5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

မတ် ၁၈၊ ၂၀၂၀
M-Media

(ဓာတ်ပုံ – အင်ဒိုနီးရှားနိုင်ငံ ဂျကာတာမြို့မြင်ကွင်း)
  • အင်ဒိုနီးရှားနိုင်ငံမှာ ဒီကနေ့ ဗိုင်းရပ်စ်ကူးစက်သူ ၅၅ ဦးရှိခဲ့ပြီး ဒါဟာ တစ်ရက်အတွင်း စံချိန်တင်ပမာဏလည်း ဖြစ်ပါတယ်။ ဒါ့ကြောင့် ကူးစက်သူစုစုပေါင်း ၂၂၇ ဦး ရှိလာတာပါ။ သေဆုံးသူကတော့ ၁၉ ဦး ရှိလာပါပြီ။ ဗိုင်းရပ်စ်ပျောက်ကင်းပြီး ဆေးရုံကနေဆင်းရသူကတော့ ၁၁ ဦး ရှိခဲ့ပါတယ်။ ဗီယက်နမ်နိုင်ငံမှာ မနေ့က အသက် ၃၆ နှစ်အရွယ် အမျိုးသားတစ်ဦးမှာ ဗိုင်းရပ်ကူးစက်နေတာကို တွေ့ရပြီး စုစုပေါင်း ကူးစက်သူအရေအတွက်က ၆၇ ဦးအထိ ရှိလာပြီဖြစ်ပါတယ်။ ထိုင်းနိုင်ငံမှာ မနေ့က ၃၅ ဦး ထပ်မံကူးစက်ခဲ့ပြီး စုစုပေါင်း ကူးစက်သူအရေအတွက်က ၂၁၂ ဦး ရှိလာတာပါ။ အဲဒီအထဲမှာ ၄၂ ဦးက ဆေးရုံကနေ ဆင်းသွားပြီ ဖြစ်ပါတယ်။
  • အမေရိကန်ပြည်ထောင်စု ဗာဂျီးနီးယားပြည်နယ်မှာ ဗိုင်းရပ်စ်ကူးစက်နေသူတစ်ဦးကို မနေ့က တွေ့ခဲ့ရတာကြောင့် ပြည်နယ် ၅၀ စလုံးကို ပြန့်နှံ့သွားပြီဖြစ်ပါတယ်။ ဒီပြဿနာကြောင့် စီးပွားရေးအခက်တွေ့နေတဲ့ မိသားစုတွေထဲ ငွေကြေးထောက်ပံ့မှု ပြုလုပ်သွားမယ်လို့ သမ္မတ ဒေါ်နယ်ထရမ့်က ပြောကြားခဲ့ပါတယ်။
  • အီရန်မှာ ဗိုင်းရပ်စ်ကြောင့် သေဆုံးသူအရေအတွက်ဟာ ၈၅၃ ဦး ရှိလာခဲ့ပြီး ကူးစက်သူအရေအတွက်ကတော့ ၁၄၉၉၁ ဦး ရှိလာပြီ ဖြစ်ပါတယ်။ ဗိုင်းရပ်ကူးစက်ပြန့်နှံ့မှုကို တားဆီးဖို့အတွက် နိုင်ငံရေးအကျဉ်းသားအပါအဝင် အကျဉ်းသား ၈၅၀၀၀ လောက်ကိုလည်း အကျဉ်းထောင်တွေထဲကနေ လွှတ်ပေးလိုက်ပါတယ်။
  • ဂျော်ဒန်နိုင်ငံမှာ ဗိုင်းရပ်စ်ပြန့်နှံ့မှုကို တားဆီးဖို့အတွက် မနေ့က အရေးပေါ်အခြေအနေ ကြေငြာခဲ့ပါတယ်။ ပြီးခဲ့တဲ့တစ်ပတ်က တစ်နိုင်ငံလုံးကို တံခါးပိတ်ပြီး သွားလာလှုပ်ရှားမှုကို ကန့်သတ်ခဲ့ပါတယ်။ ကူးစက်သူ ၃၃ ဦး ရှိနေတဲ့ အိုမန်နိုင်ငံမှာ ကုန်စုံဆိုင်နဲ့ ဆေးဆိုင်ကလွဲလို့ ရှော့ပင်းမောလ်တွေ၊ စားသောက်ဆိုင်တွေ၊ အလည်အပတ်နေရာတွေ၊ ဘာသာရေးအဆောက်အဦးတွေအားလုံးကို မနေ့မှာ ပိတ်ပစ်လိုက်ပါတယ်။ ကာတာနိုင်ငံမှာလည်း ကူးစက်သူအရေအတွက်ဟာ ၄၄၂ ဦးအထိ ရှိလာခဲ့ပြီး အစားအသောက်နဲ့ ဆေးဝါးဆိုင်ကလွဲလို့ အားလုံးကို ပိတ်ထားလိုက်ပါတယ်။
