11 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဧပြီ ၂၃၊ ၂၀၁၉
M-Media

– တနင်္ဂနွေနေ့က နိုင်ငံတစ်ဝှမ်း ဖြစ်ပွားခဲ့တဲ့ ဗုံးဖောက်ခွဲမှုတွေဟာ မတ်လအတွင်း နယူးဇီလန် ဗလီနှစ်ခု အကြမ်းဖက်တိုက်ခိုက်ခံရမှုအတွက် လက်စားချေလုပ်ဆောင်တာဖြစ်ကြောင်း ကနဦးစုံစမ်းစစ်ဆေးမှုအရ သိရတယ်လို့ သီရိလင်္ကာက ဒီကနေ့မှာ ထုတ်ပြန် ပြောကြားလိုက်ပါတယ်။

“သီရိလင်္ကာမှာ ဖြစ်ပျက်ခဲ့တာတွေဟာ ခရိုက်ချက်မြို့မှာ မွတ်စလင်တွေ တိုက်ခိုက်ခံရမှုကို လက်စားချေတဲ့အနေနဲ့ လုပ်ဆောင်တယ်ဆိုတာ ကနဦး စုံစမ်းစစ်ဆေးမှုမှာ တွေ့ခဲ့ရပါတယ် ” လို့ ဒီကနေ့ လွှတ်တော်အစည်းအဝေးမှာ ကာကွယ်ရေးဝန်ကြီး ရူဝမ် ၀ီဂျီဝါဒီနီက တင်ပြခဲ့ပါတယ်။

မတ်လ ၁၅ ရက်နေ့က ခရိုက်ချက်မြို့ ဗလီနှစ်လုံးမှာ သြစတေးလျနိုင်ငံသား လူဖြူအစွန်းရောက်တစ်ဦးက သေနတ်နဲ့ ၀င်ရောက်ပစ်ခတ်မှုကြောင့် လူ ၅၀ သေဆုံးပြီး အများအပြား ဒဏ်ရာရခဲ့ပါတယ်။

တနင်္ဂနွေနေ့က ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုအပါအ၀င် သီရိလင်္ကာနိုင်ငံတစ်ဝှမ်း နေရာ ၈ ခုမှာ ဖြစ်ပွားခဲ့တဲ့ ဗုံးခွဲမှုအတွင်း အနည်းဆုံး လူ ၃၂၀ သေဆုံးခဲ့ပြီး ၅၀၀ ကျော်လောက် ဒဏ်ရာရရှိခဲ့ပါတယ်။ သေဆုံး၊ ဒဏ်ရာရသူ အများစုဟာ အီစတာပွဲတော်နေ့အတွက် ၀တ်ပြုဆုတောင်းဖို့ ရောက်လာကြတဲ့ ခရစ်ယာန်ဘာသာဝင်တွေ ဖြစ်ပါတယ်။

တိုက်ခိုက်မှုကို ပြည်တွင်းက လူသိနည်းတဲ့ မွတ်စလင်အဖွဲ့ National Thawheeth Jama’ath (NTJ) နဲ့ Jammiyathul Millathu Ibrahim (JMI) တို့ ပူးပေါင်းလုပ်ဆောင်တာဖြစ်တယ်လုိ့ ကာကွယ်ရေးဝန်ကြီးက ပြောကြားခဲ့ပါတယ်။

တိုက်ခိုက်မှုတွေအတွက် သီရိလင်္ကာအာဏာပိုင်တွေဟာ အနည်းဆုံး လူ ၄၀ လောက်ကို ဖမ်းဆီးစစ်ဆေးနေပါတယ်။ ခရစ်ယာန်ဘုရားကျောင်းတွေနဲ့ ကမ္ဘာလှည့်ခရီးသွားတွေ စိတ်ဝင်စားတဲ့နေရာတွေကို NTJ အဖွဲ့က တိုက်ခိုက်မယ့် အစီအစဉ်ကို နိုင်ငံခြားထောက်လှမ်းရေးရင်းမြစ်တွေထံကနေ ၁၀ ရက်ကြိုတင် သတင်းရခဲ့ပေမယ့် သီရိလင်္ကာ အစိုးရက တားဆီးဖို့ မကြိုးစားခဲ့ပါဘူး။

ဝန်ကြီး ၀ီဂျီဝါဒီနီက ဒီအဖွဲ့တွေကို တရားမ၀င် အဖွဲ့အစည်းတွေအဖြစ် ကြေငြာသင့်ပြီး သံသယရှိသူအားလုံးကို ဖမ်းဆီးဖို့ အစိုးရကို တိုက်တွန်းခဲ့ပါတယ်။

သီရိလင်္ကာမွတ်စလင်ကောင်စီက ကျူးလွန်သူတွေအားလုံးကို တရားဥပဒေအတိုင်း အပြစ်ပေးရေး တိုက်တွန်းဆော်သြခဲ့ပြီး ထိခိုက်ခံစားရသူတွေကို ကူညီဖို့ အဆင်သင့်ရှိတယ်လို့ထုတ်ပြန်ခဲ့ပါတယ်။

Ref: Aljazeera

Tags:

Comments are closed.