11 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဖေဖော်ဝါရီ ၁၃၊ ၂၀၁၉
M-Media

မိုင်းပြင်အောက်ရွာတွင် ခိုလှုံနေရသည့် ကလေးငယ်များ (Photo Credit – mmtimes)

– ရှမ်းပြည်နယ် မိုင်းပြင်အောက်ရွာက အေးစိမ့်လှတဲ့ မနက်ခင်းမှာ Ah Mu တစ်ယောက် တာပေါ်လင်တဲတစ်ခုရှေ့မှာ ထိုင်ကာ အသက်တစ်လအရွယ် သမီးငယ်လေးကို နို့ချိုတိုက်ကျွေးနေချိန် ၄ နှစ်အရွယ် သားငယ်လေးက အနီးအနားမှာ ဆော့ကစားနေပါတယ်။

ရှမ်းပြည် တိုးတက်ရေးပါတီနဲ့ ရှမ်းပြည် ပြန်လည်ထူထောင်ရေးကောင်စီတို့အကြား ဖြစ်ပွားတဲ့ တိုက်ပွဲတွေကြောင့် လားရှိုးမြို့ကနေ ၁၂ မိုင်အကွာမှာရှိတဲ့ မိုင်းပြင်က Ah Mu နဲ့ အခြားဒေသခံတွေ ထွက်ပြေးကာ ယိုင်နဲ့နဲ့တဲတွေမှာ ခိုလှုံနေထိုင်နေရတာ ၄ လ ကြာမြင့်နေပြီ ဖြစ်ပါတယ်။

မိုင်းပြင်အောက်ပိုင်းမှာ နေထိုင်သူတွေရဲ့ အကူအညီနဲ့ တာပေါ်လင်တဲတွေကို ထိုးတာတာဖြစ်ပြီး စားနပ်ရိက္ခာကိုတော့ ကချင်နှစ်ခြင်းအသင်းတော် KBC၊ နိုင်ငံတကာ ကြက်ခြေနီအဖွဲ့နဲ့ မေတ္တာဖောင်ဒေးရှင်းတို့က လှူဒါန်းပါတယ်။ မိုင်းပြင်မှာ နေထိုင်သူတွေအားလုံးဟာ ကချင်လူမျိုးတွေ ဖြစ်ပါတယ်။

ပြီးခဲ့တဲ့နှစ် အောက်တိုဘာလကစပြီး မိုင်းပြင်အနီးမှာ နှစ်ဖက် လက်နက်ကိုင်တပ်ဖွဲ့တွေဟာ လက်နက်ကြီးတွေနဲ့  တိုက်ခိုက်ခဲ့ကြတယ်လို့ ရွာသားတွေက ပြောပါတယ်။ အနီးအနားရွာကလူတွေလည်း အိုးအိမ်စွန့်ခွာ ထွက်ပြေးခဲ့ရပါတယ်။

“ကိုယ်ဝန့်အရင့်အမာကြီးနဲ့ ကျွန်မ ထွက်ပြေးရတာ။ ကလေးအသက်ရှင်တာ ကံကောင်းတယ်” လို့ Ah Mu က ပြောပါတယ်။ ရွာကလူတွေ အကုန်လုံး ထွက်ပြေးရပြီးတဲ့နောက် သူမရဲ့ခင်ပွန်းဟာ တရုတ်နိုင်ငံကို သွားရောက်အလုပ်လုပ်ကိုင်နေပါတယ်။ လသားအရွယ်သားကို ကျောပိုးပြီး ဆွေးမျိုးတွေနဲ့အတူ ထွက်ပြေးခဲ့ရတယ်လို့လည်း Ah Mu က ပြောပါတယ်။

“မိုင်းပြင်မှာ ကျွန်မတို့နေတာ နှစ်တော်တော်ကြာနေပြီ။ အိုးပစ်အိမ်ပစ်ထွက်ပြေးခဲ့ရတာနဲ့ ဘယ်တော့မှ ပြန်နိုင်မလဲဆိုတာ မသိသေးတဲ့အပေါ် ၀မ်းနည်းမိပါတယ်” လို့ သူမက မျက်ရည်လည်ရွဲနဲ့ ပြောကြားခဲ့ပါတယ်။

မိုင်းပြင်ရွာသားတွေဟာ အနီးအနားကရွာကို အောက်တိုဘာလမှာ ထွက်ပြေးခဲ့ရပြီး ၃ ရက်နေထိုင်ခဲ့ရပါတယ်။ အဲဒီရွာမှာ လုံခြုံရေး အာမခံချက်မရှိတာကြောင့် သူတို့တွေဟာ လာရှိုးက KBC မှာ တစ်ပတ်လောက် နေထိုင်ခဲ့ရပြီး အဲဒီနောက် မိုင်းပြင်အောက်ပိုင်းကို ရောက်ရှိလာခဲ့ပါတယ်။

