5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဩဂုတ် ၁၃၊ ၂၀၂၀
M-Media

ယူအေအီးနှင့် အစ္စရေး ခေါင်းဆောင် ၂ ဦး

-အာရပ်စော်ဘွားများ ပြည်ထောင်စု (ယူအေအီး) နိုင်ငံနဲ့ အစ္စရေးတို့ဟာ ဒီကနေ့မှာ အပြန်အလှန် သံတမန်ဆက်ဆံရေး ထူထောင်နိုင်မယ့် သမိုင်းဝင် ငြိမ်းချမ်းရေးသဘောတူညီချက်တစ်ခုကို ရရှိခဲ့ပါတယ်။

သဘောတူညီချက်အရ အစ္စရေးဟာ ပါလက်စတိုင်းပိုင် အနောက်ဖက်ကမ်းက ဒေသတွေ သူ့ပိုင်နက်ထဲ သွတ်သွင်းတာဖို့ ကြိုးစားနေတာကို ရပ်ဆိုင်းရမှာဖြစ်ပါတယ်။

အမေရိကန်သမ္မတ ဒေါ်နယ်ထရမ့်၊ အစ္စရေးဝန်ကြီးချုပ် ဘင်ယာမင် နေတန်ယာဟုနဲ့ ယူအေအီး အိမ်ရှေ့မင်းသား မိုဟာမက် ဘင် ဇယဒ်တို့ ဒီကနေ့မှာ ဖုန်းနဲ့ အစည်းအဝေးပြုလုပ်ခဲ့ပြီးတဲ့နောက် ဒီသဘောတူညီချက်ကို ရရှိခဲ့တာပါ။

အိမ်ဖြူတော်တာဝန်ရှိသူတွေက အစ္စရေး၊ ယူအေအီးနဲ့ အမေရိကန်တို့ဟာ ငြိမ်းချမ်းရေးသဘောတူညီချက် ရဖို့အတွက် အရင်ကတည်းက ဆွေးနွေးနေခဲ့တာဖြစ်ပြီး သိပ်မကြာသေးခင်ကာလမှာ ဆွေးနွေးမှု ပိုမိုမြန်ဆန်ခဲ့တယ်လို့ ပြောကြားခဲ့ပါတယ်။

“ကြီးမားတဲ့အောင်မြင်မှုတစ်ခု ဒီကနေ့ ရရှိခဲ့ပါတယ်။ မိတ်ဆွေကြီးတွေဖြစ်ကြတဲ့ အစ္စရေးနဲ့ ယူအေအီးတို့အကြား သမိုင်းဝင် ငြိမ်းချမ်းရေး သဘောတူညီချက်တစ်ခု ရရှိခဲ့တာပါ” လို့ သမ္မတ ဒေါ်နယ်ထရမ့်က Twitter စာမျက်နှာမှာ ရေးသားခဲ့ပါတယ်။

ခေါင်းဆောင် ၃ ဦး ပူးတွဲထုတ်ပြန်တဲ့ ကြေငြာချက်မှာ အစ္စရေးနဲ့ ယူအေအီးတို့အကြား ပြည့်၀တဲ့ သံတမန်ဆက်ဆံရေး ထူထောင်ဖို့ သဘောတူခဲ့ကြောင်း၊ ဒီ သံတမန်ရေး အောင်မြင်မှုဟာ အရှေ့အလယ်ပိုင်းဒေသ ငြိမ်းချမ်းရေးကို ပိုမိုအားကောင်းစေမှာဖြစ်ကြောင်း ဖော်ပြထားပါတယ်။

နှစ်နိုင်ငံ ရင်းနှီးမြှုပ်နှံရေး၊ ခရီးသွားလာရေး၊ တိုက်ရိုက်လေယာဉ်ပျံသန်းရေး၊ လုံခြုံရေး၊ ဆက်သွယ်ရေးနဲ့ အခြား ပူးပေါင်းဆောင်ရွက်မှု ကိစ္စတွေအတွက် အစ္စရေးနဲ့ ယူအေအီးက ကိုယ်စားလှယ်အဖွဲ့တွေဟာ လာမယ့်သီတင်းပတ်တွေအတွင်း တွေ့ဆုံဖို့ ရှိနေပါတယ်။

နှစ်နိုင်ငံစလုံးဟာ အပြန်အလှန် သံတမန်ခန့်အပ်တာ၊ သံရုံးဖွင့်တာတွေကိုလည်း လုပ်ဆောင်သွားမှာပါ။

Ref: Reuters

Tags: ,

Comments are closed.