2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇွန် ၁၉၊ ၂၀၂၀
M-Media

-အင်္ဂလန် ပရီးမီးယားလိဂ် ဘောလုံးလောကမှာ အခုတစ်ပတ်ဟာ ပရဟိတကာလလို့ ပြောလို့ရပါတယ်။

မန်ယူတိုက်စစ်မှူး ရက်ရှ်ဖို့ဒ်တစ်ယောက် နိုင်ငံတစ်ဝှမ်း စာသင်ကျောင်းတွေက ချို့တဲ့တဲ့ ကလေးတွေကို အစားအသောက် ကျွေးမွေးရေး လှုပ်ရှားမှု စတင်ခဲ့သလို၊ အခြား အင်္ဂလန်ကစားသမားတွေဖြစ်တဲ့ လီဗာပူးလ် အသင်းခေါင်းဆောင် ဂျော်ဒန် ဟန်ဒါဆန်၊ မန်ယူနောက်ခံလူ ဟယ်ရီ မက်ဂွီရီတို့ကလည်း ကိုဗစ်တိုက်ဖျက်နေရတဲ့ ကျန်းမာရေးဝန်ထမ်းတွေ၊ ချို့တဲ့ မိသားစုဝင်တွေကို ကူညီထောက်ပံ့ရေးလုပ်ငန်းတွေ လုပ်ဆောင်ခဲ့ကြပါတယ်။

ဘောလုံးသားတွေရဲ့ ဒီလုပ်ရပ်အတွက် ပရိတ်သတ်တွေရော၊ မီဒီယာတွေကပါ ချီးကျူးဂုဏ်ပြုခဲ့ကြပါတယ်။

အင်္ဂလန်ဘောလုံးလောကမှာ အလှူရေစက် လက်နဲ့မကွာ လှူကြ၊ တန်းကြတဲ့ ထိပ်တန်း ကစားသမား ၃ ဦးလည်း ရှိနေပါသေးတယ်။

၁။ ဝီလ်ဖရိုင်း ဇာဟာ

“လူတွေကိုကူညီဖို့ ဘုရားသခင်က ကျွန်တော့်ကို အခွင့်အရေး ပေးထားပါတယ်”

ခရစ္စတယ်ပဲလေ့စ်အသင်းရဲ့ တိုက်စစ်မှူး အသက် ၂၇ နှစ်အရွယ် ဇာဟာရဲ့ မှတ်ချက်ပါ။

တစ်ပတ်ကို လုပ်ခလစာ ပေါင် ၁ သိန်း ၃ သောင်းလောက်ရပြီး ပေါင်းသန်း ၈၀ လောက် ကြွယ်၀ချမ်းသာတဲ့ ဇာဟာဟာ အိုက်ဗရီကို့စ်မှာမွေးဖွားခဲ့သူပါ။ အသက် ၄ နှစ်အရွယ်မှာ လန်ဒန်တောင်ပိုင်းကို မိသားစုနဲ့အတူ ပြောင်းလာခဲ့ပြီး ခက်ခဲတဲ့ဘ၀ကို ကျော်ဖြတ်ခဲ့ရပါတယ်။

လက်ရှိမှာ Zaha Foundation အမည်နဲ့ ပရဟိတအဖွဲ့တစ်ခုကို ဖွဲ့ထားပြီး လုပ်ခလစာရဲ့ ၁၀ ရာခိုင်နှုန်းကို အပတ်စဉ် လှူဒါန်းနေပါတယ်။

သူ့ရဲ့ ပရဟိတအဖွဲ့ဟာ အိုက်ဗရီကို့စ်နိုင်ငံမှာ မိဘမဲ့ဂေဟာတစ်ခု တည်ထောင်ထားပြီး ကလေးငယ် ၁၀၀ လောက် ပြုစုစောင့်ရှောက်ကာ ပညာသင်ပေးနေပါတယ်။ ဒါ့အပြင် မုဆိုးမတွေအတွက် အကူအညီပေးရေး အစီအစဉ်ကိုလည်း လုပ်ဆောင်နေပါတယ်။

ကိုရိုနာဗိုင်းရပ်စ် ပြန့်နှံ့တဲ့ ကာလမှာ အိမ်မှာနေထိုင်နေရသူတွေအတွက်
ဇာဟာဖောင်ဒေးရှင်းက စားနပ်ရိက္ခာတွေ ထောက်ပံ့ပေးခဲ့ပါတယ်။

သူနေထိုင်ရာ လန်ဒန်မြို့တောင်ပိုင်းက ပရဟိတလုပ်ငန်းတွေမှာလည်း
ဇာဟာတစ်ယောက် ပါဝင်လုပ်ဆောင်နေပါတယ်။

ခရစ္စတန်တယ်ပဲလေ့စ်အသင်းက ထူထောင်ထားပြီး လေလွင့်ကလေးငယ်တွေကို စောင့်ရှောက်ကာ ​ပညာသင်ပေးနေတဲ့ DIVERT Programme အစီအစဉ်မှာ ဇာဟာက တက်တက်ကြွကြွ ပါဝင်နေပါတယ်။

“ဘောလုံးပါရမီပါတဲ့အတွက် ကျွန်တော်ဟာ ကံကောင်းတယ်လို့ ပြောလို့ရပါတယ်။ ဒါပေမယ့် လူတော်တော်များများကတော့ ​လမ်းပျောက်နေကြပါတယ်။ ဒါ့ကြောင့်ပဲ ကျွန်တော် ပြန်လည် ဖေးမနေတာပါ”

