2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
2 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

နိုဝင်ဘာ ၂၀၊ ၂၀၂၀
M-Media

-အာဖဂန်နစ္စတန်နိုင်ငံမှာ မိမိတို့အထူးတပ်ဖွဲ့ဝင်တွေဟာ အရပ်သားတွေအပေါ် တရားလက်လွတ် သတ်ဖြတ်မှုတွေရှိခဲ့တယ်လို့ ဩစတေးလျနိုင်ငံက မနေ့မှာ တရားဝင် ထုတ်ပြန်ကြေငြာလိုက်ပါတယ်။

အာဖဂန်မှာ တာဝန်ထမ်းဆောင်တဲ့ ဩစတေးလျ တပ်ဖွဲ့ဝင်တွေဟာ ကလေးငယ်တွေနဲ့ အရပ်သားတွေအပေါ် ကျူးလွန်မှုတွေ ရှိခဲ့ပြီး ဒါဟာ စစ်ရာဇဝတ်မှုအဖြစ် သတ်မှတ်လို့ရနိုင်တယ်ဆိုတဲ့ သတင်းတွေ ကျယ်ကျယ်ပြန့်ပြန့် ထွက်လာပြီးတဲ့နောက် ၂၀၁၆ ခုနှစ်မှာ ဩစတေးလျအစိုးရက စုံစမ်းစစ်ဆေးမှုတွေ စတင် ပြုလုပ်ခဲ့တာပါ။

ဩစတေးလျ ကာကွယ်ရေးတပ်ဖွဲ့အကြီးအကဲ ဗိုလ်ချုပ် အန်ဂက်စ် ကမ်းဘဲလ်က အထူးတပ်ဖွဲ့ဝင်တွေဟာ အကျဉ်းသားတွေ၊ လယ်သမားတွေနဲ့ အခြား အရပ်သားတွေကို ​သတ်ဖြတ်ခဲ့တယ်ဆိုတာကို စုံစမ်းစစ်ဆေးမှုမှာတွေရှိခဲ့ရကြောင်း၊ ဒီမှားယွင်းမှုအတွက် အာဖဂန်ပြည်သူတွေကို အနူးအညွတ်တောင်းပန်ကြောင်း ပြောကြားခဲ့ပါတယ်။

မနေ့ကထုတ်ပြန်တဲ့ စုံစမ်းစစ်ဆေးမှု အစီရင်ခံစာမှာ လေကြောင်းအထူးတပ်ရင်းက အများစုအပါအဝင် အထူးတပ်ဖွဲ့ဝင် ၂၅ ဦးက အာဖဂန်ပြည်သူ ၃၉ ယောက်ကို တရားလက်လွတ် သတ်ဖြတ်ခဲ့တဲ့ အဖြစ်အပျက် ၂၃ ခုအကြောင်းကို ဖော်ပြထားပါတယ်။ ဒီအဖြစ်အပျက်တွေအတွက် ခိုင်မာတဲ့ သက်သေအထောက်အထား အချက်အလက်တွေကို ရရှိခဲ့တယ်လို့လည်း အစီရင်ခံစာက ဆိုပါတယ်။

“တွေ့ရှိချက်တွေအရဆိုရင် စစ်သည်တော်ကျင့်ဝတ်နဲ့ စောင့်ထိန်းရမယ့် တန်ဖိုးတွေကို ဆိုးဆိုးရွားရွား ချိုးဖောက်မှု ဖြစ်ပါတယ်။ အရပ်သားတွေနဲ့ အကျဉ်းသားတွေကို တရားလက်လွတ်သတ်ဖြတ်မှုတွေကို ဘယ်တော့မှ လက်ခံမှာ မဟုတ်ပါဘူး”

ကျူးလွန်ထားသူအချို့ဟာ အခုအချိန်အထိ စစ်တပ်မှာ တာဝန်ထမ်းဆောင်နေပြီး၊ တပ်ကနေ ထွက်သွားသူတွေလည်း ရှိပါတယ်။ စုစုပေါင်း တပ်ဖွဲ့ဝင် ၁၉ ဦးပါဝင်ခဲ့တဲ့ အဖြစ်အပျက် ၂၃ ခုကို ရာဇဝတ်မှုအဖြစ် ဆက်လက်စုံစမ်းစစ်ဆေးဖို့ ရဲတပ်ဖွဲ့ကို လွှဲပြောင်းခဲ့ပါတယ်။

ဩစတေးလျကာကွယ်ရေးတပ်ဖွဲ့ရဲ့ စုံစမ်းစစ်ဆေးရေးမှူးချုပ် ဂျိမ်းစ် ဂေနော်ရက်လည်း ကျူးလွန်မှုတွေရဲ့ သဘောသဘာဝနဲ့ ပြင်းထန်မှုတွေဟာ လက်ခံဖို့ခက်တဲ့အထိ ဖြစ်ခဲ့ကြောင်း၊ ဩစတေးလျတပ်ဖွဲ့ဝင်တွေဟာ သူတို့ရဲ့ထိန်းချုပ်မှုအောက်ရှိတဲ့ အာဖဂန်ပြည်သူတွေကို ရက်ရက်စက်စက် ဆက်ဆံခဲ့တယ်ဆိုတဲ့ နောက်ထပ်စွပ်စွဲမှုတွေလည်း ရှိကြောင်း ထည့်သွင်းပြောကြားခဲ့ပါတယ်။

စုံစမ်းစစ်ဆေးမှုအတွင်း မျက်မြင်သက်သေ ၄၂၃ ဦးကို စစ်ဆေးခဲ့ပြီး၊ စာရွက်စာတမ်း ၂ သောင်းကျော်၊ ဓာတ်ပုံ ၂၅၀၀၀ ကျော်ကို ကြည့်ရှုသုံးသပ်ခဲ့တယ်လို့ နယူးဆောက်ဝေးလ်ပြည်နယ် တရားရုံးချုပ် တရားသူကြီး ပေါလ် ဘရီရီတန်က ပြောကြားခဲ့ပါတယ်။

အစီရင်ခံစာအပြည်စုံဟာ စာမျက်နှာ ၅၃၁ မျက်နှာရှိပြီး လုံခြုံရေးဆိုင်ရာ အချက်အလက်တွေ၊ ရှေ့ဆက်ဆောင်ရွက်ရမယ့် ​ရာဇဝတ်မှုဆိုင်ရာ ကိစ္စတွေမှာ သက်ရောက်နိုင်မယ့် အချက်အလက်တွေကို တည်းဖြတ်ကာ မနေ့မှာ ထုတ်ပြန်ခဲ့တာ ဖြစ်ပါတယ်။

Ref: Aljazeera

Comments are closed.