5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇန်နဝါရီ ၂၊ ၂၀၂၁
M-Media

ဂါလာတာာစာရေးနောက်ခံလူ အိုမာရ် အီလက်ဘ်ဒဲလ်

ဂါလာတာစာရေးနောက်ခံလူ နှစ်သစ်ကူးမီးပန်းကြောင့် မျက်လုံးဆုံးရှုံးနိုင်

တူရကီကလပ် ဂါလာတာစာရေးအသင်းက နော်ဝေနောက်ခံလူ အိုမာရ် အီလက်ဘ်ဒဲလ် လူဝီဟာ နှစ်သစ်ကူးညက နေအိမ်အတွင်း မီးပန်းဖောက်ရာမှာ ထိခိုက်ဒဏ်ရာ ရရှိခဲ့ပါတယ်။

ဂါလာတာစာရေးရဲ့ ထုတ်ပြန်ချက်မှာတော့ အသက် ၂၉ နှစ်အရွယ် အိုမာရ်ဟာ မျက်နှာနဲ့ မျက်လုံးကို ထိခိုက်ခဲ့ပေမယ့် မစိုးရိမ်ရဘဲ ခွဲစိပ်ကုသမှုလည်း မလုပ်ရဘူးလို့ ဖော်ပြထားပါတယ်။

တူရကီသတင်းစာ Hurriyet က မီးပန်းဟာ အိုမာရ်ရဲ့လက်ထဲမှာ ပေါက်သွားတာဖြစ်ပြီး မျက်လုံးကို ထိခိုက်ကာ အမြင်အာရုံ ဆုံးရှုံးတဲ့အထိ ဖြစ်နိုင်တယ်လို့ ဖော်ပြခဲ့ပါတယ်။ ဥရောပတစ်ဝှမ်း နှစ်သစ်ကူးမီးပန်းကြောင့် အနည်းဆုံး လူ ၄ ဦး သေဆုံးခဲ့ပါတယ်။

အသင်းမှာ ၁ နှစ်အတွင်း သိသိသာသာ တိုးတက်လာသည်ဟု ဆိုးလ်ရှားပြော

လက်ရှိ​ စွမ်းဆောင်ထားနိုင်မှုအတွက် ပျော်ရွှင်ကျေနပ်မိပြီး အသင်းကလည်း တစ်နှစ်အတွင်း သိသိသာသာ တိုးတက်လာတယ်လို့ မန်ယူနည်းပြ ဆိုးလ်ရှားက ပြောကြားလိုက်ပါတယ်။

မနေ့က အက်စတွန်ဗီလာကို ၂ ဂိုး ၁ ဂိုးနဲ့ အနိုင်ရပြီးနောက် မန်ယူဟာ ဇယားကို ဦးဆောင်နေတဲ့ လီဗာပူးလ်နဲ့ အမှတ်တူသွားပါပြီ။ မနှစ်က နှစ်သစ်ကူးထက်စာရင် ဒီနှစ် နှစ်သစ်ကူးမှာ အခြေအနေပိုကောင်းကြောင်း၊ ကစားသမားတွေဟာ သင်ယူဖို့ အမြဲတမ်း ဆာလောင်မွတ်သိနေကာ ဒါက အသင်းအတွက် အရေးကြီးကြောင်း မနေ့ကပွဲအပြီးမှာ
ဆိုးလ်ရှားက ပြောကြားခဲ့ပြီး ၂၀၂၁ ခုနှစ်ဟာ အားလုံးအတွက် ပိုကောင်းတဲ့နှစ် ဖြစ်ပါစေကြောင်း ဆုတောင်းခဲ့ပါတယ်။

ဖူလ်ဟမ်နှင့်ပွဲ ရပ်ဆိုင်းမှုကို မော်ရင်ဟို မကျေနပ်

ကိုဗစ်ကူးစက်မှုကြောင့် ဗုဒ္ဓဟူးနေ့ကပွဲကို ရပ်ဆိုင်းခဲ့မှုဟာ အလွန်နောက်ကျတဲ့အတွက် ပရော်ဖက်ရှင်နယ်မကျတဲ့ လုပ်ရပ်လို့ စပါးနည်းပြ မော်ရင်ဟိုက ယူဆနေပါတယ်။

ဖူလ်ဟမ်ကစားသမားတွေမှာ ကိုဗစ်ကူးတာ၊ ကိုဗစ်လက္ခဏာတွေ တွေ့ရတာကြောင့် ပွဲမတိုင်ခင် စပါး-ဖူလ်ဟမ်ပွဲကို ကစားဖို့ ၃ နာရီအလိုမှာ ရပ်ဆိုင်းခဲ့တာပါ။ ပွဲကို ရပ်ဆိုင်းမယ်လို့ ပွဲချိန်မတိုင်ခင် ၂၄ နာရီ အလိုလောက်ကတည်းက သတင်းထွက်ခဲ့တာဖြစ်ပါတယ်။

ဆေးစစ်မှုရလဒ်နဲ့ ဆေးဘက်ဆိုင်ရာ အကြံပြုချက် အပြည့်အစုံ ရရှိမှု နောက်ကျတဲ့အတွက် ပွဲရပ်ဆိုင်းဖို့ ထုတ်ပြန်ချက်လည်း နောက်ကျတာလို့ ပရီးမီးယားလိဂ် တာဝန်ရှိသူတွေက ပြောပါတယ်။

မော်ရင်ဟိုက ပရီးမီးယားလိဂ်လို ဘောလုံးပြိုင်ပွဲတစ်ခုအနေနဲ့ ဒီလိုအခြေအနေမျိုး မဖြစ်သင့်ဘူးလို့ ထည့်သွင်းပြောဆိုခဲ့ပါတယ်။

Ref: BBC

Comments are closed.