1 year ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
1 year ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
1 year ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
2 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
2 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
2 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
2 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
2 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
2 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
2 years ago
ဘာသာေပါင္းစုံ ဆုေတာင္းပြဲ (ရုပ္သံ)

အောက်တိုဘာ ၁၅၊ ၂၀၁၉
M-Media

ဆီးရီးယားမြောက်ပိုင်းမြင်ကွင်း

-ဆီးရီးယားမြောက်ပိုင်းကို ကျူးကျော်တိုက်ခိုက်မှုကြောင့် တူရကီအာဏာပိုင်တ‌ွေကို အမေရိကန် မနေ့မှာ ပိတ်ဆို့မှုတွေ ပြုလုပ်လိုက်ပြီး ချက်ခြင်း အပစ်ရပ်ဆဲဖို့လည်း တိုက်တွန်းဆော်ဩလိုက်ပါတယ်။

အမေရိကန်တပ်တွေ ဆုတ်ခွာသွားခဲ့ပြီးတဲ့နောက် တူရကီဟာ ပြီးခဲ့တဲ့ ဗုဒ္ဓဟူးနေ့က စတင်ကာ ဆီးရီးယားမြောက်ပိုင်းက ကာ့ဒ်တပ်ဖွဲ့တွေကို ဝင်ရောက်တိုက်ခိုက်ခဲ့တာ ဖြစ်ပါတယ်။

တပ်တွေဆုတ်ခွာဖို့ အမိန့်ပေးခဲ့မှုအတွက် အမေရိကန်သမ္မတ ဒေါ်နယ်ထရမ့်ဟာ သူ့ရဲ့ ရီပက်ဘလစ်ကန်ပါတီက အမတ်တွေအပါအဝင်၊ အမေရိကန် နိုင်ငံရေးသမားတွေရဲ့ ဝေဖန်တွေကို ခံနေရပါတယ်။

တနင်္လာနေ့မှာတော့ တူရကီအစိုးရ တာဝန်ရှိသူတွေ၊ အစိုးရအဖွဲ့အစည်းတွေ၊ အစိုးရနဲ့ သက်ဆိုင်သူတွေအပေါ် အမေရိကန်က ပိတ်ဆို့အရေးယူမှု အမျိုးမျိုး ပြုလုပ်ခဲ့ပြီး ဆီးရီးယားမြောက်ပိုင်းမှာ အရပ်သားတွေကို ထိခိုက်စေတာ၊ ငြိမ်းချမ်းရေး၊ တည်ငြိမ်အေးချမ်းရေးနဲ့ လုံခြုံရေး ပျက်ပြားအောင် ဆောင်ရွက်တာတွေကြောင့်ဖြစ်တယ်လို့ နိုင်ငံခြားရေးဝန်ကြီး မိုက် ပွမ်ပီယိုက ပြောကြားခဲ့ပါတယ်။

ထရမ့်ကလည်း တူရကီနဲ့ ကန်ဒေါ်လာ ဘီလီယံ ၁၀၀ တန် ကုန်သွယ်ရေး ညှိနှိုင်းဆွေးနွေးမှုကို ရပ်ဆိုင်းကာ၊ စတီးတင်ပို့မှုအခွန်ကိုလည်း ၅၀ ရာခိုင်နှုန်းအထိ မြှင့်တင်သွားမယ်လို့ ပြောကြားခဲ့ပါတယ်။

ဒါ့အပြင် ဒုတိယသမ္မတ မိုက်ပန့်စ်နဲ့ နိုင်ငံတော်လုံခြုံရေးအကြံပေး ရောဘတ် အိုဘရိုင်ယန်တို့ကို တူရကီကိုစေလွှတ်ပြီး ဆွေးနွေးမှုတွေ ချက်ခြင်း လုပ်ဆောင်ခိုင်းမယ်လို့လည်း ထရမ့်က ဆိုပါတယ်။

တူရကီခေါင်းဆောင်တွေအနေနဲ့ အန္တရာယ်ရှိပြီး ဖျက်လိုဖျက်ဆီးလိုတဲ့ လမ်းကြောင်းကို ဆက်လျှောက်နေမယ်ဆိုရင် တူရကီရဲ့ စီးပွားရေးကို အလျင်အမြန် ဖျက်ဆီးဖို့ အပြည့်အ၀ ပြင်ဆင်ထားတယ်လို့ ထရမ့်က ထည့်သွင်း ပြောဆိုခဲ့ပါတယ်။

ဆီးရီးယားမြောက်ပိုင်းကို တူရကီရဲ့ ကျူးကျော်တိုက်ခိုက်မှုအတွင်း အရပ်သားသေဆုံးမှုတွေ၊ အိုးအိမ်စွန့်ခွာ ထွက်ပြေးရမှုတွေ မြင့်တက်လာသလို ကာ့ဒ်တပ်ဖွဲ့က ဖမ်းဆီးထိန်းသိမ်းထားတဲ့ IS အကြမ်းဖက်အဖွဲ့ဝင် အမြောက်အများ ပြန်လည်လွတ်မြောက်မှုတွေလည်း ရှိနေပါတယ်။

Ref: Aljazeera

Tags: ,

Comments are closed.