1 year ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၁၅၊ ၂၀၁၉
M-Media

-သြဂုတ်လ ၈ ရက် ကြာသာပေတေးနေ့က ရုရှားနိုင်ငံ အနောက်မြောက်ပိုင်း Nyonoksa ရေတပ် လက်နက်စမ်းသပ်စခန်းတစ်ခုမှာ ဒုံးကျည်စမ်းသပ်ရင်း ပေါက်ကွဲမှုဖြစ်တာကြောင့် အနည်းဆုံး သိပ္ပံပညာရှင် ၅ ဦး သေဆုံးခဲ့ပါတယ်။

ပေါက်ကွဲမှုကြောင့် ရေတပ်စခန်းရှိရာ Severodvinsk မြို့မှာ ဓာတ်ရောင်ခြည်ပမာဏ အလွန်အမင်း မြင့်တက်ခဲ့ပြီး၊ ပြည်သူတွေ ဘေးလွတ်ရာကို ပြောင်းရွှေ့နေထိုင်ရတာ၊ ဓာတ်ရောင်ခြည်ကို ကာကွယ်ဖို့ ဆောင်ရွက်ရတာတွေလည်း ရှိခဲ့ပါတယ်။

ရုရှား ကာကွယ်ရေးဝန်ကြီးဌာနရဲ့ ကနဦးထုတ်ပြန်မှုမှာတော့ ရေတပ် လက်နက်စခန်းမှာ ပေါက်ကွဲမှုဖြစ်ပွားပြီး ၂ ဦးသေဆုံးကာ ၆ ဦး ဒဏ်ရာရခဲ့တယ်လို့ ဖော်ပြထားပါတယ်။

ဒါပေမယ့် ရုရှားနျူကလီးယားအေဂျင်စီ Rosatom က ၀န်ထမ်း ၅ ဦးသေဆုံးကာ ၃ ဦးဒဏ်ရာရတယ်လို့ ထုတ်ပြန်ခဲ့ပါတယ်။ အင်ဂျင်နီယာတွေဟာ ဒုံးကျည်ကို ပါဝါပေးမယ့် ‘နျူကလီးယား အိုင်ဆိုတုပ် စွမ်းအင်’ ကို စမ်းသပ်စဉ် ပေါက်ကွဲမှု ဖြစ်ပွားခဲ့တယ်လို့လည်း Rosatom က ဆိုပါတယ်။

အားထားရသူတွေ

သြဂုတ်လ ၈ ရက်နေ့က ပေါက်ကွဲမှုအတွင်း သေဆုံးခဲ့ကြတဲ့ နျူကလီးယား အင်ဂျင်နီယာတွေဟာ တိုင်းပြည်ရဲ့ ‘ထိပ်တန်း ကျွမ်းကျင်သူတွေ’ ‘သူရဲကောင်းတွေ’ ဖြစ်ပြီး၊ အရင်ကလည်း ခက်ခဲတဲ့အနေအထားတွေကို ကျော်ဖြတ်ကာ အသက်နဲ့ရင်းပြီး စမ်းသပ်မှုတွေ ပြုလုပ်ခဲ့တယ်လို့ Rosastom ရဲ့ တာဝန်ရှိသူ Valentin Kostyukov က ပြောပါတယ်။

Kostyukov ဟာ Sarov နျူကလီးယားစင်တာကို ကွပ်ကဲသူ ဖြစ်ပါတယ်။ ရုရှားဟာ စစ်အေးကာလတုန်းက Sarov စင်တာမှာ ဟိုက်ဒရိုဂျင်ဗုံးကို စမ်းသပ်ခဲ့ဖူးပါတယ်။

သေဆုံးသွားသူ ၅ ဦးက Alexei Vyushin (ဒီဇိုင်းနှင့် ဆော့ဖ်ဝဲဆိုင်ရာ ကျွမ်းကျင်သူ)၊Yevgeny Korotayev (အကြီးတန်း လျှပ်စစ်အင်ဂျင်နီယာ)၊ Vyacheslav Lipshev (သိပ္ပံဆိုင်ရာ စမ်းသပ်မှု အဖွဲ့ခေါင်းဆောင်)၊ Sergei Pichugin (စမ်းသပ်မှု အင်ဂျင်နီယာ)နဲ့ Vladislav Yanovsky (သိပ္ပံဆိုင်ရာ စမ်းသပ်မှုဌာန ဒုတိယအကြီးအကဲ) တို့ ဖြစ်ပါတယ်။

