2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇွန် ၂၇၊ ၂၀၁၉
M-Media

အိန္ဒိယတွင် ဘာသာရေးအမည်တပ်၍ အကြမ်းဖက်မှုကို လှောင်ပြောင်ထားသည့် ကာတွန်း

-လူအုပ်စုဖွဲ့ပြီး ရိုက်နှက်သတ်ဖြတ်မှု မြင့်တက်လာတာကို ဆန့်ကျင်တဲ့အနေနဲ့ အိန္ဒိယနိုင်ငံက မြို့တော်တော်များများမှာ ပြည်သူတွေ ဆန္ဒပြခဲ့ကြပြီး နိုင်ငံအရှေ့ပိုင်းမှာ မွတ်စလင်လူငယ်တစ်ဦးကို ဟိန္ဒူလူအုပ်စုက ရိုက်နှက်သတ်ဖြတ်မှုနောက်ပိုင်း ဒီလို ဆန့်ကျင်မှုတွေ တစ်ကျော့ပြန် ပေါ်ထွက်လာတာပါ။

ဇွန်လ ၁၈ ရက်နေ့က ဂျာ့ခ်ဟန်းပြည်နယ် ခါဆာဝမ်ဒေသမှာ ဟိန္ဒူလူအုပ်စုတစ်စုက အသက် ၂၄ နှစ်အရွယ် မွတ်စလင်အမျိုးသား တက်ဘရက်ဇ် အန်ဆာရီကို သူခိုးလို့စွပ်စွဲကာ ကြိုးနဲ့တုပ်ပြီး ၁၂ နာရီလောက် ညှင်းပမ်းနှိပ်စက်ခဲ့သလို၊ ဟိန္ဒူနတ်ဘုရား ပူဇော်စာကိုလည်း အတင်းအဓမ္မ ရွတ်ဆိုခိုင်းခဲ့ပါတယ်။ အန်ဆာရီဟာ ရရှိတဲ့ဒဏ်ရာကြောင့် ၄ ရက်အကြာ ဆေးရုံမှာ သေဆုံးသွားခဲ့ပါတယ်။

အန်ဆာရီကို ရိုက်နှက်နှိပ်စက်နေတဲ့ ဗီဒီယိုဖိုင် အွန်လိုင်းစာမျက်နှာမှာ ပြန့်နှံ့သွားပြီးတဲ့နောက် အိန္ဒိယပြည်သူတွေဟာ ဒီကိစ္စကို ဝေဖန်ခဲ့ကြပြီး #JusticeForTabrez၊ #IndiaAgainstLynchTerror ခေါင်းစဉ်တွေနဲ့ ဆိုရှယ်မီဒီယာမှာ လှုပ်ရှားမှုတွေ လုပ်ဆောင်ခဲ့ပါတယ်။

မနေ့က မြို့တော်ဒေလီ၊ ဂူဂျာရတ်ပြည်နယ်၊ အနောက်ဘန်ဂေါလ်ပြည်နယ်တို့မှာ ရာနဲ့ချီတဲ့ ပြည်သူတွေက ချီတက်ဆန္ဒပြမှုတွေ ပြုလုပ်ခဲ့ပါတယ်။ ဆန္ဒပြသူတွေဟာ No more lynching in the name of religion (ဘာသာရေးခေါင်းစဉ်တပ် အုပ်စုဖွဲ့ရိုက်သတ်မှု ထပ်မရှိစေရ) ဆိုတဲ့ ဆိုင်းဘုတ်တွေ ကိုင်ဆောင်ခဲ့ကြပြီး၊ အုပ်စုဖွဲ့ ရိုက်နှက်သတ်ဖြတ်မှုကို ဆန့်ကျင်တဲ့ ကြွေးကြော်သံတွေ၊ အာဏာရ BJP ပါတီကို ဆန့်ကျင်တဲ့ ကြွေးကြော်သံတွေ ဟစ်အော်ခဲ့ကြပါတယ်။

ဆန္ဒပြပွဲကို မြို့ပေါင်း ၅၀ မှာ ပြုလုပ်ဖို့ စီစဉ်ခဲ့တာဖြစ်ပြီး ဘယ်နှစ်မြို့မှာ လုပ်ဆောင်နိုင်လဲဆိုတာ အတိအကျ မသိရပါဘူး။ ဆန္ဒပြသူတွေဟာ အန်ဆာရီ သတ်ဖြတ်ခံရမှုကိစ္စ အမှုမှန်ပေါ်ပေါက်ရေးကိုလည်း တောင်းဆိုခဲ့ကြပါတယ်။

အန်ဆာရီကို ရိုက်နှက်သတ်ဖြတ်မှုကိစ္စအတွက် လူ ၁၁ ယောက်ကို ဖမ်းဆီးထားတယ်လို့ အိန္ဒိယ ရဲတပ်ဖွဲ့က ထုတ်ပြန်ထားပါတယ်။ ရဲတပ်ဖွဲ့ဟာ ဒီအဖြစ်အပျက်ကို တားဆီးဖို့ မဆောင်ရွက်ခဲ့သလို၊ အန်ဆာရီကို အချိန်မီ ဆေးရုံမပို့ခဲ့ဘူးလို့လည်း ကျယ်ကျယ်ပြန့်ပြန့် ဝေဖန်မှုတွေ ရှိနေပါတယ်။ လက်ရှိမှာ ရဲအရာရှိ ၂ ဦးကို တာဝန်ကနေ ရပ်ဆိုင်းထားတယ်လို့ ဆိုပါတယ်။

