5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇန်နဝါရီ ၁၄၊ ၂၀၂၀
M-Media

ဟိန္ဒူလက်ယာစွန်းသမားများ ဆန္ဒပြမှု မြင်ကွင်း

-အိန္ဒိယနိုင်ငံတောင်ပိုင်းမှာ ယေရှုခရစ်ဆင်းတုတော်တစ်ခု ထုလုပ်ထားရှိမယ့်အစီအစဉ်ကို ကန့်ကွက်တဲ့အနေနဲ့ ရာနဲ့ချီတဲ့ ဟိန္ဒူသဘောထားတင်းမာသူတွေက မနေ့မှာ ဆန္ဒပြခဲ့ကြပါတယ်။

ကာရ်နာတာကာ ပြည်နယ်က ခရစ်ယာန်ရွာတစ်ရွာရဲ့အလယ် တောင်ကုန်းတစ်ခုမှာ နှမ်းဖတ်‌ကျောက်တုံးနဲ့ ထုလုပ်ဖို့ စီစဉ်နေတဲ့ ခရစ်တော်ရုပ်ထုဟာ အမြင့် ၁၄၄ ပေရှိမှာဖြစ်ပါတယ်။ ဒါဟာ ဘရာဇီလ်းနိုင်ငံ ရီယိုဒီဂျနေရိုးမြို့က နာမည်ကျော် ခရစ်တော်ရုပ်တုထက် အနည်းငယ်သာသေးပြီး၊ အောက်ခြေကတော့ ပိုကြီးမှာ ဖြစ်ပါတယ်။

ရုပ်တုထုလုပ်မှုကို ပြီးခဲ့တဲ့လမှာ စတင်ခဲ့ပေမယ့် ကန့်ကွက်မှုတွေကြောင့် ရပ်ဆိုင်းထားရပါတယ်။

မနေ့က ကာရ်နာတာကာပြည်နယ် ‌ရာမာနာဂါရာခရိုင်မှာ ရာနဲ့ချီတဲ့ ဟိန္ဒူ သဘောထားတင်းမာသူတွေဟာ ဒီရုပ်တုကို ကန့်ကွက်ကြောင်း ဆန္ဒပြခဲ့ကြပါတယ်။ ဆန္ဒပြမှုကို ဟိန္ဒူလက်ယာစွန်းရောက်အဖွဲ့ RSS က ဦးဆောင်ပြုလုပ်တာဖြစ်ပါတယ်။

“ရုပ်တုကို ရပ်တန့်ချင်တယ်။ ဒါဟာ လူမှုသဟဇာတဖြစ်မှုနဲ့ ဆန့်ကျင်နေပြီး ခရစ်ယာန်သာသနာပြုအဖွဲ့တွေက အင်တိုက်အားတိုက် လုပ်ဆောင်နေတဲ့ ဘာသာကူးပြောင်းမှုကို အားပေးသလိုလည်း ဖြစ်နေပါတယ်” လို့ RSS အဖွဲ့က ထိပ်တန်းပုဂ္ဂိုလ် ပရဘ်ဟာကာဘတ်က ပြောကြားခဲ့ပါတယ်။

RSS အဖွဲ့ဟာ နာဇီတွေရဲ့ သဘောထားကို အားကျတဲ့အဖွဲ့တစ်ခု ဖြစ်တယ်လို့ မှတ်ယူခံထားရပြီး အာဏာရ ဟိန္ဒူအမျိုးသားရေးပါတီ BJP ရဲ့ မိခင်အဖွဲ့အစည်းလည်း ဖြစ်ပါတယ်။

ခရစ်တော်ရုပ်တုထားရှိမယ့် တောင်ကုန်းဟာ ဟိန္ဒူနတ်ဘုရားတစ်ခု တည်ရှိရာ ဗိမာန်ဖြစ်တယ်လို့ ဟိန္ဒူတွေက ယုံကြည်ထားကြပါတယ်။ ဒါပေမယ့် ဒီနေရာမှာ ဘာဘုရားကျောင်းမှ ရှိမနေပါဘူး။