အင်ဂျင်နီယာတွေဟာ ပေါက်ကွဲမှုကြောင့် ပင်လယ်ပြင်ထဲကို လွင့်စင်ထွက်သွားခဲ့ပါတယ်။

ကွယ်လွန်သွားသူတွေကို အောက်မေ့သတိရဖို့ အကောင်းဆုံးနည်းလမ်းက ‘လက်နက်အသစ်တွေကို အမှားအယွင်းမရှိ အောင်မြင်အောင် ဆက်လက် စမ်းသပ်နိုင်ဖို့ ဖြစ်တယ်’ လို့ Rosatom အကြီးအကဲ Alexei Likhachev က ဈာပနအခမ်းအနားမှာ ပြောကြားခဲ့ပါတယ်။

ကမ္ဘ္ဘာဖျက် လက်နက်

Rosatom က ‘နျူကလီးယား အိုင်ဆိုတုပ် စွမ်းအင်’ လို့ ဖော်ပြခဲ့တာကြောင့် ရုရှားမီဒီယာတွေက
နျူစွမ်းအင်သုံး ခရုဇ်ဒုံးကျည်Burevestnik ကို စမ်းသပ်မှု ဖြစ်မယ်လို့ ကောက်ချက်ချခဲ့ကြပါတယ်။ Burevestnik ဒုံးကျည်ကို တီထွင်နေကြောင်း ၂၀၁၈ ခုနှစ် မတ်လ နိုင်ငံတော် အခြေပြမိန့်ခွန်းမှာ ရုရှားသမ္မတ ပူတင်က ပြောကြားခဲ့ဖူးပါတယ်။

ကျွမ်းကျင်သူတွေကလည်း ပြီးခဲ့တဲ့တစ်ပတ် ကြာသာပတေးနေ့က ပေါက်ကွဲမှုဟာ Burevestnik ဒုံးကျည်နဲ့ ဆက်စပ်နေမယ်လို့ သုံးသပ်ခဲ့ပါတယ်။ ဒီဒုံးကျည်ကို နေတိုးအဖွဲ့က SSC-X-9 Skyfall လို့ အမည်ပေးထားပါတယ်။

ပူတင်က ဒီဒုံးကျည်ဟာ ကမ္ဘ္ဘာတစ်ပတ် ပတ်နိုင်ပြီး၊ လက်ရှိအသုံးပြုနေတဲ့ ဒုံးခွင်းစနစ်တွေ၊ နောင်လာမယ့် အနာဂတ်မှာ ပေါ်ပေါက်လာမယ့် ဒုံးခွင်းစနစ်တွေကို ကျော်ဖြတ်ကာ ပစ်မှတ်ကို လူမသိ၊ သူမသိ တိုက်ခိုက်နိုင်တယ်လို့ ဆိုပါတယ်။

ပထမအဆင့် စမ်းသပ်မှုတွေ အောင်မြင်စွာ ပြီးဆုံးခဲ့တယ်လို့ ပူတင်က ပြောကြားခဲ့ပေမယ့် ကျွမ်းကျင်သူတွေကတော့ ဒီလိုလက်နက်မျိုးဟာ ကိုင်တွယ်ထိန်းသိမ်းရခက်ပြီး သဘာဝပတ်ဝန်းကျင်ကို ထိခိုက်နိုင်တယ်လို့ သတိပေးထားပါတယ်။

အမေရိကန်နဲ့ ဆိုဗီယက်တို့ဟာ ၁၉၆၀ ပြည့်နှစ်တွေက နျူစွမ်းအင်သုံး ဒုံးကျည်တွေကို ပူးပေါင်း
တီထွင်ခဲ့ဖူးပြီး အလွန်အန္တရာယ်ရှိတဲ့အတွက် နောက်ပိုင်းမှာ ဒီစီမံကိန်းကို ရပ်ဆိုင်းခဲ့ပါတယ်။