  • COVID-19 ပြန့်နှံ့မှုကို တားဆီးနိုင်ဖို့အတွက် ဥရောပသမဂ္ဂနိုင်ငံတွေက သူတို့ရဲ့ နယ်စပ်တွေကို ပိတ်ထားလိုက်ပါတယ်။ ဥရောပဟာ ဗိုင်းရပ်စ်ကူးစက်ပြန့်နှံ့တဲ့ အဓိကနေရာဖြစ်လာခဲ့ပြီး အီတလီက ဒီဒဏ်ကို အဆိုးဝါးဆုံး ခံစားနေရတာပါ။ အီတလီမှာ ကူးစက်သူအရေအတွက်ဟာ ၃၁၅၀၆ ဦး ရှိလာပြီး သေဆုံးသူကတော့ ၂၅၀၃ ဦး ရှိလာပါတယ်။ ဥရောပသမဂ္ဂဥက္ကဌ Ursula von der Leyen က လက်ရှိမှာ ဒီဗိုင်းရပ်စ်က ရန်သူသဘောမျိုးဖြစ်လာပြီး ပြည်သူတွေကို ကာကွယ်ဖို့အတွက် အစွမ်းကုန် လုပ်ဆောင်သွားမယ်လို့ ပြောကြားခဲ့ပါတယ်။
  • ဗိုင်းရပ်စ်ပြန့်နှံ့မှုကို ကာကွယ်တားဆီးရေး အရှေ့တောင်အာရှနိုင်ငံတွေအနေနဲ့ ပိုမိုအားထုတ်ကြိုးပမ်းဆောင်ရွက်ဖို့ လိုအပ်တယ်လို့ ကမ္ဘာ့ကျန်းမာရေးအဖွဲ့ WHO က သတိပေးလိုက်ပါတယ်။မလေးရှားမှာ နိုင်ငံသား ၁၅၀၀၀ လောက်နဲ့ နိုင်ငံခြားသား ၁၀၀၀ လောက် တက်ရောက်တဲ့ အစ္စလာမ်ဘာသာရေးအခမ်းအနားကနေတစ်ဆင့် ဗိုင်းရပ်စ် ပြန့်နှံ့မှုဒဏ်ကို အရှေ့တောင်အာရှနိုင်ငံတွေက လတ်တလော ခံစားနေရပါတယ်။
  • WHO ရဲ့ အရှေ့တောင်အာရှဆိုင်ရာ ဒါရိုက်တာ Poonam Khetrapal Singh က ဗိုင်းရပ်စ်ပြန့်နှံ့ရာ နေရာအသစ်တွေကို တွေ့နေရပြီး ဒီအတွက် မြန်မြန်ဆန်ဆန်နဲ့ ထိထိရောက်ရောက် တုန့်ပြန်ဖို့ လိုအပ်တယ်လို့ ပြောကြားခဲ့ပါတယ်။ အရှေ့တောင်အာရှမှာ မလေးရှားနိုင်ငံဟာ ဗိုင်းရပ်စ်ပြန့်နှံ့မှုဏ်ကို အကြီးအကျယ်ခံစားနေရပြီး မတ်လ ၁၇ ရက်နေ့အထိ ကူးစက်သူ ၇၀၀ နီးပါး သေဆုံးသူ ၂ ဦး ရှိနေကာ တစ်နိုင်ငံလုံးကိုလည်း ၂ ပတ်ကြာ တံခါးပိတ်ထားပါတယ်။
  • ဂျပန်နိုင်ငံ Fujifilm Holdings ကုမ္ပဏီကထုတ်လုပ်တဲ့ တုပ်ကွေးပျောက်ဆေးဟာ COVID-19 ဗိုင်းရပ်စ်ကို တိုက်ဖျက်ရာမှာ ထိရောက်မှုရှိတယ်လို့ တရုတ်အစိုးရက အင်္ဂါနေ့မှာ ပြောကြားလိုက်ပါတယ်။ Favipiravir ဆေးအမျိုးအစားဖြစ်ပြီး Avigan အမည်နဲ့ ရောင်းချတဲ့ အဲဒီဆေးကို တရုတ်နိုင်ငံ ဂွမ်ဒုန်းပြည်နယ် ရှန်ဇန်းဆေးရုံမှာ စမ်းသပ်ခဲ့ပြီး ဒီဆေးထိုးနှံခဲ့တဲ့ လူနာတွေဟာ တစ်ခြားလူနာတွေထက် ဗိုင်းရပ်စ်မြန်မြန်ဆန်ဆန် ကင်းစင်သွားတာကို တွေ့ခဲ့ရပါတယ်။ အဲဒီဆေးကို ၂၀၁၄ ခုနှစ်ကတည်းက ထုတ်လုပ်ခဲ့တာပါ။ တရုတ် ဇီ၀နည်းပညာ ဖွံ့ဖြိုးတိုးတက်ရေး အမျိုးသားစင်တာရဲ့ သိပ္ပံဌာန ညွှန်ကြားရေးမှူး Zahang Zinmin က ဒီဆေးဟာ အန္တရာယ်အလွန်ကင်းပြီး ကုသမှုမှာလည်း ထိရောက်တယ်ဆိုတာ တွေ့ခဲ့ရတယ်လို့ ပြောကြားခဲ့ပါတယ်။

Ref: Nikkei Asian

#mmHelthNews

Comments are closed.