10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇွန် ၁၅၊ ၂၀၁၉
M-Media

တောင်ဆူဒန်မှာ မိခင်နှင့် ကလေးငယ်

-ကမ္ဘ္ဘာ့ သက်တမ်းအနုဆုံး တိုင်းပြည်ဖြစ်တဲ့ တောင်ဆူဒန်နိုင်ငံမှာ စစ်ပွဲတွေကြောင့် နိုင်ငံလူဦးရေရဲ့ ၆၀ ရာခိုင်နှုန်းကျော် ငတ်မွတ်ခေါင်းပါးမှုနဲ့ ရင်ဆိုင်နေရတယ်လို့ ကုလသမဂ္ဂလက်အောက်မှာရှိတဲ့ အဖွဲ့အစည်း ၃ ခုနဲ့ တောင်ဆူဒန် အစိုးရတို့က ထုတ်ပြန်ကြေငြာလိုက်ပြီး ဒါဟာ နိုင်ငံသမိုင်းတစ်လျှောက် စံချိန်တင် ပမာဏလည်း ဖြစ်ပါတယ်။

ဆူဒန်နိုင်ငံကနေ ၂၀၁၁ ခုနှစ်မှာ လွတ်လပ်ရေးယူခဲ့တဲ့ တောင်ဆူဒန်ဟာ ၂၀၁၃ ခုနှစ်မှာတော့ ပြည်တွင်းစစ် စဖြစ်ခဲ့ပါတယ်။ ဒုတိယသမ္မတ ရလက် မန်ချာက အာဏာသိမ်းဖို့ ကြိုးစားတယ်လို့ သမ္မတ ဆာလ်ဗာ ကီရ်က စွပ်စွဲခဲ့ပြီးတဲ့နောက် သူတို့နှစ်ဦးကို သစ္စာခံတဲ့ အဖွဲ့တွေအကြား တိုက်ခိုက်ရာကနေ ပြည်တွင်းစစ် စတင်ခဲ့တာ ဖြစ်ပါတယ်။

ပြည်တွင်းစစ် ၅ နှစ်ကျော်အတွင်း နှစ်ဖက် အပစ်ရပ်ရေး သဘောတူညီချက်တွေ ရခဲ့ပေမယ့် ကြာကြာမခံပါဘူး။ နောက်ဆုံး သဘောတူညီချက်ဟာ ပြီးခဲ့တဲ့ ၉ လအရင်က ပျက်ပြယ်ပြီးတဲ့နောက် တိုက်ခိုက်မှုတွေ ဆက်လက်ဖြစ်ပွားနေပါတယ်။

လက်ရှိမှာ နိုင်ငံလူဦးရေရဲ့ ၆၀ ရာခိုင်နှုန်းကျော် ၇ သန်းလောက်ဟာ ငတ်မွတ်ခေါင်းပါးမှုနဲ့ ရင်ဆိုင်နေရပြီး ၂ သန်းလောက်တော့ အငတ်ဘေးကျရောက်လုဆဲဆဲ ဖြစ်ပါတယ်။ ကာလရှည်၊ ဖြစ်ပွားခဲ့တဲ့ ပဋိပက္ခတွေ၊ စီးပွားရေးအကြပ်အတည်း၊ မိုးခေါင်ရေရှားမှုတွေကြောင့် အခြေအနေဟာ တစ်နှစ်ထက်တစ်နှစ် ပိုပိုဆိုးဝါးလာတယ်လို့ ကမ္ဘ္ဘာ့ စားနပ်ရိက္ခာအစီအစဉ် WFP ရဲ့ တာဝန်ရှိသူ ရှောင်ဝေလီက ပြောကြားခဲ့ပါတယ်။

အဆင့် ၅ ဆင့် ပါဝင်တဲ့ ကုလရဲ့ စားနပ်ရိက္ခာ ဖူလှုံမှုသတ်မှတ်ချက် IPC မှာ တောင်ဆူဒန်နိုင်ငံက ၁.၈ သန်းသော ပြည်သူတွေဟာ အဆိုးဆုံးအဆင့်ရဲ့အောက် အဆင့် ၄ ကို ရောက်နေတယ်လို့ WFP၊ FAO နဲ့ UNICEF တို့ရဲ့ စစ်တမ်းကောက်ယူမှုမှာ ဖော်ပြထားပါတယ်။ အဆင့် ၄ ဟာ အရေးပေါ်အခြေအနေဖြစ်ပြီး ထမင်း မှန်မှန်မစားရတာ၊ အဟာရချို့တဲ့တာနဲ့ ငတ်မွတ်ပြီး သေဆုံးမှုဖြစ်တဲ့ အဆင့်မျိုး ဖြစ်ပါတယ်။

ငတ်မွတ်ခေါင်းပါးမှု အရေအတွက်ဟာ ၂၀၁၉ ခုနှစ် အစောပိုင်းက ၆.၁ သန်း ရှိရာကနေ ယခုအချိန်မှာတော့ ၆.၉ သန်းအထိ ရောက်ရှိလာခဲ့ပါတယ်။ တောင်ဆူဒန်က နိုင်ငံမှာ လူသားတွေကြောင့်ဖြစ်တဲ့ ငတ်မွတ်ခေါင်းပါးမှုကို ရင်ဆိုင်နေရတယ်လို့ ၂၀၁၇ ခုနှစ်မှာ ကြေငြာခဲ့ပါတယ်။

စာရင်းအတိအကျ ကောက်လို့မရပေမယ့် စားနပ်ရိက္ခာအကူအညီ လိုအပ်နေတဲ့ ပမာဏက ၂ သန်းအထိ ရှိနေပြီး ဒီအခြေအနေတိုင်း ဆက်သွားမယ်ဆိုရင် လူ ၂၁၀၀၀ လောက်ဟာ အငတ်ဘေး ဆိုက်နိုင်တယ်လို့ FAO ရဲ့ တောင်ဆူဒန်ဆိုင်ရာ ဌာနကိုယ်စားလှယ် ပီယာရီ ဗူသီယာက ပြောကြားခဲ့ပါတယ်။

Ref: Aljazeera

Comments are closed.