မိုင်းပြင်အောက်ရွာမှာ အိမ်ထောင်စု ၃၈ စုက လူ ၁၂၀ လောက်ရှိနေပြီး မိုင်းပြင်အထက်ပိုင်းက ပြောင်းလာသူတွေနဲ့ဆိုရင် ကချင်လူမျိုး ၂၀၀ လောက် ရှိနေတယ်လို့ စခန်းကို ဦးစီးနေတဲ့ Htwel Shaung က ပြောပါတယ်။

“ကျွန်တော်တို့အားလုံးဟာ ကချင်တွေဖြစ်တာကြောင့် သူတို့ကို လက်ခံခဲ့တာပါ။ ဒါပေမယ့် ကျွန်တော်တို့ရွာကလည်း ဆင်းရဲတယ်။ ဒါ့ကြောင့် နေစရာထိုင်စရာနဲ့ စားနပ်ရိက္ခာတွေပေးဖို့ ခက်ခဲပါတယ်။ ဒုက္ခသည်တွေ သူတို့အိမ်ကို မကြာခင် ပြန်နိုင်မယ်လို့လည်း ကျွန်တော်တို့ မျှော်လင့်ပါတယ်”

တိုက်ပွဲတွေစဖြစ်ကတည်းက ရွာသားလေးဦး သေဆုံးခဲ့ပြီး အဲဒီအထဲမှာ Khun Sinn ရဲ့ အသက် ၆၀ အရွယ် မိခင်နဲ့ အသက် ၂ နှစ်အရွယ် တူမတို့ ပါဝင်သွားပါတယ်။

“ကျွန်မအမေနဲ့ အမက ရွာပြင်မှာ ကောက်သွားရိတ်နေတာ။ ပစ်သံခတ်သံတွေကို ကြားတဲ့အခါ အမေက သွေးအိုင်ထဲမှာ လဲနေပြီ။ အမေမသေအောင် ကြိုးစားခဲ့ပေမယ့် အမေ့ကို မကယ်တင်နိုင်ခဲ့ပါဘူး” လို့ Khun Sinn က ပြောပါတယ်။ အသက် ၃၆ နှစ်အရွယ်သူမမှာ သားနှစ်ဦးနဲ့ သမီးနှစ်ဦး ရှိပါတယ်။

“ရိုးရိုးတန်းတန်း နေမကောင်းဖြစ်ပြီး သေသွားတယ်ဆိုရင်တော့ ဖြေသာသေးတာပေါ့။ ကောင်းကောင်းလည်း ပြုစုခွင့်ရမယ်လေ။ တိုက်ပွဲကြောင့် အခုလိုဖြစ်သွားတယ်ဆိုတော့ တော်တော်လေး နာကျင်ခံစားရပါတယ်။ သူတို့အချင်းချင်းပစ်တာက ပစ်လေ။ ဘာ့ကြောင့် ကျွန်မအမေက ကြားထဲကနေ သေရတာလဲ” လို့ Khun Sinn က မျက်ရည်စက်လက်နဲ့ ပြောပါတယ်။

အသက် ၂၈ နှစ်အရွယ် Aung Mai ကတော့ တိုက်ပွဲက တုန်လှုပ်စရာအခြေအနေတွေရဲ့ ခြောက်လှန့်မှုကို ခံခဲ့ရပါတယ်။ သူ့ရဲ့ စိတ်ကျဝေဒနာကို မိသားစုက အစွမ်းကုန် စောင့်ရှောက်ကုသပေးခဲ့ပေမယ့် ဒီဇင်ဘာ ၂၅ ရက်နေ့မှာ Aung Mai ဟာ ရွာက မီးတိုင်ပေါ်တက်ပြီး ကြိုးဆွဲချ အဆုံးစီရင်ကာ ဇနီးနဲ့ Mai Jar နဲ့ အသက် ၂ နှစ်အရွယ် သမီးဖြစ်သူတို့ကို ထားသွားခဲ့ပါတယ်။

“တိုက်ပွဲကြောင့် ခင်ပွန်း၊ သားသမီးတွေနဲ့အတူ ထွက်ပြေးရရုံတင်မက၊ ဒီဒဏ်ကြောင့်ပဲ ကျွန်မယောက်ျား သေဆုံးခဲ့ပါတယ်။ ဘာအပြစ်တွေလုပ်ခဲ့လို့ ဒီလိုကြုံတွေ့ရလဲဆိုတာ ဘုရားသခင်ကို မေးမိပါတယ်” လို့ Mai Jar က ပြောပါတယ်။

လာရှိုးက ‘ဒုက္ခသည်စောင့်ရှောက်ရေးကော်မတီ’ ရဲ့ ဒုတိယဥက္ကဌ Sai Ba Nyan က လက်နက်ကိုင်အဖွဲ့နှစ်ခုအကြား တိုက်ပွဲတွေဖြစ်ပွားမှုဟာ ပြဿနာတွေကိုသာ တိုးလာစေပြီး အဖြေရမှာမဟုတ်ဘူးလို့ ပြောကြားခဲ့ပါတယ်။

