8 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
12 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
12 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

မတ် ၁၇၊ ၂၀၁၉
M-Media

– နေ့စဉ်စားသောက်နေတဲ့ အစားအသောက်တွေကနေ ရရှိတဲ့ ကိုလက်စထရောဟာ ၃၀၀ မီလီဂရမ်ထက် ပိုမို များပြားမယ်ဆိုရင် နှလုံးရောဂါဖြစ်နိုင်ချေ၊ ရွယ်မလွန်ခင် သေဆုံးနိုင်ချေ ပိုမိုများပြားတဲ့အတွက် တစ်ပတ်ကို ကြက်ဥ ၃ လုံးထက် ပိုမစားဖို့ သုတေသနစာတမ်းတစ်ခုမှာ သတိပေးလိုက်ပါတယ်။

သုတေသနကို ချီကာဂိုအခြေစိုက် ဆေးတက္ကသိုလ်တစ်ခုက ပြုလုပ်ခဲ့တာ ဖြစ်ပြီး ရလဒ်ကို သောကြာနေ့က JAMA ဆေးပညာဂျာနယ်မှာ ဖော်ပြခဲ့တာပါ။

“ဥတွေ အထူးသဖြင့် ဥအနှစ်ဟာ အစားအသောက်ကနေရတဲ့ ကိုလက်စထရောရဲ့ အဓိကရင်းမြစ် ဖြစ်ပါတယ်” လို့ သုတေသနအဖွဲ့ကို ဦးဆောင်သူ ဗစ်တာကျုံးက ပြာကြားခဲ့ပါတယ်။

အမေရိကန်အခြေစိုက် အဖွဲ့ ၃ ခုက လူပေါင်း ၂၉၀၀၀ ကျော်ကို ၁၇ နှစ်ခွဲကြာ လေ့လာမှုကနေ ရရှိခဲ့တဲ့ အချက်အလက်တွေကို ဗစ်တာကျုံးတို့အဖွဲ့က လေ့လာခဲ့တာ ဖြစ်ပါတယ်။ အဲဒီကာလအတွင်း နှလုံးရောဂါနဲ့ပတ်သက်တဲ့ အဖြစ်အပျက် ၅၄၀၀ ဖြစ်ပွားခဲ့ပြီး ၁၃၀၂ ခုက လေဖြတ်မှု၊ ၁၈၉၇ ခုက နှလုံးဖောက်မှုတွေ ဖြစ်ခဲ့ပါတယ်။ နှလုံးရောဂါကြောင့်သေဆုံးမှုက ၁၁၃ ခု ရှိခဲ့ပြီး ၆၁၃၂ ဦးဟာ အခြားအကြောင်းအရင်းတွေကြောင့် သေဆုံးခဲ့ပါတယ်။

အစားအသောက်ကနေရရှိတဲ့ ကိုလက်စထရော တစ်နေ့ကို ၃၀၀ မီလီဂရမ်ကနေ ကျော်လွန်မှုကြောင့် နှလုံးရောဂါဖြစ်ပွားမှု အန္တရာယ်ကို ၃.၂ ရာခိုင်နှုန်း၊ အချိန်မတိုင်ခင်သေဆုံးမှု အန္တရာယ်ကို ၄.၄ ရာခိုင်နှုန်း မြင့်တက်စေတာကို လေ့လာမှုမှာ တွေ့ခဲ့ရပါတယ်။

တစ်နေ့ကို ကြက်ဥ တစ်လုံးနဲ့တစ်ဝက် စားမှုကြောင့် နှလုံးရောဂါ ဖြစ်ပွားနိုင်ချေဟာ ၁.၁ ရာခိုင်နှုန်း၊ အချိန်မတိုင်ခင် သေဆုံးနိုင်ခြေဟာ ၁.၉ ရာခိုင်နှုန်း မြင့်တက်လာနိုင်တယ်လို့ ဗစ်တာကျုံးတို့ရဲ့ သုတေသနစာတမ်းမှာ ဖော်ပြထားပါတယ်။

ကြက်ဥစားသုံးမှုနဲ့ပတ်သက်ပြီး အရင်က သုတေသနတွေ လုပ်ဆောင်ခဲ့ပေမယ့် လေ့ကျင့်ခန်း မလုပ်တာ၊ ဆေးလိပ်သောက်တာ၊ ကျန်းမာရေးနဲ့ မညီညွတ်တဲ့ အစားအသောက်တွေ စားသုံးတာလို ကျန်းမာရေးထိခိုက်နိုင်တဲ့ အကြောင်းအရင်းတစ်ခုအဖြစ် သတ်မှတ် လေ့လာခဲ့တာမျိုး မဟုတ်လို့ အရင်က ရလဒ်တွေနဲ့ အခုရလဒ်က ခြားနားနေတာလို့လည်း ကျုံးက ပြောပါတယ်။

ကိုလိုရာဒိုဆေးတက္ကသိုလ်က သုတေသနပညာရှင် ဒေါက်တာ ရောဘတ် အိခ်ျ အက်ကဲလ်က ဥစားသုံးမှုနဲ့ နှလုံးရောဂါ ဆက်စပ်နေလားဆိုတဲ့ကိစ္စကို အရင်က အရေးမထားခဲ့ပေမယ့် အခုတွေ့ရှိမှုအသစ်က ဆရာဝန်တွေ၊ လူနာတွေ အားထားရမယ့် တွေ့ရှိချက်မျိုး ဖြစ်တယ်လို့ ပြောကြားခဲ့ပါတယ်။

“ဥစားသုံးမှု၊ အသားငါးကရတဲ့ ကိုလက်စထရောတွေရဲ့ ဆိုးကျိုးတွေကို သိရှိလာရပေမယ့် ကိုလက်စထရောများတဲ့ အခြားအစားအသောက်တွေကို စားသုံးမှု လျှော့ချခြင်းရဲ့ အကျိုးသက်ရောက်မှုကို မေ့ပစ်လိုက်လို့ မရပါဘူး”

သုတေသနလုပ်ခဲ့တဲ့ ဗစ်တာကျုံးနဲ့အဖွဲ့က ဒေါက်တာရောဘတ်ရဲ့ မှတ်ချက်ကို သဘောတူခဲ့ပြီး နေ့စဉ်အစားအသောက်အတွက် လမ်းညွှန်းချက်တွေပေးတဲ့အခါမှာ ဒီတွေ့ရှိမှုအသစ်ကို ထည့်သွင်းစဉ်းစားသင့်တယ်လို့ ပြောကြားခဲ့ပါတယ်။

Ref : CNN

Comments are closed.