BJP ပါတီဦးဆောင်တဲ့ ပြည်နယ်အစိုးရက အရင် ကွန်ဂရက်ပါတီအစိုးရလက်ထက်မှာ ဒီနေရာကို ခရစ်ယာန်တွေထံ တရားမဝင်ပေးခဲ့တယ်လို့ စွပ်စွဲထားပါတယ်။

အရင်ကလည်း တိုက်ခိုက်ခံရ

ဟိန္ဒူလူများစုဖြစ်တဲ့ အိန္ဒိယတစ်နိုင်ငံလုံးမှာ ခရစ်ယာန်ဘာသာဝင်တွေဟာ ၂ ရာခိုင်နှုန်းသာရှိပြီး လူဦးရေ ၆၅ သန်းရှိတဲ့ ကာရ်နာတာကာပြည်နယ်မှာတော့ ၁ ရာခိုင်နှုန်းအောက်သာ ရှိပါတယ်။

ဟိန္ဒူတွေကို ငွေကြေးအပါအဝင် နည်းလမ်းမျိုးစုံသုံးပြီး ဘာသာပြောင်းအောင် လုပ်ဆောင်နေတယ်ဆိုတဲ့ စွပ်စွဲချက်နဲ့ ၂၀၀၈ ခုနှစ်က ခရစ်ယာန်ဘာသာဝင်တွေနဲ့ ဘုရားကျောင်းတွေကို ပစ်မှတ်ထားတဲ့ တိုက်ခိုက်မှုတွေ ကာရ်နာတာကာပြည်နယ်မှာ ဖြစ်ပေါ်ခဲ့ပါတယ်။

ပြီးခဲ့တဲ့လကလည်း ပြည်နယ်အတွင်းက ခရစ်ယာန်ဘုရားဖူးအဖွဲ့တစ်ခုကို တိုက်ခိုက်မှုအတွက် ဟိန္ဒူအစွန်းရောက်အုပ်စုတစ်ခုက လူ ၆ ဦး အဖမ်းခံခဲ့ရပါတယ်။ ပြည်နယ်အစိုးရဟာ လူနည်းစုတွေအပေါ် ခွဲခြားမှုတွေ ရှိတယ်လို့ စွပ်စွဲခံထားရပါတယ်။

အိန္ဒိယနိုင်ငံမှာ လူနည်းစုတွေအပေါ် အကြမ်းဖက်တိုက်ခိုက်မှုတွေဟာ ဟိန္ဒူအမျိုးသားရေးပါတီ BJP အာဏာရခဲ့တဲ့ ၂၀၁၄ ခုနှစ်ကစလို့ သိသိသာသာ မြင့်တက်လာခဲ့တာ ဖြစ်ပါတယ်။

ပြီးခဲ့တဲ့နှစ် အမေရိကန်က နိုင်ငံတကာ ဘာသာရေးလွတ်လပ်မှုကော်မရှင်ရဲ့ အစီရင်ခံစာမှာ အိန္ဒိယနိုင်ငံအတွင်း ဟိန္ဒူမဟုတ်သူတွေနဲ့ ဇာတ်နိမ့်ဟိန္ဒူတွေအပေါ် အကြမ်းဖက်မှု၊ ခြိမ်းခြောက်မှု၊ အရှက်ရအောင် လုပ်မှုတွေ မြင့်တက်လာပြီး နိုင်ငံရဲ့ ဘာသာရေးလွတ်လပ်ခွင့်ဟာ ဆုတ်ယုတ်လာတယ်လို့ ဖော်ပြထားပါတယ်။

အိန္ဒိယအစိုးရကတော့ ဒီအစီရင်ခံစာကို ပယ်ချခဲ့ပါတယ်။

Ref: Aljazeera

Tags:

Comments are closed.