1 year ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
1 year ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
1 year ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
2 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
2 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
2 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
2 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
2 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
2 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
2 years ago
ဘာသာေပါင္းစုံ ဆုေတာင္းပြဲ (ရုပ္သံ)

နိုဝင်ဘာ ၁၁၊ ၂၀၁၉
M-Media

-နိုင်ငံတောင်ပိုင်းက Bushehr က နျူဓာတ်အားပေးစက်ရုံမှာ ဒုတိယမြောက် နျူဓာတ်ပေါင်းဖို တစ်ခုကို အီရန်က မနေ့မှာ ဖောင်ဒေးရှင်းချခဲ့ပြီး ၂၀၁၅ ခုနှစ် နျူသဘောတူညီချက် ပျက်ပြယ်လုဆဲဆဲ အချိန်မှာ ဒီလုပ်ဆောင်မှု ပေါ်ထွက်လာတာပါ။

နျူဓာတ်ပေါင်းဖို့ စတင်တည်ဆောက်မှု အခမ်းအနားကို တက်ရောက်လာတဲ့ အီရန်အာဏာပိုင်တွေက ဓာတ်ပေါင်းဖိုပြီးစီးသွားရင် နိုင်ငံရဲ့ ဓာတ်အားလိုင်းထဲကို ဓာတ်အား မီဂါဝပ် ၁၀၀၀ ကျော် ပေါင်းထည့်နိုင်မယ်လို့ ပြောကြားခဲ့ပါတယ်။

ရုရှားရဲ့အကူအညီနဲ့ ဓာတ်ပေါင်းဖိုကို ဆောက်လုပ်တာ ဖြစ်ပါတယ်။ Bushehr နျူဓာတ်အားပေးစက်ရုံက ပထမဆုံး ဓာတ်ပေါင်းဖိုကိုလည်း ရုရှားက ကူညီတည်ဆောက်ပေးခဲ့တာဖြစ်ပြီး နှစ်ပေါင်းများစွာ နှောင့်နှေး ကြန့်ကြာခဲ့ပြီးတဲ့နောက် ၂၀၁၁ ခုနှစ်မှာ စတင် လည်ပတ်နိုင်ခဲ့ပါတယ်။ အီရန်ဟာ ဒီစက်ရုံမှာပဲ တတိယမြောက် ဓာတ်ပေါင်းဖိုတစ်ခုလည်း တည်ဆောက်ဖို့ စီစဉ်ထားပါတယ်။

အီရန် အနုမြူစွမ်းအင်အေဂျင်စီ အကြီးအကဲ အလီ အက္ကဘာရ် ဆာလေဟီက ‌နျူကလီးယားစွမ်းအင်ဟာ ခိုင်မာတဲ့ ဓာတ်အားရင်းမြစ်တစ်ခုဖြစ်ပြီး၊ စက်ရုံတစ်ခုက တစ်နှစ်ကို ရေနံစည်ပေါင်း ၁၁ ဘီလီယံ၊ ကန်ဒေါ်လာ သန်း ၆၆၀ သက်သာစေတယ်လို့ ပြောကြားခဲ့ပါတယ်။

Bushehr နျူဓာတ်အားပေးစက်ရုံကို နိုင်ငံတကာ အနုမြူစွမ်းအင်အေဂျင်စီ IAEA က စောင့်ကြည့်နေတာပါ။ စက်ရုံလည်ပတ်ဖို့အတွက် ယူရေနီယံကို အီရန်က ၄.၅ ရာခိုင်နှုန်းအထိ သန့်စင်ထားပြီး ဒါဟာ ၂၀၁၅ ခုနှစ် နျူသဘောတူညီချက်ပါ သတ်မှတ်ချက် ၃.၆၇ ရာခိုင်နှုန်းထက် ကျော်လွန်နေတာ ဖြစ်ပါတယ်။

ပြီးခဲ့တဲ့နှစ်မေလ အမေရိကန်က သဘောတူညီချက်ကနေ နှုတ်ထွက်ခဲ့ပြီးတဲ့နောက်ပိုင်း အီရန်ကလည်း သဘောတူညီချက်ပါ သတ်မှတ်ချက်တွေကို တစ်ဖြည်းဖြည်းနဲ့ လိုက်နာခြင်း မရှိတော့ပါဘူး။

ဆာလေဟီက သဘောတူညီချက်ကို မိမိတို့က စတင်ချိုးဖောက်တာမဟုတ်ဘူးလို့ မနေ့က အခမ်းအနားမှာ ထည့်သွင်းပြောကြားခဲ့ပါတယ်။

Ref: Aljazeera

Tags:

Comments are closed.