7 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
11 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
11 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

မတ် ၂၁၊ ၂၀၁၉
M-Media

ဖျက်ဆီးခံရသည့် ဗလီဝတ်ကျောင်းတော်တစ်လုံး

– အင်္ဂလန်နိုင်ငံ ဘာမင်ဂမ်မြို့က ဗလီဝတ်ကျောင်းတော် ၅ လုံး ဒီကနေ့မနက်မှာ တိုက်ခိုက်ခံခဲ့ရပြီး ယူကေ အကြမ်းဖက်တိုက်ဖျက်ရေး ရဲတပ်ဖွဲ့က စုံစမ်းစစ်ဆေးမှုတွေ ပြုလုပ်နေပါတယ်။

မြို့မြောက်ပိုင်း ဗလီတစ်လုံးကို လူတစ်ယောက်က ဆယ်ပေါင်တူနဲ့ လာရောက်ဖျက်ဆီးနေတယ်လို့ ဒီကနေ့မနက်ပိုင်း ၂ နာရီခွဲလောက်မှာ သတင်းရရှိခဲ့ပြီး၊ နောက်ပိုင်းမှာ ဗလီဝတ်ကျောင်းတော် ၅ လုံးအထိ ဖျက်ဆီးခံရတယ်ဆိုတာကို တွေ့ခဲ့ရကြောင်း ၀က်စ်မစ်ဒ်လန်းရဲတပ်ဖွဲ့က သတင်းထုတ်ပြန်ပါတယ်။

ဒီတိုက်ခိုက်မှုတွေဟာ တစ်ခုနဲ့တစ်ခု ဆက်စပ်နေမယ်လို့ ရဲတပ်ဖွဲ့က ယူဆနေပြီး လုပ်ဆောင်ရတဲ့အကြောင်းအရင်းကိုတော့ စုံစမ်းစစ်ဆေးနေဆဲ ဖြစ်ပါတယ်။ ယူကေ ရဲတပ်ဖွဲ့ရဲ့ အကြမ်းဖက်တိုက်ဖျက်ရေးဌာနကလည်း ဒီအဖြစ်အပျက်ကို စုံစမ်းစစ်ဆေးနေပါတယ်။ တိုက်ခိုက်မှုကြောင့် ဗလီဝတ်ကျောင်းတော်တွေရဲ့ ပြတင်းပေါက်တွေ၊ တံခါးတွေ ပျက်ဆီးခဲ့ပါတယ်။

ယူကေ ပြည်ထဲရေးဝန်ကြီး ဆာဂျစ် ဂျာဗစ်က ဒီလုပ်ရပ်ကို ရှုတ်ချခဲ့ပါတယ်။

“တော်တော်လေးကို စိတ်ပျက်စရာပါပဲ။ ရှင်းရှင်းလင်းလင်းပြောချင်တာက အမုန်းဆောင်တဲ့ သဘောထားမျိုးအတွက် ကျွန်တော်တို့လူ့အဖွဲ့အစည်းမှာ နေရာမရှိသလို၊ ဘယ်တော့မှလည်း ဒါကို လက်ခံမှာ မဟုတ်ပါဘူး” လို့ ၀န်ကြီးက Twitter စာမျက်နှာမှာ ရေးသားခဲ့ပါတယ်။

နယူးဇီလန်နိုင်ငံ ခရိုက်ချက်မြို့က ဗလီဝတ်ကျောင်းတော်နှစ်လုံးကို သြစတေးလျနိုင်ငံသား လူဖြူအစွန်းရောက်တစ်ဦးက အကြမ်းဖက်တိုက်ခိုက်ခဲ့ပြီးတဲ့နောက် တစ်ပတ်အကြာ ယူကေမှာ ဒီတိုက်ခိုက်မှု ပေါ်ထွက်လာတာ ဖြစ်ပါတယ်။

ဝက်စ်မစ်ဒ်လန်း ရဲတပ်ဖွဲ့အကြီးအကဲ ကွန်စတေဘဲလ်ဒေ့ဗ်သောမဆင်က ဒီတိုက်ခိုက်မှုအတွက် တုန်လှုပ်ရပြီး အာဏာပိုင်တွေဟာ ဘာသာရေးခေါင်းဆောင်တွေနဲ့ အနီးကပ် လုပ်ကိုင်နေတယ်လို့ ပြောကြားခဲ့ပါတယ်။

“ခရိုက်ချက်က ဖြစ်ရပ်ဆိုးနောက်ပိုင်း ၀က်စ်မစ်ဒ်လန်းက တာဝန်ရှိသူတွေ၊ ၀န်ထမ်းတွေဟာ ဒေသတွင်းမှာရှိတဲ့ ဘာသာရေးခေါင်းဆောင်တွေနဲ့ အနီးကပ် ဆက်သွယ်ဆောင်ရွက်ကာ ဗလီတွေ၊ ဘုရားကျောင်းတွေ၊ ၀တ်ပြုရာနေရာတွေ ပံ့ပိုးကူညီပေးနေပါတယ်”

Ref: CNN

Comments are closed.