9 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

မေ ၂၁၊ ၂၀၁၉
M-Media

-နီပေါနိုင်ငံက ရှာရ်ပါလူမျိုး တောက်တက်လမ်းပြတစ်ယောက်ဟာ ဧ၀ရက်တောင်ကို ၂၄ ကြိမ်မြောက် တက်ရောက်နိုင်ခဲ့ပြီး ကမ္ဘ္ဘာ့အမြင့်ဆုံးတောင်ကို အကြိမ်ရေအများဆုံး တက်နိုင်တဲ့ တောင်တက်သမားအဖြစ် မှတ်တမ်းဝင်ခဲ့ပါတယ်။

ကာမီရီတာဆိုတဲ့ အသက် ၄၉ နှစ်အရွယ် အဲဒီတောင်တက်သမားဟာ Southeast Ridge လမ်းကြောင်းကနေ ဒီကနေ့မှာ တောင်ထိပ်ကို အောင်မြင်စွာတက်နိုင်ခဲ့ပြီး ဒါဟာ တစ်ပတ်အတွင်း ၂ ကြိမ်မြောက် တက်ရောက်နိုင်တာလည်း ဖြစ်ပါတယ်။

ဒါဟာ သူကိုယ်တိုင် တင်ထားခဲ့တဲ့ ဧ၀ရက်တောင်ကို အကြိမ်အရေအများဆုံး (၂၃ ကြိမ်) တက်နိုင်တဲ့ စံချိန်ကို ချိုးဖျက်နိုင်ခဲ့တာလည်း ဖြစ်ပါတယ်။

ကာမီရီတာက သူ့အနေနဲ့ နောက်ထပ်တစ်ကြိမ် ထပ်တက်ချင်သေးတယ်လို့ ပြောကြားခဲ့ပါတယ်။

“ကျွန်တော် သန်သန်မာမာ ရှိနေဆဲဖြစ်ပြီး ဧ၀ရက်တောင်ကို ၂၅ ကြိမ်မြောက် တက်ချင်ပါသေးတယ်” လို့ ပြီးခဲ့တဲ့တစ်ပတ် ၂၃ ကြိမ်မြောက် မတက်ခင် Reuters သတင်းဌာနကို ပြောကြားခဲ့ပါတယ်။

ရှာရ်ပါ လူမျိုးတစ်ယောက်ဖြစ်တဲ့ ရီတာဟာ တောင်တက်လမ်းပြတစ်ယောက်အဖြစ် ၁၉၉၄ ခုနှစ်ကနေစတင်ကာ ဧ၀ရက်တောင်ကို တက်ရောက်ခဲ့တာဖြစ်ပြီး နောက်ပိုင်းမှာ နှစ်တိုင်းနီးပါး တက်ရောက်ဖြစ်ခဲ့ပါတယ်။

ဧ၀ရက်တောင်ခြေဒေသတွေမှာ အခြေချနေထိုင်တဲ့ ရှာရ်ပါလူမျိုး တော်တော်များများဟာ တောင်တက်လမ်းပြအဖြစ် အသက်မွေးဝမ်းကြောင်းပြုကြပြီး သူတို့ရဲ့ ကျွမ်းကျင်မှုဟာ တောင်တက်သူတွေကြားမှာ ကျော်ကြားပါတယ်။

ရီတာရဲ့ ဖခင်ကလည်း တောင်တက်လမ်းပြ တစ်ဦးဖြစ်ပါတယ်။ ရီတာဟာ ဧ၀ရက်တောင်အပြင် K-2၊ Cho-Oyu, Manaslu နဲ့ Lhotse တို့လို ကမ္ဘ္ဘာအမြင့်ဆုံးတောင်တွေကိုလည်း တက်ရောက်ဖူးပါတယ်။

၂၀၁၅ ခုနှစ်က ဧ၀ရက်တောင်မှာ လူ ၁၉ ဦးသေဆုံးခဲ့တဲ့ ရေခဲပြိုဆင်းမှုဖြစ်ပွားပြီးတဲ့နောက်ပိုင်း မိသားစုက တောင်တက်လမ်းပြအဖြစ် ဆက်မလုပ်ဖို့ ဖိအားပေးခဲ့ပေမယ့် ရီတာကတော့ သူ့ရဲ့အလုပ်ကို ဆက်လက်လုပ်ဆောင်ခဲ့ပါတယ်။

ဧ၀ရက်တောင်ကို ၁၉၅၃ ခုနှစ်က နယူးဇီလန်တောင်တက်သမား ဆာ အက်ဒမွန် ဟီလာရီနဲ့ ရှာရ်ပါလူမျိုး လမ်းပြ တန်ဇင်နော်ဂေးတို့က ပထမဆုံး အောင်မြင်စွာ တက်ရောက်နိုင်ခဲ့ပြီး အခုအချိန်အထိ လူပေါင်း ၅ ထောင်နီးပါး တက်ရောက်ခဲ့ပြီး ဖြစ်ပါတယ်။

အရင်က အကြိမ်ရေအများဆုံး တက်ခဲ့ဖူးတဲ့ ရှာရ်ပါတောင်တက်သမား ၂ ဦးရှိပြီး ၂၁ ကြိမ်အထိ တက်ရောက်နိုင်ခဲ့ကာ နောက်ပိုင်းမှာ လမ်းပြအဖြစ်က အနားယူသွားခဲ့ပါတယ်။

Ref: Aljazeera

Tags:

Comments are closed.