3 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
4 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
4 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
4 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
4 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
4 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
4 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
4 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇူလိုင် ၂၄၊ ၂၀၂၁

M-Media 

-တရုတ်အစိုးရဟာ တိဘက်လူမျိုးတွေကို ယဉ်ကျေးမှု၊ ဘာသာတရားနဲ့ လူမျိုးပျောက်အောင် လုပ်ဆောင်နေတယ်လို့ အဝေးရောက် တိဘက်အစိုးရအဖွဲ့ ခေါင်းဆောင်က ပြောကြားလိုက်ပါတယ်။ 

တရုတ်တပ်တွေဟာ ၁၉၅၀ ခုနှစ်က တိဘက်ဒေသကို ဝင်ရောက်သိမ်းပိုက်ခဲ့ပြီး၊ နောက်ပိုင်းမှာ တရုတ်ပိုင်နက်အဖြစ် သွတ်သွင်းခဲ့ပါတယ်။ ၁၉၅၉ ခု တိဘက်ပြည်သူတွေရဲ့ အုံကြွဆန္ဒပြမှုကို တရုတ်အစိုးရ အကြမ်းဖက်နှိမ်နင်းခဲ့ပြီး တိဘက်ခေါင်းဆောင် ဒလိုင်းလားမားလည်း အိမ်နီးချင်း အိန္ဒိယနိုင်ငံကို ထွက်ပြေးခိုလှုံခဲ့ရပါတယ်။ 

အဝေးရောက်တိဘက်အစိုးရရဲ့ ခေါင်းဆောင်သစ်ဖြစ်လာတဲ့ ပန်ပါ စီရင်က တိဘက်လူမျိုးတွေဟာ လူမျိုး၊ ဘာသာတရားနဲ့ ရိုးရာယဉ်ကျေးမှု ဖျောက်ဖျက်ခြင်းကို ခံနေရတယ်လို့ Nikkei သတင်းဌာနဲ့ အင်တာဗျူးမှာ ပြောကြားခဲ့ပါတယ်။ 

“တိဘက်ထဲကို တရုတ်တွေအများကြီးဝင်လာတယ်။ သူတို့တွေက ကျွန်တော်တို့ လူနည်းစုလူမျိုးတွေအပေါ် လွှမ်းမိုးပြီး အမှတ်သညာကို ဖျက်ဆီးနေပါတယ်။ ဒါဟာ ယဉ်ကျေးမှုဂျီနိုဆိုက်လို့တောင် ပြောလို့ရပါတယ်။ တိဘက်တွေရဲ့ ပညာရေးနဲ့ ဘာသာစကားရဲ့ အရေးပါမှု၊ ဘာသာရေးလွတ်လပ်ခွင့်၊ လူ့အခွင့်အရေးတွေလည်း ဖျက်ဆီးခံနေရပါတယ်”

အသက် ၅၈ နှစ်အရွယ် ပန်ပါဟာ လွှတ်တော်ဥက္ကဌရာထူးအပါအဝင် အဝေးရောက် တိဘက်အစိုးရမှာ ရာထူးအများအပြား ထမ်းဆောင်ခဲ့ဖူးပါတယ်။ 

ဗုဒ္ဓဘာသာ ဘုန်းကြီးကျောင်းတွေမှာ စောင့်ကြည့်ကင်မရာတွေ တပ်ဆင်ထားတာအပါအဝင် ဘာသာရေးလွတ်လပ်ခွင့် ချိုးဖောက်ခံရမှုကိုလည်း ပန်ပါက ထောက်ပြခဲ့ပါတယ်။ 

တိဘက်ဒေသမှာ တရုတ်အစိုးရက အခြေခံအဆောက်အဦးတွေ ဆောက်လုပ်တာ၊ လမ်းပမ်းဆက်သွယ်ရေးကောင်းမွန်အောင် လုပ်ဆောင်တာတွေရှိပေမယ့် ဒါတွေဟာ တိဘက်လူမျိုးတွေရဲ့ အကျိုးအတွက် ဟုတ်ပါ့မလားဆိုတာကိုလည်း ပန်ပါက မွေးခွန်းထုတ်ခဲ့ပါတယ်။ 

တရုတ်အစိုးရဟာ ငွေကြေးအမြောက်အများသုံးပြီး နိုင်ငံအတွင်းက လူနည်းစုတွေကို ဖိနှိပ်ချုပ်ချယ်နေတယ်လို့လည်း ပန်ပါက ဆိုပါတယ်။ 

“တရုတ်နိုင်ငံဟာ ပြည်ပလုံခြုံရေးထက် ပြည်တွင်းလုံခြုံရေးအတွက် ငွေကြေးပိုသုံးတဲ့ တစ်ခုတည်းသောနိုင်ငံပါ။ ဒီငွေတွေအားလုံးကို လူနည်းစုတွေအပေါ် ဖိနှိပ်မှုမှာ သုံးနတာပါ။ သမ္မတရှီဟာ အာဏာအားလုံးကို စုစည်းနေတယ်။ ဝီဂါတွေ၊ ဟောင်ကောင်ပြည်သူတွေအပေါ် သူ့ရဲ့ဆက်ဆံပုံဟာ ကျွန်တော်တို့အားလုံး တက ယ့်ကိုစိုးရိမ်ရမယ့် အကြောင်းအရင်းပါ ”

ဒီမိုကရေစီထွန်းကားပြီး လူ့တန်ဖိုးကို အလေးထားတဲ့ တိုင်းပြည်တွေနဲ့ ပူးပေါင်းဆောင်ရွက်ဖို့ လိုအပ်တယ်လို့လည်း အဝေးရောက်တိဘက်ခေါင်းဆောင်က ထည့်သွင်းပြောဆိုခဲ့ပါတယ်။

တရုတ်ကတော့ ဘုန်းတော်​ကြီး ဒလိုင်းလားမားကို စိုးရိမ်စရာ ခွဲထွက်ရေးသမားအဖြစ် သတ်မှတ်ထားပြီး အဝေးရောက်တိဘက်အစိုးရနဲ့ ၂၀၁၀ နောက်ပိုင်းမှာ ထိတွေ့ဆက်ဆံခြင်း မရှိတော့ပါဘူး။

အဝေးရောက်တိဘက်အစိုးရက ငြိမ်းချမ်းရေး အစီအစဉ်တစ်ခုကို ရေးဆွဲထားပြီး တိဘက်ကို ငြိမ်းချမ်းရေးဇုန်အဖြစ် သတ်မှတ်ရေး၊ တိဘက်ပြည်သူတွေရဲ့ အခြေခံအခွင့်အရေးကို လေးစားရေး၊ ဘုန်းတော်ကြီး ဒလိုင်းလားမားနဲ့ တရုတ်ခေါင်းဆောင်တွေ တွေ့ဆုံဆွေးနွေးရေးတွေ ပါဝင်ပါတယ်။ 

‘ကျွန်တော်တို့ အဆင်သင့်ရှိတယ်ဆိုတာမျိုး အခါအခွင့်သင့်တိုင်း ထုတ်ပြောပါတယ်။ ဘုန်းတော်ကြီး ဒလိုင်းလားမားကို တရုတ်နိုင်ငံလာဖို့ ဖိတ်ခေါ်တာမျိုးက ရှေ့တစ်လှမ်းတိုးတာမျိုးပါ။ ဆရာတော်ဟာ ဘုရားဖူးသွားပြီး တရုတ်ခေါင်းဆောင်ပိုင်းနဲ့လည်း တွေ့လို့ရပါတယ်’

Ref: Nikkei Asia

Tags: ,

Comments are closed.