2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
2 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
2 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
2 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
2 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
2 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
2 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
2 years ago
ဘာသာေပါင္းစုံ ဆုေတာင္းပြဲ (ရုပ္သံ)

မတ် ၁၄၊ ၂၀၂၀
M-Media

ဗလီဝတ်ကျောင်းတော်အတွင်း ပိုးသတ်သန့်ရှင်းမှု ပြုလုပ်နေစဉ်

-ကမ္ဘာတစ်ဝှမ်း ပြန့်နှံ့နေတဲ့ ကိုရိုနာဗိုင်းရပ်စ် အန္တရာယ်ကို စိုးရိမ်တာ​ကြောင့် အရှေ့အလယ်ပိုင်းနိုင်ငံတွေမှာ ဝတ်ပြုဆုတောင်းမှုတွေ၊ ဘာသာရေးအခမ်းအနားတွေကို ကန့်သတ်တာ၊ ပိတ်ပင်တာတွေ လုပ်ဆောင်လာပါတယ်။

ကူဝိတ်နိုင်ငံမှာ သောကြာနေ့ ဝတ်ပြုဆုတောင်းမှုကို ဗလီမသွားဘဲ အိမ်မှာသာဝတ်ပြုဖို့ ဘာသာရေးအကြီးအကဲတွေက တိုက်တွန်းထားပါတယ်။ အီဂျစ်နိုင်ငံမှာတော့ သောကြာနေ့ဝတ်ပြုဆုတောင်းမှုမှာ လူဦးရေကန့်သတ်ဖို့နဲ့ တရားဒေသနာဟောကြားမှုကို ၁၅ မိနစ်ထက်မကျော်ဖို့ အမိန့်ထုတ်ပြန်ထားပါတယ်။ အီဂျစ်က ဗလီတွေမှာ တရားဒေသနာ ဟောကြားမှုဟာ အနည်းဆုံး ၁ နာရီလောက် ကြာမြင့်လေ့ရှိပါတယ်။

ကိုရိုနာဗိုင်းရပ်စ် ပြန့်နှံ့မှုကို အကြီးအကျယ် ခံစားနေရတဲ့ အီရန်နိုင်ငံရဲ့ မြို့ကြီးအားလုံးမှာ သောကြာနေ့ စုပေါင်း ဝတ်ပြုဆုတောင်းမှုကို ရပ်ဆိုင်းခဲ့ပါတယ်။ အီရန်နိုင်ငံမှာ လူ​တစ်သောင်းကျော်လောက် ကူးစက်နေပြီး သေဆုံးသူက ၄၀၀ ကျော် ရှိလာခဲ့ပြီ ဖြစ်ပါတယ်။ ကူးစက်ပြန့်နှံမှုနှုန်းဟာ အခုထက် ပိုမို များပြားလိမ့်မယ်လို့ သုံးသပ်မှုတွေလည်း ရှိနေပါတယ်။

ပါလက်စတိုင်းက နာမည်ကျော် အလ်-အက္ကဆွာဗလီရဲ့ ဂေါပကအဖွဲ့က သောကြာနေ့ ဝတ်ပြုဆုတောင်းမှုတွေမှာ ဗလီထဲကို စုပြုံတိုးဝင်တာမျိုးမလုပ်ဘဲ ဗလီအပြင်ဘက် ပရဝုဏ်အတွင်းမှာ လူချဲပြီးဝတ်ပြုကြဖို့ နှိုးဆော်ထားပါတယ်။

လူ ၈၀ လောက်ကူးပြီး ၈ ယောက်သေဆုံးထားတဲ့ အီရတ်နိုင်ငံမှာတော့ ဘာသာရေးအထွဋ်အမြတ် ကာရ်ဘာလာဒေသနဲ့ ကာ့ဒ်လူမျိုးတွေရဲ့ ဒေသတွေမှာ သောကြာနေ့ ဝတ်ပြုဆုတောင်းမှုတွေအားလုံးကို ရပ်ဆိုင်းလိုက်ပါတယ်။

လက်ဘနွန်က ရှီအာဗလီတွေမှာ သောကြာနေ့ဝတ်ပြုဆုတောင်းမှုကို ရပ်ဆိုင်းထားပြီး စွန္နီမွတ်စလင် အကြီးအကဲတွေက ဖျားနာနေသူတွေ သက်ကြီးရွယ်အိုတွေ၊ ကလေးငယ်တွေနဲ့ ကိုယ်ခံအားနည်းသူတွေ ဗလီမလာဘဲ အိမ်မှာသာ ဝတ်ပြုကြဖို့ တိုက်တွန်းထားပါတယ်။

ဆော်ဒီဟာ အခုလအစောပိုင်းမှာ အွမ္မရာ ဘုရားဖူးခရီးသွားမှုကို ခေတ္တရပ်ဆိုင်းလိုက်ပြီး၊ မက္ကာက မတ်စ်ဂျစ်ဒ်ဟရမ် ဗလီနဲ့ မဒီနာက တမန်တော်မြတ်ဗလီတွေထံ နိုင်ငံခြားသားတွေလာရောက်လည်ပတ်မှုကိုလည်း ပိတ်ပင်လိုက်ပါတယ်။

ကိုရိုနာ ဗိုင်းရပ်စ်သစ်ဟာ ကမ္ဘာတစ်ဝှမ်း လူပေါင်း ၁၃၀၀၀၀ ကျော်လောက်ကို ကူးစက်ပြန့်နှံ့နေပြီး သေဆုံးသူ အရေအတွက်ကတော့ ၄၇၀၀ ကျော် ရှိလာပြီ ဖြစ်ပါတယ်။

Ref: Aljazeera

Comments are closed.