2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
2 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇူလိုင် ၁၉၊ ၂၀၂၀
M-Media

-ဖေဖော်ဝါရီလက မြို့တော်ဒေလီမှာဖြစ်ပွားခဲ့တဲ့ မွတ်စလင်ဆန့်ကျင်ရေး တိုက်ခိုက်မှုမှာ ရဲတပ်ဖွဲ့က ကျူးလွန်ခံရသူတွေကို ထိထိရောက်ရောက် ကာကွယ်မပေးခဲ့ဘူးလို့ အိန္ဒိယအစိုးရက ခန့်အပ်ထားတဲ့ လူနည်းစုအခွင့်အရေးမြှင့်တင်ရေးကော်မရှင်က ပြောကြားလိုက်ပါတယ်။

အခြေခံဥပဒေနဲ့ မကိုက်ညီတဲ့ နိုင်ငံသားဥပဒေ ပြင်ဆင်ချက်နဲ့ပတ်သက်ပြီး ​ဒေလီမှာ ငြိမ်းချမ်းစွာ ဆန္ဒပြတဲ့လူတွကို အာဏရ ဟိန္ဒူအမျိုးသားရေးပါတီ BJP ကို ထောက်ခံတဲ့ သူတွေက တိုက်ခိုက်ရာကနေ အဓိကရုဏ်း ဖြစ်ပေါ်ခဲ့တာပါ။

ဒေလီကမွတ်စလင်တွေကို ပစ်မှတ်ထားတဲ့ တိုက်ခိုက်မှုအတွင်း အနည်းဆုံး လူ ၅၃ ဦး သေဆုံးခဲ့သလို ၂၀၀ ကျော် ဒဏ်ရာရခဲ့ပါတယ်။ ဒါဟာ ၁၉၈၄ ခုနှစ် ဟိန္ဒူ-ဆစ်ခ် အဓိကရုဏ်းမှာ ဆစ်ခ်လူမျိုး ၃ ထောင်ကျော် အသတ်ခံရမှုနောက်ပိုင်း ဒေလီမှာ အဆိုးဝါးဆုံး လူမျိုးစုအဓိကရုဏ်းလည်း ဖြစ်ပါတယ်။

ဒေလီလူနည်းစုရေးရာကော်မရှင် DMC ရဲ့ ကြာသာပတေးနေ့က ထုတ်ပြန်တဲ့ အစီရင်ခံစာမှာ ဗလီ ၁၁ လုံး၊ အစ္စလာမ်ဘာသာရေးစာသင်ကျောင်း ၅ ခု၊ မွတ်စလင်သူတော်စဉ် ဂူဗိမာန်တစ်ခုနဲ့ မွတ်စလင် သုဿာန်တစ်ခု တိုက်ခိုက်ခံခဲ့ရတယ်လို့ ဒီအစီရင်ခံစာမှာ ဖော်ပြထားပါတယ်။

တိုက်ခိုက်သူတွေဟာ မွတ်စလင်တွေရဲ့ အိမ်တွေ၊ စီးပွားရေးလုပ်ငန်းတွေ၊ ဝတ်ပြုရာအဆောက်အဦးတွေ၊ စီးနင်းတဲ့ယာဉ်တွေကို သီးသန့် ရွေးချယ်ဖျက်ဆီးခဲ့ကြပြီး ရဲတပ်ဖွဲ့က ထိထိရောက်ရောက် မတားဆီးဘူးလို့ DMC က ဆိုပါတယ်။

ကျူးလွန်သူတွေကို ဖမ်းဆီးရမယ့်အစား ရဲတပ်ဖွဲ့ဟာ မွတ်စလင်တွေကို ပစ်မှတ်ထား ဖမ်းဆီးတယ်လို့ အစီရင်ခံစာမှာ ထည့်သွင်းဖော်ပြထားပါတယ်။ ဒေလီရဲတပ်ဖွဲ့က ဒီအချက်ကို ငြင်းဆိုခဲ့ပြီး ဒီကိစ္စနဲ့ပတ်သက်လို့ စုံစမ်းရေးအဖွဲ့ ၃ ဖွဲ့ ဖွဲ့စည်းထားကာ တိုင်ကြားမှုတွေကို ဆက်လက်လက်ခံနေတယ်လို့ တုန့်ပြန်ခဲ့ပါတယ်။

​မွတ်စလင်တွေကို ပစ်မှတ်ထားတဲ့ တိုက်ခိုက်မှုတွေ ဖြစ်ပေါ်လာအောင် မီးထိုးပေးသူတွေထဲမှာ ဒေလီလွှတ်တော်အမတ်ဟောင်း ကာပီလ် မစ်ရှ်ရာအပါအဝင် အာဏာရပါတီ BJP က အကြီးတန်းခေါင်းဆောင်တွေ ပါဝင်ခဲ့တယ်လို့လည်း DMC က အစီရင်ခံစာမှာ ထောက်ပြထားပါတယ်။ BJP ပါတီပြောရေးဆိုခွင့်ရှိသူက ဒီအချက်ကို ငြင်းဆိုခဲ့ပါတယ်။

Ref: Aljazeera

Comments are closed.