12 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

စက်တင်ဘာ ၈၊ ၂၀၁၉
M-Media

ဘီဟာရ်တွင် ဟိန္ဒူများက ထိန်းသိမ်းပေးထားသည့် ဗလီ

-အိန္ဒိယနိုင်ငံ ဘီဟာရ်ပြည်နယ်က နှစ်ပေါင်း ၂၀၀ သက်တမ်းရှိတဲ့ ဗလီဝတ်ကျောင်းတော် တစ်လုံးကို ဟိန္ဒူတွေက ထိန်းသိမ်းစောင့်ရှောက်ထားပြီး လူမျိုးရေးပဋိပက္ခတွေ ဖြစ်လေ့ဖြစ်ထ ရှိတဲ့ အိန္ဒိယနိုင်ငံက မတူကွဲပြားစွာညီညွတ်မှု ပြယုဂ်တစ်ခုလည်း ဖြစ်ပါတယ်။

နာလန်ဒါခရိုင်က မဒ်ဟီဆိုတဲ့ရွာမှာ မွတ်စလင် တစ်ယောက်မှ မရှိတော့ပေမယ့် ဟိန္ဒူရွာသားတွေက ဗလီမှာ ၀တ်ပြုနိုင်အောင် စီစဉ်ပေးထားပြီး တစ်နေ့ကို ၅ ကြိမ် အာဇန်နိဗ္ဗာန်ဆော်မှုလည်း
ပြုလုပ်ပေးနေပါတယ်။

“ကျွန်တော်တို့က ဟိန္ဒူတွေဆိုတော့ အာဇန်ဘယ်လိုပေးရမလဲ မသိဘူးဗျ။ ဒါပေမယ့် အာဇန်သံထည့်ထားတဲ့ pen drive နဲ့ နေ့စဉ် အာဇန်လွှင့်ပေးပါတယ်” လို့ ရွာသားတစ်ဦးဖြစ်သူ ဟန်စ် ကူးမားရ်က ပြောကြားခဲ့ပါတယ်။

ရွာသားတွေဟာ ဗလီဝတ်ကျောင်းတော်ကိုလည်း ပြုပြင်စောင့်ရှောက်ပေးထားပါတယ်။ အရင်က အဲဒီရွာမှာ အစ္စလာမ်ဘာသာဝင် တော်တော်များများ ရှိခဲ့ပေမယ့် နောက်ပိုင်း တစ်ဖြည်းဖြည်းနဲ့ အခြားဒေသတွေကို ရွှေ့ပြောင်းသွားကြတယ်လို့ ရွာသားတွေက ပြောပါတယ်။

“ဗလီကို စောင့်ရှောက်မယ့်လူ မရှိဘူးဗျ။ အဲတော့ ဟိန္ဒူတွေကပဲ လုပ်ပေးရတာပေါ့” လို့ ဗလီဝတ်ကျောင်းတော် စောင့်ရှောက်ရေးမှာ ပါဝင်နေတဲ့ ဂေါက်သမ်က ပြောပါတယ်။

ဗလီဟာ ဆုတောင်းပြည့်တယ်လို့ ယူဆတဲ့အတွက် လာရောက်ဆုတောင်းကြတဲ့ ဟိန္ဒူတွေလည်း ရှိတယ်လို့ သူက ဆိုပါတယ်။

“ဗလီကို သန့်ရှင်းအောင် လုပ်ပေးထားပြီး မနက်တိုင်း ညနေတိုင်းမှာ ဘုရားဝတ်ပြုဖို့ စီစဉ်ပေးထားပါတယ်။ အခက်အခဲတစ်စုံတစ်ခု ကြုံတွေ့သူတွေ ဒီမှာလာပြီး ဆုတောင်းတာမျိုးလည်း ရှိပါတယ်”

Ref: Nationalheraldindia

Comments are closed.