1 year ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
2 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
2 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
2 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
2 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
2 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
2 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
2 years ago
ဘာသာေပါင္းစုံ ဆုေတာင္းပြဲ (ရုပ္သံ)

နိုဝင်ဘာ ၇၊ ၂၀၁၉
M-Media

-ညစ်ညမ်းရုပ်ရှင်တွေ၊ အကြမ်းဖက်မှုတွေလို အဖျက်သဘောဆောင်တဲ့ အရာတွေကို အချိန်မီ မဖျက်ပေးရင် ဒဏ်ငွေရိုက်မယ့်ကိစ္စအတွက် အင်ဒိုနီးရှားဟာ ဆိုရှယ်မီဒီယာကုမ္ပဏီတွေနဲ့ တွေ့ဆုံဆွေးနွေးဖို့ရှိတယ်လို့ သိရပါတယ်။

အင်ဒိုပြန်ကြားရေးဝန်ကြီးဌာန ညွှန်ကြားရေးမှူး ဆမ်မြူယဲလ် အဘ်ရီဂျာနီ ပန်ဂျီရာပန်က သူတို့အစိုးရဟာ ဟိရိဩတ္တပတရားကင်းမဲ့ပြီး၊ လူထုအတွင်း ဆိုးကျိုးသက်ရောက်စေမယ့် ကိစ္စတွေကို ပိုမိုအလေးထား စောင့်ကြည့်ဖယ်ရှားရေး ရည်ရွယ်လုပ်ဆောင်နေတယ်လို့ ပြောကြားခဲပါတယ်။

ဖျက်သင့်တာတွေကို မဖျက်ရင် ဒဏ်ရိုက်မယ့် ဥပဒေတစ်ခုကို ‌ဆိုရှယ်မီဒီယာကုမ္ပဏီတွေနဲ့ တွေ့ဆုံဆွေးနွေးပြီးတဲ့နောက် ရေးဆွဲအတည်ပြုမှာဖြစ်ပြီး ၂၀၂၁ ခုနှစ်မှာ စတင်ကျင့်သုံးနိုင်အောင် အင်ဒိုနီးရှားအစိုးရက စီစဉ်ထားပါတယ်။

လူထုအတွင်း ဆိုးကျိုးဖြစ်စေမယ့် အကြောင်းအရာတွေထဲမှာ ညစ်ညမ်းရုပ်ရှင်တွေ၊ အစွန်းရောက်အောင် ဝါဒဖြန့်မှုတွေ ပါဝင်ပြီး ဒဏ်ငွေကတော့ အင်ဒိုရူပြား သန်း ၁၀၀ (၇၁၆၀ ဒေါ်လာ) ကနေ ရူပြား သန်း ၅၀၀ (၃၅၈၀၃ ဒေါ်လာ) ကြား ရှိမှာဖြစ်ပါတယ်။

အရှေ့တောင်အာရှက အစိုးရတွေဟာ ဆိုရှယ်မီဒီယာက အကြောင်းအရာတွေ ထိန်းချုပ်ရေး၊ အခွန်အကောက်တွေ ပိုမိုကောက်ခံနိုင်ရေး စတာတွေအတွက် ကြိုးပမ်းလာနေကြပါတယ်။ အရှေ့တောင်အာရှ ဒေသမှာ ဆိုရှယ်မီဒီယာအသုံးပြုသူ ၆၄၁ သန်း ရှိနေပြီး ဆိုရှယ်မီဒီယာကုမ္ပဏီတွေရဲ့ အဓိကစျေးကွက်ကြီး ဖြစ်နေပါတယ်။

Facebook နဲ့ Twitter အတွက် အင်ဒိုနီးရှားဟာ ကမ္ဘာ့ ပဉ္စမမြောက် အကြီးဆုံးစျေးကွက်ဖြစ်နေတာပါ။ အကြောင်းအရာတစ်ခုကို ဖျက်ပစ်ဖို့ အာဏာပိုင်တွေရဲ့ ၃ ကြိမ်တိတိ မေတ္တာရပ်ခံမှုကို မလိုက်နာတဲ့ ဆိုရှယ်မီဒီယာတွေကို ပိတ်ပင်မယ့်စနစ် ကျင့်သုံးနေတယ်လို့ အင်ဒိုအာဏာပိုင်တွေက ဩဂုတ်လမှာ ပြောကြားခဲ့ပါတယ်။

၂၀၁၈ ခုနှစ်အတွင်း အင်ဒိုနီးရှားမှာ ညစ်ညမ်းဝဘ်ဆိုက်တွေနဲ့ အစွန်းရောက်ဝဘ်ဆိုက် ၇ သောင်းကျော်ကို ပိတ်ပစ်ခဲ့ပြီး ဒါတွေကို ရှာဖွေရင် အလိုအလျောက် သတိပေးတဲ့စနစ်ကိုလည်း ဖန်တီးထားပါတယ်။

Ref: Reuters

Tags:

Comments are closed.