2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဒီဇင်ဘာ ၁၁၊ ၂၀၁၉
M-Media

-ရခိုင်ပြည်နယ်က ရိုဟင်ဂျာ လူ့အဖွဲ့အစည်းပေါ် ကျူးလွန်မှုနဲ့ပတ်သက်ပြီး ကာကွယ်ရေးဦးစီးချုပ်အပါအဝင် မြန်မာစစ်ခေါင်းဆောင် ၄ ဦးကို အမေရိကန်က အင်္ဂါနေ့မှာ ထပ်မံ ပိတ်ဆို့အရေးယူမှုတွေ ပြုလုပ်လိုက်ပါတယ်။

ပိတ်ဆို့အရေးယူခံရသူတွေဟာ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ ဒုတိယကာကွယ်ရေးဦးစီးချုပ် ဗိုလ်ချုပ်ကြီးစိုးဝင်း၊ ဗိုလ်မှူးချုပ် သန်းဦးနဲ့ ဗိုလ်မှူးချုပ် အောင်အောင်တို့ ဖြစ်ပါတယ်။ သူတို့ ၄ ဦးကို အမေရိကန်က ဇူလိုင်လမှာ ပိတ်ဆို့အရေးယူမှု လုပ်ဆောင်ခဲ့ပြီး ပြည်ဝင်ခွင့် ပိတ်ပင်ခဲ့တာ ဖြစ်ပါတယ်။

Global Magnitsky Human Rights Accountability Act အက်ဥပဒေအရ လုပ်ဆောင်တဲ့ အခု အရေးယူမှုဟာ အမေရိကန်မှာရှိနေတဲ့ ပိုင်ဆိုင်မှုတွေကို ထိန်းချုပ်ဖို့နဲ့ သူတို့နဲ့ စီးပွားရေးဆောင်ရွက်မှုတွေကို ရာဇဝတ်မှုအဖြစ် သတ်မှတ်တာဖြစ်ပါတယ်။ ဗိုလ်ချုပ်မှူးကြီးအပါအဝင် အရေးယူခံရတဲ့ စစ်ခေါင်းဆောင်တွေဟာ အမေရိကန်မှာ ပိုင်ဆိုင်မှုရှိလားဆိုတာ မသေချာပါဘူး။

“အပြစ်မဲ့ အရပ်သားတွေကို နှိပ်စက်ညှင်းပန်းတာ၊ ပြန်ပေးဆွဲတာ၊ လိင်အကြမ်းဖက်တာ၊ သတ်ဖြတ်တာ၊ ရက်စက်ကြမ်းကြုတ်မှုတွေ လုပ်ဆောင်တာတွေကို အမေရိကန်က သည်းခံခွင့်လွှတ်မှာ မဟုတ်ပါဘူး။ လူ့အခွင့်အရေး ချိုးဖောက်မှုကို တိုက်ဖျက်ရာမှာ အမေရိကန်ဟာ ကမ္ဘာမှာ ဦးဆောင်ဦးရွက်ပြုနေပြီး၊ ကျူးလွန်သူတွေ၊ ကျူးလွန်ဖို့ ခွင့်ပြုသူတွေကို ဘယ်နေရာမှာပဲဖြစ်ဖြစ် အရေးယူသွားမှာပါ” လို့ အမေရိကန် ဘဏ္ဍာရေးဝန်ကြီး စတီဗင်မူချင်က ပြောကြားခဲ့ပါတယ်။

၂၀၁၇ ခုနှစ်က ရိုဟင်ဂျာ ၇ သိန်းကျော် ဘင်္ဂလားဒေ့ရှ်ဖက် ထွက်ပြေးခဲ့ရတဲ့ မြန်မာစစ်တပ်ရဲ့ စစ်ဆင်ရေးမှာ အစုလိုက်အပြုံလိုက် သတ်ဖြတ်တာ၊ အဓမ္မကျင့်တာ၊ ရွာလုံးကျွတ်မီးရှို့တာတွေ ရှိတယ်ဆိုတဲ့ စွပ်စွဲချက်တွေ ထွက်ပေါ်ခဲ့ပြီး မြန်မာအစိုးရနဲ့ စစ်တပ်တို့ကတော့ ဒါတွေကို ငြင်းဆိုပါတယ်။

အမေရိကန်က စစ်သားတွေဟာ အုပ်စုဖွဲ့ပြီး အကြီးအကျယ်အဓမ္မကျင့်တာ၊ အခြား လိင်ပိုင်ဆိုင်ရာ ကျူးလွန်တာတွေ လုပ်ဆောင်တယ်ဆိုတဲ့ ‘ခိုင်မာတဲ့ သတင်း‌တွေ’ ရှိနေတယ်လို့ ထုတ်ပြန်ထားပါတယ်။ မြန်မာနိုင်ငံဟာ ဒီကိစ္စအတွက် လက်ရှိ နိုင်ငံတကာ ခုံသမာဓိရုံး (ICJ) မှာ အမှုရင်ဆိုင်နေရပါတယ်။

အမေရိကန် ဘဏ္ဍာရေးဝန်ကြီးဌာနက အခုလိုပိတ်ဆို့မှုအသစ် လုပ်ဆောင်လိုက်တာဟာ မြန်မာနိုင်ငံရဲ့ ဒီမိုကရေစီ အသွင်ကူးပြောင်းမှုကို ပံ့ပိုးကူညီဖို့ဖြစ်တယ်လို့ ပြောကြားခဲ့ပါတယ်။

Ref: Frontier Myanmar

Comments are closed.