10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇူလိုင် ၅၊ ၂၀၁၉
M-Media

ရှင်ကျန်းပြည်နယ် မြို့တော် အူရွမ်ကီမှ မြင်ကွင်း

-တရုတ်နိုင်ငံအနောက်ပိုင်း ရှင်ကျန်းပြည်နယ်မှာ ဖမ်းဆီးထိန်းသိမ်းခံထားရတဲ့ ဝီဂါမွတ်စလင်တွေကို ကူညီနိုင်ရေး အဖြေတစ်ခု ရှာတွေ့နိုင်တယ်လို့ တူရကီသမ္မတ အာဒိုဂန်က ပြောကြားလိုက်ပြီး နှစ်ဖက် ထိလွယ်ရှလွယ်မှုကို ထည့်သွင်း စဉ်းစားရမယ်လို့ ဆိုပါတယ်။

ဝီဂါတွေကို တရုတ်အစိုးရက ဖိနှိပ်ချုပ်ချယ်မှုတွေ လုပ်ဆောင်နေပြီး ဝီဂါတစ်သန်းလောက် အကျဉ်းစခန်းတွေထဲမှာ နေထိုင်နေရတယ်လို့ ကမ္ဘ္ဘာ့မီဒီယာတွေက ဖော်ထုတ်ခဲ့ကြပါတယ်။ တရုတ်အစိုးရက ဒီသတင်းတွေကို ငြင်းဆိုပြီး အစွန်းရောက်ဝါဒတိုက်ဖျက်ရေး ဆောင်ရွက်တာဖြစ်တယ်လို့ တုန့်ပြန်ခဲ့ပါတယ်။

ဒီကိစ္စနဲ့ပတ်သက်ပြီး တရုတ်အစိုးရကို ဝေဖန်တဲ့ မွတ်စလင်နိုင်ငံတစ်ချို့မှာ တူရကီလည်း ပါဝင်ခဲ့ပါတယ်။ ဒါပေမယ့် အင်္ဂါနေ့က တရုတ်သမ္မတ ရှီကျင့်ဖျင်နဲ့ တွေ့ဆုံပြီးနောက်ပိုင်း ပေါ်ထွက်လာတဲ့ အာဒိုဂန်ရဲ့ အခုမှတ်ချက်ကတော့ အရင်ကထက် ပိုမို ပျော့ပြောင်းနေပါတယ်။

“နှစ်ဖက် ထိလွယ်ရှလွယ် ဖြစ်မယ့်ကိစ္စတွေကို ထည့်သွင်းစဉ်းစားပြီး ဒီပြဿနာအတွက် ကျွန်တော်တို့ အဖြေတစ်ခု ရှာတွေ့မယ်လို့ ကျွန်တော် ယုံကြည်ပါတယ်” လို့ တရုတ်နိုင်ငံကနေ တူရကီကို
မပြန်ခင် အာဒိုဂန်က သတင်းထောက်တွေကို ပြောကြားခဲ့ပါတယ်။

ဝီဂါတွေအပေါ် ဖိနှိပ်ချုပ်ချယ်မှုဟာ လူသားထုအတွက် အလွန် အရှက်ရစရာကောင်းပြီး အကျဉ်းစခန်းတွေမှာ ဖမ်းဆီးခံထားရတဲ့ ဝီဂါတွေဟာ ညှင်းပမ်းမှုတွေ၊ နိုင်ငံရေး ဦးနှောက်ကျင်းမှုတွေ ခံနေရတယ်လို့ တူရကီနိုင်ငံခြားရေး ၀န်ကြီးက ဖေဖော်ဝါရီလမှာ ပြင်းပြင်းထန်ထန် ဝေဖန်ခဲ့ဖူးပါတယ်။

ရှင်ကျန်းပြည်နယ်မှာ တိုင်းရင်းသားလူနည်းစုတွေဟာ ပျော်ပျော်ရွှင်ရွှင်နဲ့ နေထိုင်နေကြတယ်လို့ အာဒိုဂန်က ပြောကြားကြောင်း တရုတ် နိုင်ငံပိုင်သတင်းဌာနက ဖော်ပြခဲ့ပါတယ်။ ဒါပေမယ့် တူရကီသတင်းထောက်တွေကို အာဒိုဂန်က ဒီလို ပြောကြားခဲ့ခြင်း မရှိပါဘူး။

ဝီဂါကိစ္စကို အသုံးချကာ တရုတ်နဲ့ တင်းမာမှု မဖန်တီးဖို့လည်း အာဒိုဂန်က သတိပေးခဲ့ပြီး ဒီလိုလုပ်ရင် တူရကီ-တရုတ် ဆက်ဆံရေးကို ထိခိုက်မှာဖြစ်ကြောင်း၊ မိမိတို့အနေနဲ့လည်း ဒီလို အသုံးချခွင့်မရအောင် လုပ်ဆောင်ဖို့ လိုအပ်ကြောင်း ထည့်သွင်း ပြောဆိုခဲ့ပါတယ်။

အရှေ့တာကစ္စတန်ကို ကိုယ်စားလှယ်အဖွဲ့တစ်ခု စေလွှတ်သွားမယ်လို့လည်း အာဒိုဂန်က ပြောကြားခဲ့ပါတယ်။ အရှေ့တာကစ္စတန်ဆိုတဲ့အမည်ဟာ ဝီဂါ တက်ကြွလှုပ်ရှားသူတွေ ရှင်ကျန်းပြည်နယ်ကို ခေါ်ဝေါ်တဲ့အမည် ဖြစ်ပါတယ်။

အာဒိုဂန်ရဲ့ ပြန်ကြားရေး တာဝန်ရှိသူ ဖာရက်တင် အလ်သွန်က သမ္မတရဲ့ အခုခရီးစဉ်ဟာ တရုတ်အစိုးရရဲ့ ဖိတ်ကြားမှုကြောင့် သွားရောက်တာဖြစ်ကြောင်း၊ ဝီဂါတွေအတွက် တစ်ခုတည်းသော ဆန္ဒက ငြိမ်းချမ်းသာယာစွာ နေထိုင်နိ်ုင်ရေးဖြစ်ကြောင်း ဗုဒ္ဓဟူးနေ့က Twitter စာမျက်နှာမှာ ရေးသားခဲ့ပါတယ်။

Ref: Aljazeera

Comments are closed.