2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇန်နဝါရီ ၁၉၊ ၂၀၂၁
M-Media

အိန္ဒိယဝန်ကြီးချုပ် မိုဒီ

-မဲနိုင်ဖို့အတွက် မိမိတို့ကို ကျူးကျော်တိုက်ခိုက်တဲ့ အိန္ဒိယဝန်ကြီးချုပ် မိုဒီရဲ့ စစ်သွေးကြအစီအမံကို ဟန့်တားဖို့ ပါကစ္စတန် ဝန်ကြီးချုပ် အင်မရန်းခန်းက နိုင်ငံတကာအသိုင်းအဝိုင်းကို တိုက်တွန်းလိုက်ပါတယ်။

အိန္ဒိယက နာမည်ကျော် ရုပ်သံအစီအစဉ်တင်ဆက်သူ ဟိန္ဒူလက်ယာစွန်းရောက် အာရ်နဘ် ဂိုဆွာမီနဲ့ ရုပ်သံအဆင့်သတ်မှတ်ရေး ကုမ္ပဏီ BARC အကြီးအကဲ ပါရ်သို ဒက်စ်ဂွပ်တာတို့ရဲ့ WhatsApp က အပြန်အလှန်ပြောကြားမှုတွေကို ရဲတပ်ဖွဲ့က ထုတ်ပြန်ခဲ့ပြီးတဲ့နောက် အင်မရန်းခန်းရဲ့ ဒီဝေဖန်မှု ပေါ်ထွက်လာတာ ဖြစ်ပါတယ်။

ဂိုဆွာမီဟာ ဂွပ်တာနဲ့ပေါင်းပြီး ရုပ်သံအဆင့်သတ်မှတ်ချက်ကို အမြတ်ထုတ်တယ်ဆိုတဲ့ စွဲချက်အတွက် မွမ်ဘိုင်းရဲတပ်ဖွဲ့က စုံစမ်းစစ်ဆေးနေတာ ဖြစ်ပါတယ်။

၂၀၁၉ ခုနှစ် ဖေဖော်ဝါရီ ၂၆ ရက်နေ့ ပါကစ္စတန်နိုင်ငံ အနောက်မြောက်ပိုင်းက ဘာလာကော့မြို့ကို အိန္ဒိယအစိုးရက လေကြောင်းကနေ ကျူးကျော်တိုက်ခိုက်ဖို့ စီစဉ်နေတာကို မီဒီယာသမား ဂိုဆွာမီက ၃ ရက်အရင်ကတည်းက ကြိုတင်သိရှိခဲ့ပြီး ဂွပ်တာကို WhatsApp ကနေ အသိပေးခဲ့ပါတယ်။

ဧပြီလမှာပြုလုပ်မယ့် ရွေးကောက်ပွဲမှာ အနိုင်ရဖို့ ရည်ရွယ်ကာ အိန္ဒိယအစိုးရဟာ ပါကစ္စတန်ကို လကြောင်းကနေတိုက်ခိုက်ဖို့ စီစဉ်ထားပြီး ကက်ရှ်မီးယားပြဿနာအတွက် ကြီးကြီးမားမားအခြေအနေတစ်ခု ဖြစ်လာလိမ့်မယ်လို့ ဂိုဆွာမီက ဆိုပါတယ်။

မနေ့က Twitter စာမျက်နှာမှာရေးသားတဲ့ အင်မရခန်းရဲ့ ပို့စ်တွေထဲမှာ အိန္ဒိယအစိုးရကို ပြင်းပြင်းထန်ထန် ဝေဖန်ခဲ့ပါတယ်။

ဖက်ဆစ်အိန္ဒိယအစိုးရဟာ ဘာလာကော့တ်တိုက်ခိုက်မှုကို အသုံးချပြီး ပြည်တွင်းရွေးကောက်ပွဲမှာ မဲရအောင် လုပ်ခဲ့ကြောင်း၊ မီဒီယာနဲ့ အိန္ဒိယအစိုးရပေါင်းကာ ကလိမ်စေ့ငြင်းဆင်ခဲ့ကြောင်း၊ ဒေသတွင်း မတည်မငြိမ်ဖြစ်မယ်ဆိုတာကို ထည့်မတွက်ဘဲ ရွ​ေးကောက်ပွဲအနိုင်ရလိုတဲ့ အန္တရာယ်ရှိတဲ့ စစ်သွေးကြွဝါဒ ရှိနေကြောင်း ​အင်မရန်းခန်းက ပြောကြားခဲ့ပါတယ်။

အိန္ဒိယကတော့ ဖေဖော်ဝါရီလအစောပိုင်းက သူတို့ထိန်းချုပ်ထားတဲ့ ကက်ရှ်မီးယားဒေသ ပူလ်ဝါမာမြို့မှာ စစ်သား ၄၀ သေဆုံးခဲ့တဲ့ ဗုံးခွဲမှုကို လက်စားချေတဲ့အနေနဲ့ ဘာလာကော့က သူပုန်လေ့ကျင့်ရေးစခန်းတစ်ခုကို တိုက်ခိုက်ခဲ့တာ ဖြစ်တယ်လို့ ထုတ်ပြန်ခဲ့ပါတယ်။ ပူလ်ဝါမာ တိုက်ခိုက်မှုလုပ်တဲ့ သူပုန်တွေကို ပါကစ္စတန်က ထောက်ပံ့ပေးထားတယ်လို့လည်း အိန္ဒိယက စွပ်စွဲခဲ့ပြီး ပါကစ္စတန်က ဒါကို ငြင်းပါတယ်။

ဘာလာကော့ကို တိုက်ခိုက်ပြီး နောက်တစ်နေ့မှာ လေပိုင်နက်ထဲဝင်လာတဲ့ အိန္ဒိယတိုက်လေယာဉ်ကို ပါကစ္စတန်က ပစ်ချခဲ့ပြီး လေယာဉ်မှူးကို ဖမ်းဆီးခဲ့ပါတယ်။ ဒါပေမယ့် နောက်ပိုင်းမှာ နှစ်နိုင်ငံချစ်ကြည်ရေးအတွက် ပြန်လွှတ်ပေးခဲ့ပါတယ်။

၂၀၁၉ ခုနှစ် ဧပြီလ အိန္ဒိယရဲ့ အထွေထွေရေးကောက်ပွဲမှာ ဘာလာကော့တိုက်ခိုက်မှုက အထောက်အကူဖြစ်စေခဲ့ပြီး အာဏာရ ဟိန္ဒူအမျိုးသားရေးပါတီ BJP ဟာ ၂၀၁၄ ခု ရွေးကောက်ပွဲကထက် ပိုပြီး မဲရကာ နိုင်ခဲ့ပါတယ်။

BJP ပြောရေးဆိုခွင့်ရှိသူ ဆယဒ် ဇာဖာရ် အစ္စလာမ်က အင်မရန်းခန်းရဲ့ စွပ်စွဲချက်တွေကို ပယ်ချခဲ့ပြီး ပါကစ္စတန်သာလျှင် အကြမ်းဖက်တွေ ထုတ်ပေးနေတဲ့ စက်ရုံဖြစ်ကြောင်း၊ ဘာလာကော့ လေကြောင်တိုက်ခိုက်မှုကို ရွေး​ကောက်ပွဲအသာရအောင် မိမိတို့ အသုံးမပြုခဲ့ကြောင်း တုန့်ပြန်ပြောကြားခဲ့ပါတယ်။

Ref: Aljazeera

Comments are closed.