“အဖြေတစ်ခု ရှာဖို့ဆိုရင် အတိတ်ကိုချန်ထားပြီး အနာဂတ်ကိုကြည့်ဖို့ လိုအပ်ပါတယ်။ လက်နက်ကိုင်အဖွဲ့တွေကြောင့် တိုင်းရင်းသားတွေ ဒုက္ခသည်ဘ၀ရောက်တာမျိုး မဖြစ်သင့်ပါဘူး”

တိုက်ပွဲတွေ၊ မတည်ငြိမ်မှုတွေကနေ ကောင်းမွန်တဲ့အရာ ပေါ်ထွက်လာတာမျိုးလည်း ရှိပါတယ်။ အခက်အခဲတွေ၊ ရာသီဥတုဒဏ်တွေကို ခံစားနေရတဲ့ ကချင်ပြည်သူတွေအတွဟာ မကြာခင် အကူအညီတွေ ရရှိတော့မှာ ဖြစ်ပါတယ်။ ‘မေတ္တာအရင်းအမြစ်ဖောင်ဒေးရှင်း’ (MRF) က မိုင်းပြင်အောက်ပိုင်းမှာ ဒုက္ခသည်မိသားစု တစ်ခုစီအတွက် အိမ်ငယ်လေးတွေ ဆောက်ပေးမှာပါ။

MRF ဟာ အကျိုးအမြတ်မယူတဲ့ အကူအညီပေးရေးအဖွဲ့တစ်ခုဖြစ်ပြီး ၂၀၀၈ ခုနှစ် နိုဝင်ဘာလမှာ စတင် ထူထောင်ခဲ့တာ ဖြစ်ပါတယ်။ ပြည်ထဲရေးဝန်ကြီးဌာနမှာ မှတ်ပုံတင်ထားတဲ့ အဲဒီအဖွဲ့ဟာ လူ့အဖွဲ့အစည်း ဖွံ့ဖြိုးတိုးတက်ရေးနဲ့ ထိခိုက်ခံစားရသူတွေကို လူသားချင်းစာနာထောက်ထားမှု အကူအညီတွေ ပေးအပ်နေပါတယ်။

အိမ်အသစ်တွေဆောက်လုပ်ဖို့အတွက် မြေနေရာကို ဒေသခံတွေက ပေးတာဖြစ်ပါတယ်။ ဖေဖော်ဝါရီ တတိယပတ်လောက်မှာ အိမ်တွေကို ဆောက်လုပ်မှာဖြစ်ပြီး သီတင်းပတ် ၆ ပတ်လောက်မှာ ပြီးစီးဖို့ လျာထားပါတယ်။

မိုင်းပြင်အထက်ရွာရဲ့ အကြီးအကဲ Thein Bwan က ကချင်တွေဟာ သူတို့ကိုယ်တိုင် မပြေလည်ပေမယ့် သူတို့လူမျိုးတွေကို ကူညီကြတယ်လို့ ပြောကြားခဲ့ပါတယ်။

ကချင်ရွာသားတွေတင်မကဘဲ အနီးအနားရွာတွေက ရှမ်းနဲ့ ပလောင်လူမျိုးတွေကလည်း ကောက်ပဲသီးနှံတွေ ထောက်ပံ့ကြပါတယ်။

“ကျွန်တော်တို့ဟာ ရှမ်းပြည်နယ်က ကချင်တိုင်းရင်းသားတွေပါ။ ဒါ့ကြောင့် ကချင်လူမျိုးတူချင်းကလွဲလို့ တစ်ခြားလူတွေ မကူညီဘူးလို့ ထင်တာပေါ့။ ဒါပေမယ့် တကယ်တမ်း အကူအညီလိုအပ်လာတဲ့အခါမှာ ရှမ်းနဲ့ ပလောင်တို့ကလည်း သူတို့ တတ်နိုင်သလောက် ပါဝင်ကူညီကြပါတယ်” လို့ Thein Bwan က ပြောပါတယ်။

နောက်ထပ် ထွက်ပြေးစရာနေရာ မရှိတော့တာကြောင့် အိမ်တွေမပြီးခင် မိုင်းပြင်အောက်ရွာမှာ တိုက်ပွဲတွေ ထပ်မဖြစ်ဖို့ ရွာသားတွေက မျှော်လင့်နေကြောင်း သူက ထည့်သွင်းပြောဆိုခဲ့ပါတယ်။

Ref: mmtimes

(Myanmar Times အင်္ဂလိပ်ပိုင်းတွင် ဖော်ပြထားသည့် Fleeing fighting in Shan State, Kachin people find kindness among strangers ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

Comments are closed.