အန်ဆာရီ ရိုက်နှက်သတ်ဖြတ်ခံရပြီး ၂ ရက်အကြာမှာ အနောက်ဘန်ဂေါလ်ပြည်နယ် ကိုလ်ကတားမြို့ ရထားတစ်ခုပေါ်မှာ အစ္စလာမ်ဘာသာရေး ဆရာတစ်ဦးကို ဟိန္ဒူလူအုပ်စုက ရထားပေါ်ကနေ တွန်းချမှု ဖြစ်ပွားခဲ့ပါတယ်။ အဲဒီ လူအုပ်စုက ဟိန္ဒူနတ်ဘုရား ပူဇော်စာကို အတင်းအဓမ္မ ရွတ်ဆိုခိုင်းရာမှာ မဆိုတဲ့အတွက် ဒီလို တွန်းချခံရတာဖြစ်တယ်လို့ ဘာသာရေးဆရာက ပြောကြားခဲ့ပါတယ်။

အမုန်းအခြေပြု အကြမ်းဖက်မှု

ဆန္ဒပြပွဲတွင် အသုံးပြုခဲ့သည့် ပိုစတာ

ပြည်သူလူထုရဲ့ ဝေဖန်မှုတွေ မြင့်တက်လာပြီးတဲ့နောက် အိန္ဒိယ၀န်ကြီးချုပ် နရန်ဒရာမိုဒီက ဒီကိစ္စအတွက် စိတ်မကောင်းဖြစ်ရတယ်လို့ မနေ့က လွှတ်တော်မှာ ပြောကြားခဲ့ပြီး ကျူးလွန်သူတွေကို ပြင်းပြင်းထန်ထန် အပြစ်ပေးဖို့လည်း တိုက်တွန်းခဲ့ပါတယ်။

ဒါပေမယ့် ဂျာ့ခ်ဟန်းပြည်နယ်ကို အုပ်စုဖွဲ့ရိုက်နှက်မှု သန္ဓေတည်ရာနေရာအဖြစ် ပြောဆိုသုံးနှုန်းမှုတွေကို သဘောမတူဘူးလို့ မိုဒီက ဆိုပါတယ်။ ဂျာ့ခ်ဟန်းပြည်နယ်ဟာ မိုဒီရဲ့ ဟိန္ဒူအမျိုးသားရေးပါတီ BJP အုပ်စိုးတဲ့ ပြည်နယ်လည်း ဖြစ်ပါတယ်။

လွန်ခဲ့တဲ့ ၅ နှစ် BJP ပါတီ အာဏာရပြီးတဲ့နောက်ပိုင်း အိန္ဒိယမှာ လူနည်းစုတွေ အထူးသဖြင့် မွတ်စလင်တွေအပေါ် အကြမ်းဖက်တိုက်ခိုက်မှုတွေ မြင့်တက်လာခဲ့ပါတယ်။

၂၀၁၄ ခုနှစ်ကစလို့ နွားတိရစ္ဆာန် ကာကွယ်စောင့်ရှောက်ရေးအပါအ၀င် ခေါင်းစဉ်အမျိုးမျိုးနဲ့ ဟိန္ဒူလူအုပ်စုက မွတ်စလင်တွေကို ရိုက်နှက်သတ်ဖြတ်မှုဟာ သိသိသာသာ များပြားလာခဲ့ပါတယ်။ အိန္ဒိယက အမုန်းအခြေပြု ရာဇ၀တ်မှုတွေကို စောင့်ကြည့် မှတ်တမ်းတင်နေတဲ့
Factchecker.in ၀ဘ်ဆိုက်က အခုနှစ်အတွင်း ဒီလိုတိုက်ခိုက်မှုမျိုး ၁၁ ခုထက်မနည်း ရှိတယ်လို့ ဖော်ပြထားပါတယ်။

လူအုပ်စုဖွဲ့ အကြမ်းဖက်မှုဟာ ‘ကြမ်းကြုတ်တဲ့ လုပ်ရပ်တွေ’ ဖြစ်တယ်လို့ ပြီးခဲ့တဲ့နှစ်မှာ အိန္ဒိယ တရားရုံးချုပ်က ရှုတ်ချပြောဆိုခဲ့ပြီး ဒီကိစ္စကို ကိုင်တွယ်ဖြေရှင်းနိုင်ရေး ဥပဒေတစ်ခု ပြဌာန်းဖို့လည်း အစိုးရကို တိုက်တွန်းခဲ့ပါတယ်။

၂၀၀၉ ခုနှစ်ကတည်းကစလို့ အိန္ဒိယနိုင်ငံမှာ ဖြစ်ပွားခဲ့တဲ့ အမုန်းအခြေပြု အကြမ်းဖက်မှုတွေမှာ ၅၉ ရာခိုင်နှုန်းက မွတ်စလင်တွေအပေါ် ပစ်မှတ်ထားတာ ဖြစ်ပါတယ်။

ပြီးခဲ့တဲ့တစ်ပတ် အမေရိကန်အစိုးရက ထုတ်ပြန်တဲ့ ‘၂၀၁၉ နိုင်ငံတကာ ဘာသာရေးလွတ်လပ်ခွင့် စစ်တမ်း’ မှာ မိုဒီဦးဆောင်တဲ့ အာဏာရ ဟိန္ဒူအမျိုးသားရေးပါတီလက်ထက် အိန္ဒိယမှာ ဘာသာရေး သည်းမခံနိုင်မှု မြင့်တက်လာတယ်လို့ ဖော်ပြထားပါတယ်။

Ref: Reuters, Aljazeera

Comments are closed.