၂။ မိုဟာမက် ဆာလာဟ်

သူ့ရဲ့ဂိုးနဲ့ အီဂျစ်အသင်း ၂၀၁၈ ကမ္ဘာ့ဖလား ခြေစစ်ပွဲအောင်တဲ့အချိန် ခမ်းနားတဲ့အိမ်ကြီးတစ်လုံး လက်ဆောင်ပေးမယ်လို့ အစိုးရက ကမ်းလှမ်းတဲ့အခါ ငြင်းပယ်ပြီး ငွေသားတောင်းကာ သူမွေးဖွားရာရွာက လူတွေအတွက် လှူဒါန်းခဲ့သူက မိုဟာမက် ဆာလာဟ်ပဲ ဖြစ်ပါတယ်။

ပေါင် ၃၇၀၀၀၀ လောက်ရှိတဲ့ သူ့ရဲ့ထောက်ပံ့ငွေကြောင့် မွေးရပ်မြေကသူတွေဟာ သန့်ရှင်းတဲ့ သောက်သုံးရေကို ရရှိခဲ့ကြပါတယ်။

ဘာသာရေးကိုင်းရှိုင်းတဲ့ ဆာလာဟ်ဟာ ညာဖက်လက်ကလှူတာကို ဘယ်ဖက်လက်က မသိစေရတဲ့ လူမျိုးပါ။ ပြီးခဲ့တဲ့နှစ်အတွင်း အီဂျစ်က ကင်ဆာရောဂါတိုက်ဖျက်ရေးအဖွဲ့ကို စုစုပေါင်း ပေါင် ၂.၅ သန်း လှူဒါန်းခဲ့ပါတယ်။

အီဂျစ်မှာ အကူအညီပေးရေး ဖောင်ဒေးရှင်းတစ်ခုလည်း တည်ထောင်ထားပြီး ချို့တဲ့တဲ့ မိသားစု ၄၀၀ လောက်ကို ပုံမှန် ငွေကြေးထောက်ပံ့ပေးနေပါတယ်။

ကိုဗစ်ကပ်ရောဂါကာလအတွင်း အင်္ဂလန် ကျန်းမာရေးဝန်ထမ်းတွေအတွက် ရန်ပုံငွေရှာဖွေပွဲမှာ ဆာလာတစ်ယောက် ပါဝင်ခဲ့သလို၊ ဒုက္ခသည်ကျောင်းသားတွေ ဒစ်ဂျစ်တယ်ပညာရေး ရရှိအောင် Vodafone နဲ့ UNHCR တို့ရဲ့ အစီအစဉ်မှာလည်း သံတမန်တစ်ဦး ဖြစ်ပါတယ်။

လက်ရှိမှာ တစ်ပတ်လုပ်ခ ပေါင် ၂ သိန်းလောက်ရနေတဲ့ မိုဟာမက် ဆာလာဟ်ရဲ့ ငယ်ဘ၀ဟာ ပန်းခင်းသော လမ်းမဟုတ်ခဲ့ဘဲ အခက်အခဲအမျိုးမျိုးကို ကျော်ဖြတ်ကာ ဒီအဆင့်အထိ တက်လှမ်းခဲ့ရတာ ဖြစ်ပါတယ်။

သူ့ရဲ့ ချစ်စရာအကောင်းဆုံး ဆောင်ရွက်မှုတွေထဲက တစ်ခုကတော့ ၂၀၁၃ ခုနှစ်က ငယ်ချစ်မာဂီနဲ့ အီဂျစ်မှာ ပြန်ပြီး လက်ထပ်တဲ့အချိန် မွေးရပ်ရွာက ရွာသား ၁ ထောင်​ကျော်ကို တခုတ်တရ မင်္ဂလာပွဲ ဖိတ်ခဲ့တာ ဖြစ်ပါတယ်။

၃။ ဂျူအန် မာတာ

မာတာဟာ ပရီးမီးယားလိဂ်ဘောလုံးလောကကို ပရဟိတမျိုးစေ့ ချပေးသူ ဖြစ်ပါတယ်။

ဘောလုံးသမားတွေအနေနဲ့ သူတို့ရဲ့လုပ်ခလစာ ၁ ရာခိုင်နှုန်းကို ပုံမှန်လှူဒါန်းရတဲ့ Common Goal ပရဟိတအဖွဲ့ကို လွန်ခဲ့တဲ့ ၃ နှစ်အရင်က မာတာကိုယ်တိုင် စတင်တည်ထောင်ခဲ့တာပါ။

လက်ရှိမှာတော့ အဖွဲ့ဝင် ၁၅၀ အထိ ရှိလာခဲ့ပြီး လှူဒါန်းငွေကလည်း ပေါင် ၁.၈ သန်း ရှိလာပြီဖြစ်ပါတယ်။ Covid-19 အတွက်လည်း ဒီအဖွဲ့ဟာ သီးသန့် ပေါင် ၂ သိန်း ၇ သောင်း လှူဒါန်းခဲ့ပါသေးတယ်။

၂၀၁၇ ခုနှစ် အိန္ဒိယနိုင်ငံ မွမ်ဘိုင်းမြို့ကို ရောက်သွားတဲ့အချိန် ပျံကျရပ်ကွက်တွေမှာ ကလေးငယ်တွေ ချို့ချို့တဲ့တဲ့နဲ့ ဘောလုံးကစားနေတာကိုကြည့်ပြီး ဖောင်ဒေးရှင်းထူထောင်ဖို့ အကြံရခဲ့တာလို့ မာတာက ပြောပါတယ်။

Ref: The Sun

Comments are closed.