2 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
3 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
3 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
3 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
3 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
3 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
3 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
3 years ago
ဘာသာေပါင္းစုံ ဆုေတာင္းပြဲ (ရုပ္သံ)

​ဖေဖော်ဝါရီ ၂၁၊ ၂၀၂၁
M-Media

-မလေးရှားကနေ မြန်မာ​နိုင်ငံကိုပြန်ပို့မယ့် လူတွေထဲမှာ ခိုလှုံခွင့်တောင်းခံထားသူတွေ ပါဝင်နေတာတဲ့အတွက် စိုးရိမ်မိပြီး၊ ဒီလုပ်ရပ်ဟာ အာဏာသိမ်းစစ်ကောင်စီကို အသိအမှတ်ပြုသလို ဖြစ်နိုင်သွားနို်င်တယ်လို့ ကုလသမဂ္ဂနဲ့ အနောက်နိုင်ငံတွေက သတိပေးလိုက်ပါတယ်။

လူဝင်မှုကြီးကြပ်ရေး ထိန်းသိမ်းရေးစခန်းတွေထဲက မြန်မာနိုင်ငံသား ၁၂၀၀ ကို မလေးရှားက ပြန်ပို့ဖို့ စီစဉ်နေတာပါ။ ရေတပ်သင်္ဘောတစ်စင်း အပါအဝင် မြန်မာနိုင်ငံက သင်္ဘော ၃ စင်းဟာ မလေးရှား လူမွတ်ရေတပ်စခန်းကို မနေ့က ရောက်ရှိလာပါတယ်။

ဖိနှိပ်မှုတွေကြောင့် အိုးအိမ်စွန့်ခွာထွက်ပြေးလာရတဲ့ ရိုဟင်ဂျာဒုက္ခသည်တွေကို ပြန်မပို့ဘူးလို့ မလေးရှားက ကတိပြုထားပါတယ်။ ဒါပေမယ့် ပြန်ပို့မယ့် လူ ၁၂၀၀ စာရင်းမှာ ကုလသမဂ္ဂ ဒုက္ခသည်ကူညီရေးအေဂျင်စီ UNHCR မှာ မှတ်ပုံတင်ထားသူ အနည်းဆုံး ၆ ဦး ပါဝင်ပါတယ်။

ဒါ့ကြောင့် မှတ်ပုံမတင်ရသေး​တဲ့ ခိုလှုံခွင့်တောင်းခံသူတွေ ပါဝင်နိုင်တယ်ဆိုတဲ့ စိုးရိမ်မှုတွေလည်း မြင့်တက်လာပါတယ်။ ထိန်းသိမ်းရေးစခန်းတွေထဲက လူတွေထဲမှာ ဖိနှိပ်မှုကြောင့် ထွက်ပြေးလာရသူတွေ ပါဝင်နေလားဆိုတာကို UNHCR က မေးမြန်းလိုပေမယ့် မလေးရှားအစိုးရက ဒီလူတွေနဲ့ UNHCR တာဝန်ရှိသူတွေကို တွေ့ဆုံခွင့်မပေးတာ ၁ နှစ်ရှိ ပြီဖြစ်ပါတယ်။

အခု ပြန်ပို့မယ့်အထဲမှာ ပါဝင်နေတဲ့ ခိုလှုံခွင့်တောင်းခံထားသူ ၆ ဦးကို မထည့်ပေးဖို့ UNHCR က မလေးရှားအာဏာပိုင်တွေကို တောင်းဆိုထားပါတယ်။ ဒီလူတွေထဲမှာ လူမျိုးရေး၊ ဘာသာရေး ဖိနှိပ်ခံရမှုကြောင့် အိုးအိမ်စွန့်ခွာ ထွက်ပြေးလာရတဲ့ ချင်းလူမျိုးတွေနဲ့ ရိုဟင်ဂျာမဟုတ်တဲ့ အစ္စလာမ်ဘာသာဝင်တွေ ပါဝင်ပါတယ်။

“ပြန်ပို့မယ့်လူတွေထဲမှာ UNHCR က ကူညီပေးရမယ့် တစ်ခြားသူတွေများ ပါနေမလားဆိုတဲ့ စိုးရိမ်မှု ရှိပါတယ်” လို့ အဖွဲ့ရဲ့ ပြောရေးဆိုခွင့်ရှိသူ ယန်တီ အစ္စမာအီလ်က ပြောပါတယ်။

နိုင်ငံတကာရဲ့ ကာကွယ်စောင့်ရှောက်မှု လိုအပ်နေသူတွေ မြန်မာနိုင်ငံကို ပြန်ရောက်သွားရင် ထပ်မံဖိနှိပ်ခံရမလားဆိုတဲ့ စိုးရိမ်မှုတွေ နိုင်ငံတကာအသိုင်းအဝိုင်းမှာ ရှိနေတာဖြစ်ပါတယ်။

အမေရိကန်သံရုံးက UNHCR တာဝန်ရှိသူတွေ ထိန်းသိမ်းရေးစခန်းထဲ ဝင်ရောက်ပြီး တွေ့ဆုံခွင့်ရဖို့ မလေးရှားအာဏာပိုင်တွေကို ပြောထားတယ်လို့ ရိုက်တာသတင်းဌာနကို ဖြေကြားခဲ့ပါတယ်။

မလေးရှားအစိုးရနဲ့ ကွာလာလမ်ပူ မြန်မာသံရုံးက တာဝန်ရှိသူတွေကို ဆက်သွယ်လို့မရဘူးလို့ ရိုက်တာက ရေးပါတယ်။ မလေးရှားကိုရောက်နေတဲ့ မြန်မာနိုင်ငံက သင်္ဘောတွေဟာ လူတင်ပြီးရင် အင်္ဂါနေ့ ပြန်ထွက်မှာပါ။

မလေးရှားအစိုးရရဲ့ လူပြန်ပို့တဲ့ဆောင်ရွက်ချက်ဟာ အာဏာသိမ်းစစ်ကောင်စီကို အသိအမှတ်ပြုသလို ဖြစ်သွားမှာစိုးတဲ့အတွက် ဒီကိစ္စကို ရပ်ဆိုင်းထားဖို့ အမေရိကန်နဲ့ အနောက်နိုင်ငံတွေရဲ့ သံတမန်တွေက မလေးအာဏာပိုင်တွေကို ​တိုက်တွန်းထားကြောင်း အမည်မဖော်လိုတဲ့ ရင်းမြစ် ၄ ခုက ရိုက်တာသတင်းဌာနကို ပြောကြားခဲ့ပါတယ်။

Ref: Reuters

Comments are closed.