2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

နိုဝင်ဘာ ၁၆၊ ၂၀၁၉
M-Media

နိုင်ငံတကာ ရာဇဝတ်ခုံရုံး (ICC)

-ရခိုင်ပြည်နယ်က ရိုဟင်ဂျာကိစ္စနဲ့ပတ်သက်ပြီး နိုင်ငံတကာ ရာဇဝတ်ခုံရုံး (ICC) က စုံစမ်းစစ်ဆေးမယ့်ကိစ္စကို မြန်မာနိုင်ငံက ပယ်ချလိုက်ပါတယ်။

၂၀၁၇ ခုနှစ်တုန်းက ရခိုင်ပြည်နယ်မြောက်ပိုင်းမှာ ရိုဟင်ဂျာတွေအပေါ် စစ်တပ်က ပြုလုပ်တဲ့ စစ်ဆင်ရေးနဲ့ပတ်သက်ပြီး ပြည့်၀တဲ့ စုံစမ်းစစ်ဆေးမှုတွေ ပြုလုပ်ဖို့အတွက် ICC က ကြာသာပတေးနေ့မှာ ခွင့်ပြုခဲ့တာပါ။ ICC ဟာ အရင်က ရိုဟင်ဂျာကိစ္စနဲ့ပတ်သက်လို့ ကနဦးစုံစမ်းစစ်ဆေးမှုတွေ ပြုလုပ်ခဲ့ပါတယ်။

ဒါပေမယ့် ဒီလိုစုံစမ်းစစ်ဆေးမှုဟာ နိုင်ငံတကာ ဥပဒေနဲ့ မညီဘူးလို့ မြန်မာအစိုးရရဲ့ ပြောရေးဆိုခွင့်ရှိသူ ဦးဇော်ဌေးက သောကြာနေ့မှာ ပြောကြားခဲ့ပါတယ်။ ကျူးလွန်မှုတွေ ရှိခဲ့တယ်ဆိုတဲ့ သတင်းတွေအတွက် မိမိတို့စုံစမ်းစစ်ဆေးရေးအဖွဲ့တွေက စုံစမ်းမှာဖြစ်ပြီး လိုအပ်ရင် အရေးယူသွားမယ်လို့လည်း ဦးဇော်ဌေးက ဆိုပါတယ်။

၂၀၁၇ ခုနှစ်က ရခိုင်ပြည်နယ်မှာ မြန်မာစစ်တပ်ရဲ့ စစ်ဆင်ရေးအတွင်း ရိုဟင်ဂျာတွေကို အစုလိုက်အပြုံလိုက် သတ်ဖြတ်တာ၊ ရွာလုံးကျွတ်မီးရှို့တာ၊ အုပ်စုဖွဲ့ အဓမ္မကျင့်တာတွေရှိပြီး ဒါဟာ ‘လူမျိုးတုန်း သတ်ဖြတ်လိုတဲ့ ရည်ရွယ်ချက်’ နဲ့ လုပ်ဆောင်တာဖြစ်တယ်လို့ ကုလရဲ့ စုံစမ်းစစ်ဆေးရေးမှူးတွေက သုံးသပ်ထားပါတယ်။

မြန်မာနိုင်ငံကတော့ ဒီစွပ်စွဲချက်တွကို ငြင်းဆိုထားပြီး ICC ရဲ့ မြန်မာနိုင်ငံနဲ့ပတ်သက်တဲ့ လုပ်ပိုင်ခွင့်အပေါ် အသိအမှတ်ပြုဘူးလို့လည်း ပြောကြားခဲ့ပါတယ်။ မြန်မာနိုင်ငံဟာ မိမိတို့အဖွဲ့ဝင်နိုင်ငံ မဟုတ်ပေမယ့် အဖွဲ့ဝင်နိုင်ငံဖြစ်တဲ့ ဘင်္ဂလားဒေ့ရှ်မှာ ရိုဟင်ဂျာတွေ ခိုလှုံနေရတဲ့အတွက် သူတို့အပေါ်ကျူးလွန်မှုတွေကို စုံစမ်းစစ်ဆေးဖို့ မိမိတို့မှာ အခွင့်အာဏာရှိတယ်လို့ ICC က ပြီးခဲ့တဲ့နှစ်မှာ ထုတ်ပြန်ထားပါတယ်။

ဦးဇော်ဌေးက မြန်မာနိုင်ငံနဲ့ အစိုးရတို့ဟာ အားလုံးကို ငြင်းဆိုနေတာမဟုတ်သလို၊ မျက်လုံးတွေလည်း မှိတ်မထားဘူးလို့ ထည့်သွင်းပြောကြားခဲ့ပါတယ်။

ရိုဟင်ဂျာကိစ္စနဲ့ပတ်သက်ပြီး ဂမ်ဘီယာနိုင်ငံက နိုင်ငံတကာတရားရုံး ICJ မှာ တနင်္လာနေ့က မြန်မာနိုင်ငံကို လူမျိုးတုန်းသတ်ဖြတ်မှုနဲ့ တရားစွဲဆိုခဲ့ပြီး ပထမဆုံးကြားနာမှုကို ဒီဇင်ဘာလမှာ ပြုလုပ်မှာပါ။

ဗုဒ္ဓဟူးနေ့က အာဂျင်တီးနားနိုင်ငံမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ မြန်မာအာဏာပိုင်ဟောင်းတွေကို ရိုဟင်ဂျာတွေအပေါ် ကျူးလွန်တဲ့ ရာဇဝတ်မှုတွေနဲ့ပတ်သက်ပြီး တရားစွဲဆိုခဲ့ပါတယ်။ ဒါဟာ ရိုဟင်ဂျာကိစ္စနဲ့ပတ်သက်လို့ ဒေါ်အောင်ဆန်းစုကြည် ပထမဆုံး တရားစွဲခံရတာ ဖြစ်ပါတယ်။

Ref: Aljazeera

Comments are closed.