2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
2 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
2 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဧပြီ ၂၊ ၂၀၂၀
M-Media

-နိုင်ငံတကာမှာ ကိုရိုနာဗိုင်းရပ်စ် အကြီးအကျယ် ပြန့်နှံ့နေတာကြောင့် အခုနှစ် ဟဂျ်ဘုရားဖူးလာရောက်မယ့် အစီအစဉ်တွေကို လောလောဆယ်ရပ်ဆိုင်းထားကြဖို့နဲ့ အခြေအနေတွေ ရှင်းရှင်းလင်းလင်းဖြစ်တဲ့အထိ စောင့်ဆိုင်းကြဖို့ ကမ္ဘာတစ်ဝှမ်းက အစ္စလာမ်ဘာသာဝင်တွေကို ဆော်ဒီအာရေဗျက မနေ့မှာ တိုက်တွန်းလိုက်ပါတယ်။

ဟဂျ်ဘုရားဖူးခရီးစဉ်ဟာ အစ္စလာမ်သာသနာရဲ့ အဓိကမဏ္ဍိုင် ၅ ခုထဲက တစ်ခုဖြစ်ပြီး သန်းနဲ့ချီတဲ့ အစ္စလာမ်ဘာသာဝင်တွေဟာ ဆော်ဒီအာရေဗျ​က မက္ကာနဲ့ မဒီနာမြို့တွေမှာရှိတဲ့ မြင့်မြတ်ရာနေရာတွေမှာ နှစ်စဉ် သွားရောက်ပြီး ဝတ်ပြုဆုတောင်းကြတာပါ။ အခုနှစ် ဟဂျ်ကာလဟာ ဇူလိုင်လမှာ ကျရောက်မှာဖြစ်ပါတယ်။

ဆော်ဒီဟာ လက်ရှိမှာ အွမ္မရာဘုရားဖူးခရီးစဉ်ကို ပိတ်ထားပြီး ခရီးစဉ်အတွက် ငွေကြိုပေးထားသူတွေကိုလည်း ငွေပြန်အမ်းခဲ့ပါတယ်။ ဟဂျ်နဲ့ အွမ္မရာရေးရာဝန်ကြီး မိုဟာမက် ဘန်တန်က ဟဂျ်ဘုရားဖူးခရီးစဉ်အတွက် စီစဉ်နေမှုကို ခေတ္တရပ်ဆိုင်းထားကြဖို့ ကမ္ဘာ့မွတ်စလင်လူထုကို မနေ့မှာ ပန်ကြားခဲ့ပါတယ်။

“အခြေအနေတွေ ရှင်းရှင်းလင်းလင်းဖြစ်တဲ့အထိ စောင့်ဆိုင်းကြဖို့ ကမ္ဘာ့ မွတ်စလင်ညီအစ်ကို မောင်နှမတွေကို ကျွန်တော် တိုက်တွန်းချင်ပါတယ်”

ဆော်ဒီမှာ ဧပြီလ ၁ ရက်နေ့ကအထိ COVID-19 ကူးစက်သူအရေအတွက်ဟာ ၁၅၀၀ ကျော်လာခဲ့ပြီး သေဆုံးသူ ၁၀ ဦး ရှိနေပါတယ်။ အစ္စလာမ်သာသနာရဲ့ မြင့်ရာဝတ်ကျောင်းတော်တွေ၊ နေရာတွေရှိတဲ့ မက္ကာနဲ့ မဒီနာမြို့တွေကိုလည်း ဆော်ဒီက တံခါးပိတ်ထားပါတယ်။

“အခုလိုအခြေအနေမျိုးမှာ ကျွန်တော်တို့ဟာ ကမ္ဘာ့ကပ်ရောဂါအကြောင်းကို ပြောဆိုဆွေးနွေးနေရတာပါ။ လူသားအားလုံးကို ဒီရောဂါကနေ ကာကွယ်ပေးပါစေလို့လည်း ဘုရားသခင်ထံတော်ပါးမှာ ဆုမွန်ကောင်းတောင်းပါတယ်။ နိုင်ငံသားတွေနဲ့ မွတ်စလင်တွေရဲ့ ကျန်းမာရေးကို ကာကွယ်စောင့်ရှောက်ဖို့ ဆော်ဒီက ဆောင်ရွက်သွားမှာပါ” လို့ မိုဟာမက် ဘန်တန်က ထည့်သွင်းပြောဆိုခဲ့ပါတယ်။

Ref: Bloomberg

Comments are closed.