါယန် သူရှာရာက “ဗုဒ္ဓက ဘုရားမဟုတ်ဘူး။ လူသားတွေကို သူချပြခဲ့တဲ့လမ်းကြောင်းကို ကျွန်တော်တို့က လိုက်နာတာပါ” ပြောကြားခဲ့ပါတယ်။

“တရားထိုင်တာက ကောင်းတယ်ဗျ။ စိတ်ဖိစီးမှု ရှိလာတဲ့အချိန်မျိုးဆိုရင် ကျွန်တော် တရားဘာဝနာပွားများတယ်။  တရားထိုင်တာဟာ ခန္ဓာကိုအတွက် ကောင်းမွန်တယ်ဆိုတာကို သိပ္ပံကလည်း သက်သေပြထားပါတယ်။ စိတ်ကို ပိုမိုကြည်လင်စေတယ်။ ဘ၀မှာလည်း ပိုပြီး အဓိပ္ပါယ်ရှိလာပါတယ်”

Ref: Khaleej Times

Tags:

Comments are closed.