2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

အောက်တိုဘာ ၁၇၊ ၂၀၁၉
M-Media

-နိုက်ဂျီးရီးယားနိုင်ငံမြောက်ပိုင်းက အစ္စလာမ်ဘာသာရေးကျောင်းတွေမှာ ချုပ်နှောင် နှိပ်စက်ခံရတဲ့ အမျိုးသားနဲ့ ယောက်ျားလေး စုစုပေါင်း ၁ ထောင်ကျော်လောက်ကို နိုက်ဂျီးရီးယား ရဲတပ်ဖွဲ့က အခုတစ်ပတ်အတွင်းမှာ ကယ်ထုတ်နိုင်ခဲ့ပါတယ်။

မနေ့က ကတ်စီနာပြည်နယ် ဒေါင်ရာမြို့က အစ္စလာမ်ဘာသာရေးကျောင်းတစ်ခုကို ရဲတပ်ဖွဲ့က ဝင်ရောက်စီးနင်းရာမှာ စုစုပေါင်း လူ ၃၀၀ လောက်ကို ကယ်ထုတ်ခဲ့ရပါတယ်။ ကျောင်းသားတွေကို လက်ထိပ်ခတ်တာ၊ ခြေထောက် သံကြိုးနဲ့ ချည်နှောင်ထားတာတွေရှိပြီး လူမဆန်တဲ့ နှိပ်စက်မှုမျိုးတွေ၊ လိင်ပိုင်းဆိုင်ရာ စော်ကားမှုတွေလည်း ရှိတယ်လို့ ကတ်ဆီ နာ ရဲတပ်ဖွဲ့အကြီးအကဲ ဆာနူဆီ ဘူဘာက ပြောကြားခဲ့ပါတယ်။

အရင်က အဲဒီကျောင်းမှာ လူ ၅၀၀ လောက်ရှိပြီး တစ်ချို့ဟာ ပြီးခဲ့တဲ့ တနင်္ဂနွေနေ့မှာ ထွက်ပြေးလွတ်မြောက်သွားပါတယ်။

အဲဒီအစ္စလာမ်ဘာသာရေးကျောင်းဟာ အသက် ၇၈ နှစ်အရွယ် မွတ်စလင်ဘာသာရေးဆရာ ဘီလို မိုင် အလ် မာဂျီရိုင်းက လွန်ခဲ့တဲ့ နှစ်ပေါင်း ၄၀ လောက်က တည်ထောင်ထားတာဖြစ်ပါတယ်။ မိဘတွေဟာ သူတို့ရဲ့ သားသမီးတွေကို ကုရ်အာန်ကျမ်းစာ သင်ကြားဖို့၊ မူးယစ်ဆေးဝါးဖြတ်ဖို့ ဒီကျောင်းကို လာရောက် အပ်နှံကြတာ ဖြစ်ပါတယ်။

ကတ်စီနာပြည်နယ်မှာ စီးနင်းမှုဟာ ပြီးခဲ့တဲ့တစ်ပတ်အတွင်း နိုက်ဂျီးရီးယားရဲတပ်ရဲ့ ၃ ကြိမ်မြောက် စီးနင်းမှု ဖြစ်ပါတယ်။

တနင်္လာနေ့ကလည်း ဒေါင်ရာမြို့မှာပဲ အစ္စလာမ်ဘာသာရေးကျောင်းတစ်ခုကို ရဲတပ်ဖွဲ့က ဝင်ရောက်စီးနင်းရာမှာ လူ ၃၀၀ လောက်ကို ကယ်ထုတ်နိုင်ခဲ့ပါတယ်။ စက်တင်ဘာ ၂၆ ရက်‌နေ့က ကာဒူနာပြည်နယ်က အစ္စလာမ်ဘာသာရေးကျောင်းတစ်ခုမှာလည်း လူပေါင်း ၅၀၀ လောက်ကို ရဲတပ်ဖွဲ့က ကယ်ထုတ်ခဲ့ပါတယ်။

မိဘတွေက သူတို့သားသမီးတွေဟာ ဒီကျောင်းတွေမှာ ဘာသာရေးပညာတွေ သင်ကြားနေတယ်လို့ ယူဆနေကြကြောင်း ရဲတပ်ဖွဲ့က ပြောကြားခဲ့ပါတယ်။

ဖိအားများနေ

နိုက်ဂျီးရီးယားနိုင်ငံတစ်ဝှမ်းမှာ အထူးသဖြင့် အစ္စလာမ်ဘာသာဝင် အများစုရှိတဲ့ မြောက်ပိုင်းမှာ အခုလို အစ္စလာမ်ဘာသာရေးကျောင်းအမည်ခံပြီး ညှင်းပမ်းနှိပ်စက်မှုတွေ ရှိနေနိုင်တဲ့အတွက် ဒါတွေကို နှိမ်နှင်းဖို့ သမ္မတ မူဟာမာဒူ ဘူဟာရီ အစိုးရဟာ ပြည်သူလူထုရဲ့ ဖိအားပေးမှုကို ခံနေရပါတယ်။

တနင်္လာနေ့က ဒုတိယမြောက် ကယ်ဆယ်မှု ပြီးတဲ့နောက်မှာ ဘူဟာရီက ဒီလို ဘာသာရေးကျောင်းအမည်ခံ ညှင်းပမ်းနှိပ်စက်မှုတွေကို နှိမ်နှင်းဖို့ အင်္ဂါနေ့မှာ အမိန့်ပေးခဲ့ပါတယ်။

“ဒီလိုနေရာတွေအားလုံးကို ပိတ်ပစ်ပြီး ထိန်းသိမ်းခံထားရသူတွေကို မိဘလက်ထံ ပြန်အပ်ဖို့အတွက် သမ္မတက ရဲတပ်ဖွဲ့ကို ညွှန်ကြားခဲ့ပါတယ်။ ဘာသာရေးအမည်ခံပြီး အမျိုးသားကိုဖြစ်စေ အမျိုးသမီးကိုဖြစ်စေ ညှင်းပမ်းနှိပ်စက်တဲ့ ဒီလိုနေရာမျိုးတွေကို အစိုးရက ခွင့်ပြုမှာ မဟုတ်ပါဘူး” လို့ ဘူဟာရီရဲ့ ပြောရေးဆိုခွင့်ရှိသူက ပြောကြားခဲ့ပါတယ်။

အဲဒီလို ဘာသာရေးကျောင်းတွေမှာ ညှင်းပမ်းနှိပ်စက်ရင်း သေဆုံးသွားသူတွေလည်း ရှိနေပြီး ကျောင်းပိုင်ရှင်တွေနဲ့ ဆရာတွေကို ရဲတပ်ဖွဲ့က ဖမ်းဆီးခဲ့ပါတယ်။

Ref: Reuters

Comments are closed.