5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဒီဇင်ဘာ ၁၁၊ ၂၀၁၉
M-Media

-၂၀၁၉ ခုနှစ်အတွင်း ဂျာနယ်လစ်တွေကို ဖမ်းဆီးအကျဉ်းချတဲ့ နိုင်ငံများစာရင်းမှာ တရုတ်နိုင်ငံက ထိပ်ဆုံးကို ရောက်လာပါတယ်။

အခုနှစ်အတွင်း တရုတ်နိုင်ငံက ဖမ်းဆီးအကျဉ်းချထားတဲ့ ဂျာနယ်လစ်အရေအတွက်ဟာ ၄၈ ဦး ရှိတယ်လို့ နယူးယောက်အခြေစိုက် Committee to Protect Journalists (CPJ) အဖွဲ့ရဲ့ ဒီကနေ့ထုတ်ပြန်ချက်မှာ ‌ဖော်ပြထားပါတယ်။ ဒါဟာ ပြီးခဲ့တဲ့နှစ်ကထက် ၁ ဦး ပိုများလာတာပါ။ သမ္မတရှီကျင့်ဖျင် တိုင်းပြည်ကို ပိုမိုချုပ်ကိုင်နိုင်ရေး ကြိုးစားလာပြီးတဲ့နောက် ဂျာနယ်လစ်တွေ ဖမ်းဆီးခံရမှု ပိုမိုမြင့်တက်လာတယ်လို့လည်း CPJ က ဆိုပါတယ်။

၂၀၁၉ ခုနှစ်အတွင်း ကမ္ဘာတစ်ဝှမ်း အနည်းဆုံး ဂျာနယ်လစ် ၂၅၀ လောက် ဖမ်းဆီးအကျဉ်းချခံခဲ့ရပြီး မနှစ်ကထက် ၅ ဦး လျော့နည်းသွားတာ ဖြစ်ပါတယ်။ ဂျာနယ်လစ်တွေကို ဖမ်းဆီးအကျဉ်းချမှု ဒုတိယအများဆုံး နိုင်ငံက တူရကီနိုင်ငံဖြစ်ပြီး ၄၇ ဦးရှိပါတယ်။ ဒါဟာ ပြီးခဲ့တဲ့နှစ်က ၆၈ ဦးထက် တော်တော်လေး လျော့သွားခဲ့တာပါ။

ဆော်ဒီနဲ့ အီဂျစ်တို့မှာ အကျဉ်းချခံရသူ ဂျာနယ်လစ် ၂၆ ဦးရှိပြီး၊ အီရစ်ထရီယာမှာ ၁၆ ဦး၊ ဗီယက်နမ်မှာ ၁၂ ဦးနဲ့ အီရန်မှာ ၁၁ ဦး အသီးသီးရှိနေပါတယ်။

အရှေအလယ်ပိုင်းမှာ အာဏာရှင်ဝါဒ၊ မတည်ငြိမ်မှုတွေနဲ့ ဆန္ဒပြမှုတွေကြောင့် ဂျာနယ်လစ်တွေ အကျဉ်းခံရမှု အရေအတွက်အတွက် မြင့်တက်လတာဖြစ်တယ်လို့လည်း CPJ က ပြောကြားခဲ့ပါတယ်။ အကျဉ်းချခံရတဲ့ ဂျာနယ်လစ်တွေရဲ့ ၈ ရာခိုင်နှုန်းဟာ အမျိုးသမီးတွေဖြစ်ပြီး ပြီးခဲ့တဲ့နှစ်က ၁၃ ရာခိုင်နှုန်းထက် ပိုမိုနည်းသွားတာပါ။

ဂျာနယ်လစ်တွေ ဖမ်းဆီးခံရတာဟာ နိုင်ငံရေး၊ လူ့အခွင့်အရေးနဲ့ ခြစားမှုတွေအကြောင်း ဖော်ထုတ်တင်ပြတဲ့အတွက် ဖြစ်တယ်လို့လည်း CPJ က ဆိုပါတယ်။ တစ်နှစ်တာအတွင်း ဂျာနယ်လစ်တွေ ဖမ်းဆီးအကျဉ်းချခံရမှုစာရင်းကို CPJ က ဒီဇင်ဘာ ၁ ရက်နေ့မှာ ပုံမှန်ထုတ်ပြန်လေ့ရှိပါတယ်။ ဒီစာရင်းမှာ ဖမ်းဆီးခံရပြီး ပြန်လွတ်သွားတဲ့ ဂျာနယ်လစ်တွေ၊ လက်နက်ကိုင်အဖွဲ့လို အစိုးရမဟုတ်တဲ့အဖွဲ့တွေက ဖမ်းဆီးထားတဲ့ ဂျာနယ်လစ်တွေ မပါဝင်ပါဘူး။

Ref: Reuters

Tags:

Comments are closed.