နောက်ဆက်တွဲ

သေဆုံးသွားသူတွေကို နျူကလီးယားလက်နက်တွေ ထုတ်လုပ်ရာ Sarov မြို့မှာ မြေမြှုပ်သင်္ဂြီုဟ်ခဲ့ပြီး ဈာပနအခမ်းအနားကို လူထောင်ချီ တက်ရောက်ခဲ့ပါတယ်။

ပြည်သူလူထုတွေ ဂါရဝပြုနိုင်ဖို့အတွက် ရုပ်ကလပ်တွေကို မြို့လယ်ကောင်ရင်ပြင်မှာ ထားရှိကာ အဲဒီကနေ သုဿန်ကို သယ်ဆောင်သွားခဲ့ပါတယ်။ ၀မ်းနည်းခြင်းအထိမ်းအမှတ်အဖြစ် အလံတိုင်တွေကိုလည်း တစ်ဝက်ချ လွှင့်ထူခဲ့ပါတယ်။

သြဂုတ်လ ၈ ရက်နေ့က ပေါက်ကွဲမှု ဖြစ်ပွားပြီး မိနစ် ၄၀ အတွင်း Severodvinsk မြို့မှာ ဓာတ်ရောင်ခြည်ပမာဏဟာ ၁၆ ဆလောက် မြင့်တက်သွားခဲ့ပြီး ပြည်သူတွေဟာ အိုင်အိုဒင်းတွေ ၀ယ်ယူကာ ဓာတ်ရောင်ခြည်ကို ကာကွယ်ရတဲ့အထိ ဖြစ်ခဲ့ပါတယ်။

လက်ရှိမှာတော့ ရုရှားစစ်တပ်က ပေါက်ကွဲမှုအကြွင်းအကျန် ရှင်းလင်းရေးကို လုပ်ဆောင်နေပြီး
Nyonoksa ဒေသခံတွေအနေနဲ့ သြဂုတ်လ ၁၄ ရက်နေ့ နောက်ဆုံးထားကာ ဒေသကနေ ယာယီထွက်ခွာပေးဖို့လည်း အာဏာပိုင်တွေက အမိန့်ထုတ်ပြန်ထားပါတယ်။

ပေါက်ကွဲမှု ဖြစ်ပြီးပြီးချင်းမှာပဲ ရေတပ်စခန်းရှိကာ ပင်လယ်ဖြူရဲ့ ဒါဗီနာ ပင်လယ်အော်မှာ
သင်္ဘောတွေ ဖြတ်သန်းသွားလာခွင့်ကို တစ်လတာ ပိတ်ပင်ခဲ့ပါတယ်။ ကျွမ်းကျင်သူတွေကတော့ ဒါဟာ ဒုံးကျည်အကြွင်းအကျန်တွေကို အပြင်လူတွေ မြင်မှာစိုးရိမ်တဲ့အတွက် ပိတ်ပင်တာဖြစ်တယ်လို့ သုံးသပ်ခဲ့ကြပါတယ်။

ပေါက်ကွဲမှုဟာ ကမ္ဘ္ဘာဖျက်လက်နက် Burevestnik ကို စမ်းသပ်စဉ် ဖြစ်ပွားခဲ့တာလားဆိုတာကို ရုရှားအစိုးရ တာဝန်ရှိသူတွေက အတည်ပြုခြင်း မရှိပါဘူး။

နျူနဲ့ပါဝါပေးတဲ့ ဒုံးကျည်တွေ စမ်းသပ်မှုကို ၁၉၆၀ နဲ့ ၁၉၇၀ ပြည့်နှစ်တွေမှာ အမေရိကန်က ဆောင်ရွက်ခဲ့ဖူးပေမယ့် အလွန်အမင်း အန္တရာယ်များတာကြောင့် နောက်ပိုင်းမှာ စီမံကိန်းကို ဖျက်သိမ်းခဲ့ပါတယ်။

Ref: Aljazeera, BBC

Tags: ,

Comments are closed.