1 year ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၃၊ ၂၀၁၉
M-Media

၁၉၈၇ ခုနှစ်က အမေရိကန်နှင့် ဆိုဗီယက်တို့ INF စာချုပ် လက်မှတ်ရေးထိုးစဉ်

-ရုရှားနဲ့ တရုတ်တို့ ပါဝင်မယ့် နျူလက်နက် ထိန်းချုပ်ရေး သဘောတူညီချက်တစ်ခု ရရှိအောင် ကြိုးပမ်းသွားမယ်လို့ အမေရိကန်သမ္မတ ဒေါ်နယ်ထရမ့်က မနေ့မှာ ပြောကြားလိုက်ပါတယ်။

စစ်အေးခေတ်က ရုရှားနဲ့ချုပ်ထားတဲ့ တာလတ်နျူလက်နက်ထိန်းချုပ်ရေး စာချုပ် INF ကနေ နှုတ်ထွက်ကြောင်း ထရမ့်က သောကြာနေ့မှာ ကြေငြာခဲ့ပြီး၊ အင်အားကြီးနိုင်ငံတွေအကြား လက်နက်အားပြိုင်မှုတွေ ပိုမို မြင့်တက်လာမယ်ဆိုတဲ့ စိုးရိမ်မတွေ ရှိနေချိန် ထရမ့်ရဲ့ ဒီမှတ်ချက် ပေါ်ထွက်လာတာ ဖြစ်ပါတယ်။

ထရမ့်က ဒီအစီအစဉ်ကို ရုရှားနဲ့ တရုတ်တို့ကို အသိပေးထားပြီး ၂ နိုင်ငံစလုံးက ‘အရမ်း စိတ်လှုပ်ရှားနေကြတယ်’ လို့ ဆိုပါတယ်။

INF စာချုပ် ပျက်ပြယ်သွားပြီးတဲ့နောက် နျူလက်နက်ပြိုင်ဆိုင်မှု မြင့်တက်လာတာကို ဘယ်လို ရှောင်ရှားမလဲဆိုတဲ့ မေးခွန်းကိုတော့ ထရမ့်က နျူလက်နက် ကန့်သတ်ရေး သဘောတူညီချက်သစ် တစ်ခုအတွက် မိမိတို့အစိုးရဟာ ရုရှားနဲ့ ဆွေးနွေးနေကြောင်း၊ မိမိတို့လည်း လက်နက်တစ်ချို့ လျှော့ချမှာဖြစ်သလို ရုရှားကလည်း လက်နက်တစ်ချို့ လျှော့ချရမှာဖြစ်ကြောင်း ပြန်လည်ဖြေကြားခဲ့ပါတယ်။

“တစ်ချိန်ကျရင် တရုတ်ကိုလည်း ဒီစာချုပ်ထဲ ထည့်မှာပါ”

ဒီသဘောတူညီချက်ဟာ ကမ္ဘ္ဘာကြီးအတွက် အရေးကြီးတဲ့ ကိစ္စတစ်ခုဖြစ်ပြီး ဖြစ်လာမယ်လို့လည်း ယုံကြည်ကြောင်း ထရမ့်က ထည့်သွင်းပြောဆိုခဲ့ပါတယ်။

INF က ဘာ့ကြောင့်ထွက်

ရုရှား၏ 9M729 ဒုံးကျည်

ရုရှားဟာ INF စာချုပ်ပါ သတ်မှတ်ချက်တွေကို လိုက်နာခြင်းမရှိဘဲ ခရုဇ်ဒုံးကျည်အသစ် 9M729 ကို ချထားနေတာကြောင့် စာချုပ်ကနေ နှုတ်ထွက်ရတာလို့ ထရမ့်က ပြောပါတယ်။ ရုရှားကတော့ ဒီစွပ်စွဲချက်ကို ငြင်းဆိုခဲ့ပါတယ်။

ရုရှားအနေနဲ့ ဒီလုပ်ရပ်တွေကို သြဂုတ်လ ၂ ရက်နေ့အထိ မရပ်တန့်ဘူးဆိုရင် စာချုပ်ကနေ ထွက်မယ်လို့ အမေရိကန်က ဖေဖော်ဝါရီလကတည်းက ကြေငြာထားတာ ဖြစ်ပါတယ်။ ထရမ့်က နှုတ်ထွက်ကြောင်း ပြောကြားခဲ့ပြီး သိပ်မကြာခင်မှာပဲ ရုရှားကလည်း INF ကို လိုက်နာတော့မှာ မဟုတ်ဘူးလို့ ထုတ်ပြန်ခဲ့ပါတယ်။

ဘာတွေစိုးရိမ်နေကြလဲ

နျူလက်နက်ပိုင်ဆိုင်ထားမှုများ

ဆိုဗီယက်ခေါင်းဆောင် မီခေးလ် ဂိုဘာရှက်နဲ့ အမေရိကန်သမ္မတ ရော်နယ်ရေဂင်တို့ ၁၉၈၇ ခုနှစ်မှာ ချုပ်ဆိုခဲ့တဲ့ INF စာချုပ်ဟာ အင်အားကြီးနိုင်ငံတွေအကြား လက်နက်ထိန်းချုပ်ရေးမှာ ဆယ်နှစ်ချီ အရေးပါခဲ့တဲ့ စာချုပ်တစ်ခုအဖြစ် သတ်မှတ်ခံခဲ့ရတာ ဖြစ်ပါတယ်။

ဒီစာချုပ် ပျက်ပြယ်သွားမှုကြောင့် အမေရိကန်၊ ရုရှားနဲ့ တရုတ်တို့ကြားထဲမှာ လက်နက်ပြိုင်ဆိုင်မှုအသစ် ထပ်ပေါ်လာမယ်ဆိုတဲ့ စိုးရိမ်မှုတွေလည်း မြင့်တက်လာပါတယ်။

ကုလ အထွေထွေအတွင်းရေးမှူး အန်တိုနီယို ဂူတာရက်စ်က နျူစစ်ပွဲမဖြစ်ဖို့ တားဆီးထားတဲ့ အဟန့်အတားတစ်ခုဟာ ပျက်ဆီးစပြုနေပြီလို့ သတိပေးခဲ့ပြီး၊ နိုင်ငံတကာ လက်နက်ထိန်းချုပ်ရေး သဘောတူညီချက်တစ်ခု ဖော်ဆောင်ဖို့ တိုက်တွန်းခဲ့ပါတယ်။

နေတိုးမဟာမိတ်အဖွဲ့ အတွင်းရေးမှူး ဂျန် စတိုလ်တန်ဘာ့ဂ်က ရုရှားရဲ့ 9M729 ဒုံးကျည် ခြိမ်းခြောက်မှုအန္တရာယ်ကို ကာကွယ်ဖို့အတွက် လိုအပ်တာတွေ လုပ်ဆောင်သွားမယ်လို့ ပြောကြားခဲ့ပါတယ်။ ဒါပေမယ့် လက်နက်အားပြိုင်မှု ဖြစ်လာမှာကို မလိုချင်ဘဲ၊ ဥရောပမှာလည်း မြေပြင်ကနေပစ်ရတဲ့ နျူလက်နက်တွေ ချထားမှာမဟုတ်ဘူးလို့ သူက ဆိုပါတယ်။

Ref: BBC

Tags: , ,

Comments are closed.