5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဒီဇင်ဘာ ၂၄၊ ၂၀၁၉
M-Media

ဖဇ်လီ ဟာဆန် အေဘဒ်

– ကမ္ဘာ့အကြီးဆုံး NGO တွေက တစ်ခုကို ထူထောင်ကာ နိုင်ငံအတွင်းက လူပေါင်း သန်း ၁၅၀ လောက်ကို ဆင်းရဲတွင်းကနေ ကယ်ထုတ်ပေးခဲ့တဲ့ ‌ဘင်္ဂလားဒေ့ရှ်နိုင်ငံသား ပရဟိတသမား ဖဇ်လီ ဟာဆန် အေဘဒ်ဟာ ပြီးခဲ့တဲ့တစ်ပတ်မှာ ကွယ်လွန်သွားခဲ့ပါတယ်။

အသက် ၈၃ နှစ်အရွယ်ရှိပြီဖြစ်တဲ့ ဖဇ်လီဟာ မြို့တော်ဒါကာက ဆေးရုံမှာ ဦးနှောက်ကင်ဆာရောဂါ ကုသမှု ခံယူနေစဉ် သောကြာနေ့က ကွယ်လွန်သွားခဲ့တာဖြစ်ပါတယ်။ ဈာပနအခမ်းအနားကို တနင်္ဂနွေနေ့က ကျင်ပခဲ့ပြီး နိုဘယ်ဆုရှင် မိုဟာမက် ယူနွတ်စ်၊ အစိုးရတာဝန်ရရှိသူတွေ၊ သံတမန်တွေ၊ စီးပွားရေးလုပ်ငန်းရှင်တွေအပါအဝင် လူပေါင်းသောင်းချီ လိုက်ပါပို့ဆောင်ခဲ့ပါတယ်။

ဖဇ်လီဟာ ၁၉၇၂ ခုနှစ်မှာ BRAC ဆိုတဲ့ ငွေချေးလုပ်ငန်းတစ်ခုကို ထူထောင်ခဲ့ပြီး ဘင်္ဂလားဒေ့ရှ်နိုင်ငံအတွင်းက ဆင်းရဲသူတွေ ကိုယ့်ခြေထောက်ပေါ်ကိုယ် ရပ်တည်နိုင်အောင် ကူညီပေးခဲ့ပါတယ်။ BRAC ကြောင့် ဘင်္ဂလားဒေ့ရှ်နိုင်ငံအတွင်း အလွန်အမင်း ဆင်းရဲမွဲတေသူ ပမာဏဟာ ၈၀ ရာခိုင်နှုန်းကနေ ၄၀ ရာခိုင်နှုန်းအထိ လျော့ကျသွားခဲ့ပါတယ်။

BRAC ဟာ ဘင်္ဂလားဒေ့ရှ်နိုင်ငံအပြင် အာရှနဲ့ အာဖရိက နိုင်ငံတစ်ချို့အထိပါ ချဲ့ထွင်နိုင်ခဲ့ပြီး အမေရိကန်သမ္မဟောင်း ဘီလ်ကလင်တန်၊ မိုက်ခရိုဆော့ဖ်ကို တည်ထောင်သူ ဘီလ်ဂိတ်တို့ အပါအဝင် ကမ္ဘာ့ ထိပ်တန်းပုဂ္ဂိုလ်တွေက ချီးကျူးရတဲ့အထိ ဖြစ်ခဲ့ပါတယ်။ ဘင်္ဂလားဒေ့ရှ်နိုင်ငံမှာ ဝန်ထမ်းပေါင်း ၁ သိန်းနဲ့ BRAC ကို လည်ပတ်နေတာ ဖြစ်ပါတယ်။

ဖဇ်လီရဲ့ ဒီကြိုးပမ်းအားထုတ်မှုကြောင့် ဘင်္ဂလားဒေ့ရှ်နိုင်ငံမှာ လူပေါင်း သန်း ၁၅၀ နီးပါးလောက် ဆင်းရဲတွင်းကနေ လွတ်မြောက်ခဲ့ပါတယ်။

ဖဇ်လီဟာ ၂၀၁၈ ခုနှစ်မှာ LEGO Prize ဆု၊ ၂၀၁၇ ခုနှစ်မှာ Laudato Si’ Award ဆု၊ ၂၀၁၆ ခုနှစ်မှာ Thomas Francis, Jr Medal in Global Public Health ဆု၊ ၂၀၁၅ ခုနှစ်မှာ World Food Prize ဆု၊ ၂၀၁၄ ခုနှစ်မှာ Spanish Order of Civil Merit ဆုနဲ့ Leo Tolstoy International Gold Medal ဆု၊ ၂၀၁၁ ခုနှစ်မှာ WISE Prize for Education ဆု တွေအပါ၀အင် ကမ္ဘာတစ်ဝှမ်းက ဆုတံဆိပ်ပေါင်း မြောက်များစွာ ရရှိခဲ့ပါတယ်။

ဘင်္ဂလားဒေ့ရှ်နဲ့ ကမ္ဘာတစ်ဝှမ်းက ဆင်းရဲမွဲတွေသူတွေကို ကူညီပေးခဲ့မှုအတွက် ဖဇ်လီကို ဗြိတိန်ဘုရင်မကြီးက ၂၀၀၉ ခုနှစ်မှာ Order of St Michael and St George ဘွဲ့ကို အပ်နှင်းခဲ့ပါတယ်။ ဖဇ်လီဟာ ပရင်စတန်တက္ကသိုလ်၊ အောက်စဖို့ဒ်တက္ကသိုလ်၊ ကိုလံဘီယာတက္ကသိုလ်နဲ့ ယေးလ်တက္ကသိုလ်တွေက ဂုဏ်ထူးဆောင်ဆုကိုလည်း ရရှိထားပါတယ်။

ဖဇ်လီရဲ့ BRAC အဖွဲ့ဟာ ကျန်းမာရေး၊ စိုက်ပျိုးရေး၊ ပညာရေးတို့အပါအဝင် ဘင်္ဂလားဒေ့ရှ်နိုင်ငံက ကဏ္ဍတော်တော်များများ တိုးတက်ကောင်းမွန်အောင်လည်း ကူညီပံ့ပိုးပေးနိုင်ခဲ့ပါတယ်။

Ref: AFP

Comments are closed.