1 year ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
2 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
2 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
2 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
2 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
2 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
2 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
2 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဒီဇင်ဘာ ၈၊ ၂၀၁၉
M-Media

-နိုင်ငံတောင်ပိုင်း တီလန်ဂါနာပြည်နယ်မှာ မုဒိမ်းကျင့် လူသတ်မှုနဲ့ သံသယရှိသူ ၄ ဦးကို ရဲတပ်ဖွဲ့က ပစ်သတ်ခဲ့တာကို အိန္ဒိယ လူ့အခွင့်အရေးကော်မရှင်က စုံစမ်းစစ်ဆေးဖို့ရှိနေပြီး ဒီသတ်ဖြတ်မှုဟာ ပြည်သူတွေရဲ့ ဝေဖန်မှုကို‌ လျော့ကျစေဖို့ လုပ်ဆောင်တာဖြစ်တယ်လို့ ဝေဖန်မှုတွေလည်း ရှိနေပါတယ်။

နိုဝင်ဘာလနှောင်ပိုင်းက အသက် ၂၇ နှစ်အရွယ်အမျိုးသမီးတစ်ဦးဟာ ဟိုက်ဒရာဘတ်မြို့ပြင်မှာ အုပ်စုဖွဲ့ အဓမ္မကျင့် သတ်ဖြတ်ခံခဲ့ရပြီး ကျူးလွန်သူတွေက သူမရဲ့အလောင်းကို မီးရှို့ဖျောက်ဖျက်ခဲ့ကြပါတယ်။ ဒီအဖြစ်အပျက်ကို မကျေနပ်တဲ့အတွက် ပြည်သူလူထုက ပြည်နယ်မြို့တော် ဟိုက်ဒရာဘတ်မှာ ဆန္ဒပြမှုတွေလည်း ရှိခဲ့ပါတယ်။

ရဲတပ်ဖွဲ့က သံသယရှိသူ ၄ ဦးကို ဖမ်းဆီးထားပြီး သူတို့တွေက ဒီအမှုကို ကျူးလွန်ခဲ့ကြောင်း ဝန်ခံခဲ့တယ်လို့ ဆိုပါတယ်။ သောကြာနေ့မနက်မှာတော့ အဲဒီ သံသယရှိသူတွေကို ရဲတပ်ဖွဲ့က ပစ်သတ်ခဲ့ပြီး အခင်းဖြစ်ပွားမှုကို ပြန်လည်သရုပ်ပြနေစဉ်မှာ ရဲတွေထံကနေ သေနတ်လုပြေးတဲ့အတွက် ပစ်ခတ်ခဲ့ရတာလို့ ရဲတပ်ဖွဲ့က ထုတ်ပြန်ပါတယ်။

ဒီသတင်းထွက်လာပြီးတဲ့နောက်ပိုင်းမှာ နိုင်ငံရေးသမားတွေ၊ နာမည်ကျော် အနုပညာရှင်တွေ၊ အားကစားသမားတွေနဲ့ ပြည်သူတွေက ဆိုရှယ်မီဒီယာမှာ ရဲတွေကို ချီးကျူးခဲ့ကြသလို မြေပြင်မှာလည်း ပန်းတွေ သွားရောက်ပေးပို့တဲ့အထိ ဖြစ်ခဲ့ပါတယ်။

ဒါပေမယ့် ရဲတပ်ဖွဲ့ရဲ့ ဒီလုပ်ရပ်အပေါ် ဝေဖန်မှုတွေလည်း ရှိခဲ့ပါတယ်။ အိန္ဒိယတရားရုံးချုပ် ရှေ့နေတစ်ဦးက ဒါဟာ သွေးအေးအေးနဲ့ လူသတ်မှုဖြစ်တယ်လို့ ပြောကြားခဲ့ပြီး နိုင်ငံတကာ လူ့အခွင့်အရေးအဖွဲ့ Amnesty International ကလည်း ‘တရားလက်လွတ် သတ်ဖြတ်မှု’ ဖြစ်ကာ စုံစမ်း စစ်ဆေးသင့်တယ်လို့ ပြောကြားခဲ့ပါတယ်။

လူတွေကို အက်စစ်နဲ့ လိုက်ပက်မှုအတွက် သံသယရှိသူ ၃ ဦးကို ၂၀၀၈ ခုနှစ်က တောထဲမှာ ပစ်သတ်ခဲ့မှုအပါအဝင် ဒီလိုသတ်ဖြတ်မှု ၂ ခုကို ကြီးကြပ်ခဲ့တဲ့ ရဲတပ်ဖွဲ့ဝင်တစ်ဦး ဒီကိစ္စမှာ ပါဝင်တယ်လို့ Indian Express က မနေ့မှာ ဖော်ပြခဲ့ပါတယ်။

သေဆုံးသွားသူတွေရဲ့ ရုပ်အလောင်းတွေကို တနင်္လာနေ့အထိထားပြီး ရင်ခွဲစစ်ဆေးမှုကို ဗီဒီယိုမှတ်တမ်းတင်ဖို့ တီလန်နာဂါပြည်နယ် တရားရုံးချုပ်က အမိန့်ထုတ်ထားပါတယ်။

အိန္ဒိယလူ့အခွင့်အရေးကော်မရှင်က ဒီလို သတ်ဖြတ်မှုမျိုးဟာ လူ့အဖွဲ့အစည်းကို မှားယွင်းတဲ့ သတင်းစကားတစ်ခု ပေးလိုက်တာဖြစ်ကြောင်း၊ ကျူးလွန်သူတွေကို တရားဥပဒေအတိုင်း စစ်ဆေးကာ သက်ဆိုင်ရာ တရားရုံးကသာ ပြစ်ဒဏ်ချရမှာဖြစ်ကြောင်း သောကြာနေ့ညပိုင်းက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ကော်မရှင်ဟာ မနေ့ကညပိုင်းက အခင်းဖြစ်ပွားရာနေရာကို သွားရောက်ကြည့်ရှုခဲ့ပြီး ဒီကိစ္စအတွက် စုံစမ်းစစ်ဆေးမှုကိုလည်း စတင်ဆောင်ရွက်နေပါတယ်။

Ref: AFP

Tags:

Comments are closed.