11 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဖေဖော်ဝါရီ ၁၃၊ ၂၀၁၉
M-Media

– ၀န်ကြီးချုပ်လောင်းအဖြစ် အမည်စာရင်းတင်သွင်းမှုမှာ ပယ်ချခံလိုက်ရတဲ့ ထိုင်းဘုရင့်အမတော် အူဘိုလ်ရတ္တနာ ရာဇကံယာ သီရိဝဒ်ဟာနာ က ထိုင်းပြည်သူတွေကို အခက်အခဲဖြစ်အောင် လုပ်ဆောင်မိတဲ့အတွက် တောင်းပန်ကြောင်း ပြောကြားလိုက်ပါတယ်။

လာမယ့်လမှာပြုလုပ်မယ့် ရွေးကောက်ပွဲမှာ Thai Raksa Chart ပါတီ ကိုယ်စားပြု ၀န်ကြီးချုပ်အဖြစ် ၀င်ရောက်ယှဉ်ပြိုင်ဖို့ ပြီးခဲ့တဲ့တစ်ပတ်မှာ မင်းသမီးက အမည်စာရင်းတင်သွင်းခဲ့တာ ဖြစ်ပါတယ်။ အမည်စာရင်းတင်သွင်းပြီး နာရီပိုင်းအကြာမှာပဲ ထိုင်းဘုရင် ၀ိဇယလောင်ကွန်က ကြေငြာချက်ထုတ်ပြန်ကာ ဒီလုပ်ရပ်ကို ကန့်ကွက်ခဲ့ပါတယ်။

ထိုင်းရွေးကောက်ပွဲကော်မရှင်ကလည်း တော်ဝင်အသိုင်းအ၀ိုင်းကသူတွေဟာ နိုင်ငံရေးမှာ ကြားနေဖြစ်ရမှာကြောင့် မင်းသမီးကို ၀န်ကြီးချုပ်လောင်းအဖြစ် ရွေးချယ်ခြင်း မပြုခဲ့ဘူးလို့ ထုတ်ပြန်ခဲ့ပါတယ်။

မင်းသမီးကတော့ ဒီကိစ္စတွေအတွက် မနေ့က ပြန်လည်တောင်းပန်ခဲ့ပါတယ်။

“ကျွန်မ တောင်းပန်ပါတယ်။ တိုင်းပြည်အတွက် အလုပ်လုပ်ပေးချင်တဲ့ စေတနာနဲ့ လုပ်လိုက်တာပါ။ အခုလိုခေတ်အခါမျိုးမှာ မဖြစ်သင့်တဲ့ ပြဿနာမျိုး ထိုင်းပြည်သူတွေ ကြုံတွေ့ခဲ့ရတာပါ” လို့ မင်းသမီး အူလ်ဘိုရတ္တနာက Instagram စာမျက်နှာမှာ ရေးသားခဲ့ပါတယ်။

သူမကို တော်ဝင်မိသားစုဝင်အဖြစ်သာ တိုင်းပြည်ကို အလုပ်အကျွေးပြုဖို့ ထိုင်းပြည်သူတစ်ချို့က ပြောကြားမှုတွေရှိနေပါတယ်။ သူမကတော့ မိမိဟာ တော်ဝင်မိသားစုနဲ့ မဆိုင်တော့ဘူးလို့ တုန့်ပြန်ခဲ့ပါတယ်။

“မင်းသမီးနေရာမှာ ဆက်ပြီး မရှိချင်တော့ပါဘူး။ ဒီနေရာကို စွန့်လွှတ်ခဲ့တာ တော်တော်ကြာပါပြီ”

အူဘိုလ်ရတ္တနာဟာ အမေရိကန်နိုင်ငံသားတစ်ဦးနဲ့ လက်ထပ်ခဲ့တဲ့အတွက် ထီးမွေနန်းမွေကို စွန့်လွှတ်ခဲ့ရတာ ဖြစ်ပါတယ်။

လာမယ့်လမှာ ကျင်းပမယ့် ရွေးကောက်ပွဲဟာ ၂၀၁၄ ခုနှစ် စစ်တပ်က အာဏာသိမ်းပြီးနောက်ပိုင်း ပထမဆုံးကျင်းပတဲ့ ရွေးကောက်ပွဲဖြစ်ပြီး အာဏာသိမ်းစစ်ခေါင်းဆောင် လက်ရှိဝန်ကြီးချုပ် ပရာယွတ်ချန်အိုချာလည်း ၀န်ကြီးချုပ်အဖြစ် ယှဉ်ပြိုင်မှာ ဖြစ်ပါတယ်။

တော်ဝင်မိသားစုကို နိုင်ငံရေးမှာ ပါဝင်ပတ်သက်စေမှုအတွက် Thai Raksa Chart ပါတီကို ဖျက်သိမ်းရေး ထိုင်းရွေးကောက်ပွဲကော်မရှင်က စဉ်စားသုံးသပ်နေပါတယ်။ Thai Raksa Chart ပါတီဟာ ၀န်ကြီးချုပ်ဟောင်း သက်ဆင်နဲ့ နီးစပ်သူတွေ စုပေါင်းတည်ထောင်ထားတဲ့ပါတီ ဖြစ်ပါတယ်။

Thai Raksa Chart ပါတီရဲ့ ဒီကနေ့ထုတ်ပြန်တဲ့ ကြေငြာချက်မှာ ကော်မရှင်အနေနဲ့ မျှမျှတတဆုံးဖြတ်ဖို့ မျှော်လင့်တယ်လို့ ဖော်ပြထားပါတယ်။

Ref: Reuters

Tags:

Comments are closed.