5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဒီဇင်ဘာ ၃၀၊ ၂၀၂၀
M-Media

ပိုလာ့ဒ် (ယာ) နှင့် ဝန်ကြီးချုပ် နေတန်ယာဟု

-အမေရိကန်ရေတပ်မှာ အလုပ်လုပ်ပြီး စစ်ဖက်လျှို့ဝှက်ချက်တွေကို အစ္စရေးထံ ရောင်းစားကာ ထောင်ကျခဲ့တဲ့ ဂျူးသူလျှို ဂျိုနသန် ပိုလာ့ဒ်ဟာ ဒီနေ့မနက်ပိုင်းမှာ အစ္စရေးကို ရောက်ရှိလာခဲ့ပြီး ဝန်ကြီးချုပ် နေတန်ယာဟုက ကြိုဆိုခဲ့ပါတယ်။

အသက် ၆၆ နှစ်အရွယ် ပိုလာ့ဒ်နဲ့ ဇနီးဖြစ်သူတို့ကို အမေရိကန်က ကာစီနိုကုမ္ပဏီ Sheldon Adelson က အထူးလေယာဉ်နဲ့ အစ္စရေးကို ပို့ပေးခဲ့တာပါ။ Sheldon Adelson ကုမ္ပဏီဟာ အစ္စရေးဝန်ကြီးချုပ် နေတန်ယာဟုနဲ့ အမေရိကန်သမ္မတ ဒေါ်နယ်ထရမ့်တို့ကို ထောက်ပံ့ပေးသူလည်း ဖြစ်ပါတယ်။

“၃၅ နှစ်ကြာပြီးမှ အိမ်ပြန်ရောက်တဲ့အတွက် အလွန်ပျော်ရွှင်ရပါတယ်” လို့ ပိုလာ့ဒ်က ပြောကြားခဲ့ပါတယ်။

ပိုလာ့ဒ်တို့ဇနီးမောင်နှံကို အစ္စရေးဝန်ကြီးချုပ် နေတန်ယာဟုနဲ့ အစိုးရအဖွဲ့ဝင်တစ်ချို့က လေဆိပ်မှာ လာရောက်ကြိုဆိုခဲ့ပြီး အစ္စရေးမှတ်ပုံတင်ကိုလည်း ထုတ်ပေးခဲ့ပါတယ်။ အစ္စရေး လွှတ်တော်အမတ်တွေ၊ အစိုးရတာဝန်ရှိသူတွေနဲ့ နိုင်ငံရေးအသိုင်းအဝိုင်းကလူတွေကလည်း ပိုလာ့ဒ်ရောက်လာမှုအတွက် ဝမ်းသာကြောင်း ဆိုရှယ်မီဒီယာတွေမှာ ရေးသားခဲ့ကြပါတယ်။

ပိုလာ့ဒ်ကတော့ မိမိကို ထောက်ခံအားပေးတဲ့ ဝန်ကြီးချုပ်နဲ့ ဂျူးပြည်သူတွေကို ကျေးဇူးတင်တယ်လို့ ပြောကြားခဲ့ပါတယ်။

ပိုလာ့ဒ်ဟာ အမေရိကန်ရေတပ်မှာ အရပ်ဖက် ထောက်လှမ်းရေး လေ့လာဆန်းစစ်သူအဖြစ် အလုပ်လုပ်ခဲ့ပြီး ၁၉၈၀ ပြည့်နှစ်တွေမှာ စစ်ဖက်လျှို့ဝှက်ချက်တွေကို အစ္စရေးထံ ရောင်းစားခဲ့တာ ဖြစ်ပါတယ်။

အမေရိကန်အစိုးရက သိသွားခဲ့ပြီးတဲ့နောက် ဝါရှင်တန်က အစ္စရေးသံရုံးမှာ ခိုလှုံခွင့်ရဖို့ ပိုလာ့ဒ်တစ်ယောက် ကြိုးစားခဲ့ပေမယ့် မအောင်မြင်ခဲ့ဘဲ ၁၉၈၅ ခုနှစ်မှာ အဖမ်းခံခဲ့ရပါတယ်။ ဒီကိစ္စကြောင့် အမေရိကန်နဲ့ အစ္စရေးတို့အကြား ဆက်ဆံရေးဟာ နှစ်နဲ့ချီ တင်းမာခဲ့ပါတယ်။

သူသျှိုမှုနဲ့ အပြစ်ရှိကြောင်း တွေ့ရတဲ့အတွက် အမေရိကန်တရားရုံးက ​ပိုလာ့ဒ်ကို ထောင်ဒဏ် တစ်သက် ချမှတ်ခဲ့ပါတယ်။ သူ့ကို မလွှတ်ပေးဖို့ အမေရိကန်ထောင်လှမ်းရေးနဲ့ စစ်ဖက်တာဝန်ရှိသူတွေက အကြိမ်ကြိမ် တောင်းဆိုခဲ့ပေမယ့် နှစ်ပေါင်း ၃၀ ထောင်ဒဏ်ကျခံခဲ့ရပြီးတဲ့နောက် ၂၀၁၅ ခုနှစ်မှာ လွတ်လာခဲ့ပြီး လွတ်ငြိမ်းချမ်းသာခွင့်ခြေချုပ် ၅ နှစ်ထပ်နေရကာ အချိန်မှာတော့ အစ္စရေးကို ပြောင်းရွှေ့အခြေချနိုင်ခဲ့တာ ဖြစ်ပါတယ်။

ပိုလာ့ဒ်ကို လွှတ်ပေးမှုဟာ အမေရိကန်သမ္မတ ဒေါ်နယ်ထရမ့်က အစ္စရေးဝန်ကြီးချုပ် နေတန်ယာဟုကို ပေးအပ်ခဲ့တဲ့ သံတမန်ရေးရာ လက်ဆောင်တွေထဲက တစ်ခုလည်း ဖြစ်ပါတယ်။

Ref: The Jerusalam Post

Tags: ,

Comments are closed.