12 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇူလိုင် ၁၆၊ ၂၀၁၉
M-Media

ဗုံးခွဲခံရသည့် ဘုရားကျောင်းကို အစောင့်ချထားစဉ်

-ဧပြီလက ဖြစ်ပွားခဲ့တဲ့ အီစတာနေ့ အသေခံ ဗုံးဖောက်ခွဲမှုတွေကို နိုင်ငံတကာ မူးယစ်ဂိုဏ်းတွေက လုပ်ဆောင်တာဖြစ်တယ်လို့ သီရိလင်္ကာသမ္မတ မိုင်သရီပါလာ ဆရီဆီနာက မနေ့မှာ ထုတ်ပန်ပြောကြားခဲ့ပြီး မွတ်စလင်အစွန်းရောက်တွေ လုပ်ဆောင်တယ်ဆိုတဲ့ အရင်က ထုတ်ပြန်ချက်နဲ့ ကွဲလွဲနေတာ ဖြစ်ပါတယ်။

ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုအပါအ၀င် နေရာ ၈ နေရာမှာ ဖြစ်ပွားခဲ့တဲ့ အသေခံဗုံးခွဲမှုတွေကြောင့် လူပေါင်း ၂၅၀ သေဆုံးခဲ့ပြီး ၅၀၀ လောက် ဒဏ်ရာရခဲ့ပါတယ်။ တိုက်ခိုက်မှုကို လူသိနည်းတဲ့ မွတ်စလင်အစွန်းရောက်အဖွဲ့ National Thowheeth Jama’ath (NTJ) နဲ့ ပြင်ပ အကြမ်းဖက်အုပ်စုတွေ ပူးပေါင်း ဆောင်ရွက်တာလို့ အခင်းဖြစ်ပြီး နောက်တစ်ရက်မှာပဲ သီရိလင်္ကာအစိုးရက ထုတ်ပြန်ခဲ့ပါတယ်။

IS အကြမ်းဖက်အဖွဲ့ကလည်း ဒါဟာ သူတို့လက်ချက်ဖြစ်ပြီး ဆီးရီးယားမှာ နယ်မြေဆုံးရှုံးမှုကို လက်တုန့်ပြန်တာလို့ ဆိုပါတယ်။

ဒါပေမယ့် သီရိလင်္ကသမ္မတရုံးက ထုတ်ပြန်တဲ့ မနေ့ကကြေငြာချက်မှာ တိုက်ခိုက်မှုကို နိုင်ငံတကာ မူးယစ်ရာဇာတွေက လုပ်ဆောင်တာလို့ ဖော်ပြထားပါတယ်။

“ကျွန်တော့်ကို သိက္ခာချဖို့နဲ့ ကျွန်တော်ဆောင်ရွက်နေတဲ့ မူးယစ်တိုက်ဖျက်ရေးလုပ်ငန်းကို အရှိန်ကျစေဖို့အတွက် မူးယစ်ဂိုဏ်းတွေက တိုက်ခိုက်မှုကို လုပ်ဆောင်ခဲ့တာပါ” လို့ သမ္မတ ဆရီဆီနာက ပြောပါတယ်။

မူးယစ်မှုမှာ သေဒဏ်ပေးမှုကို ပယ်ဖျက်ဖို့ လွှတ်တော်မှာ အတိုက်အခံတွေရဲ့ ဆောင်ရွက်မှုကို ဆရီဆီနာက ရင်ဆိုင်နေရချိန် ဒီလိုထုတ်ပြန်မှု ပေါ်ထွက်လာတာလည်း ဖြစ်ပါတယ်။

တိုက်ခိုက်မှုပြုလုပ်မယ့်သတင်းကို အိန္ဒိယထောက်လှမ်းရေးက အကြိမ်ကြိမ် အသိပေးခဲ့ပေမယ့် သီရိလင်္ကာအစိုးရက မတားဆီးခဲ့ပါဘူး။ သမ္မတ မိုင်သရီပါလာ ဆရီဆီနာက ရဲချုပ်ကို အပြစ်တင်ခဲ့ပါတယ်။ ရဲချုပ်က သူတို့အနေနဲ့ တားဆီးဖို့ ကြိုးစားခဲ့ပေမယ့် သမ္မတက ခွင့်မပြုခဲ့တာလို့ လွှတ်တော်ကြားနာမှုမှာ ဖြေကြားခဲ့ပါတယ်။

ဝန်ကြီးချုပ်က သဘောမတူ

ဆရီဆီနာရဲ့ မနေ့က ထုတ်ပြန်ချက်ကို ၀န်ကြီးချုပ် ရာနီလ် ၀စ်ကရီမီဆင်ဟီက လက်မခံပါဘူး။

“စုံစမ်းစစ်ဆေးမှုကို ရဲတပ်ဖွဲ့က ၂ ပတ်အတွင်း အပြီးအစီး ဆောင်ရွက်ခဲ့ပါတယ်”

သီရိလင်္ကာရဲတပ်ဖွဲ့ တာဝန်ရှိသူတွေက ဧပြီလ ၂၁ ရက်နေ့မှာ ဖြစ်ပွားခဲ့တဲ့ ဗုံးခွဲတိုက်ခိုက်မှုအတွက် စုံစမ်းစစ်ဆေးမှုကို ဆက်လက်လုပ်ဆောင်နေပြီး သီရိလင်္ကာနိုင်ငံသား ၁၀၀ ကျော်လောက်ကို ဖမ်းဆီးထားတယ်လို့ ပြောကြားခဲ့ပါတယ်။

“သီရိလင်္ကာက အစွန်းရောက်နေတဲ့ မွတ်စလင်အုပ်စုတစ်ခုက စီစဉ်ကျူးလွန်တဲ့ တိုက်ခိုက်မှုဖြစ်တယ်ဆိုတဲ့အပေါ် အခြေခံပြီး ကျွန်တော်တို့ ကိုင်တွယ်နေတာပါ။ တိုက်ခိုက်မှုမှာ ပါဝင်ခဲ့တဲ့လူတွေအားလုံးမှာ သေတဲ့လူက သေသွားပြီး၊ ကျန်တဲ့လူတွေကို ထိန်သိမ်းထားပါတယ်” လို့ အမည်မဖေါ်လိုတဲ့ သီရိလင်္ကာ ရဲအရာရှိတစ်ဦးက AFP သတင်းဌာနကို ပြောကြားခဲ့ပါတယ်။

သမ္မတ ဆရီဆီနာနဲ့ ၀န်ကြီးချုပ် ရာနီးလ်တို့ဟာ တိုက်ခိုက်မှုမဖြစ်ခင် သီတင်းပတ်အနည်းငယ်အတွင်းမှာ အာဏာအားပြိုင်မှုတစ်ခု ဖြစ်ပွားခဲ့ပါတယ်။ ဆရီဆီနာက ရာနီးလ်ကို ရာထူးကနေ ထုတ်ပယ်ခဲ့တာဖြစ်ပြီး ရာနီးလ်က ဒါဟာ အခြေခံဥပဒေကို ကျော်လွန် လုပ်ဆောင်မှုဖြစ်တယ်လို့ဆိုတာ ရာထူးကနေ မထွက်ပေးဘဲ နေခဲ့တာပါ။ ဒီကိစ္စမှာ ဆရီဆီနာက အလျော့ပေးခဲ့ရပါတယ်။

Ref: AFP

Comments are closed.