5 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
6 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
6 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
6 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
6 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
6 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
6 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
6 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
6 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
6 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဩဂုတ် ၈၊ ၂၀၂၁
M-Media

-ဘာစီလိုနာမှာ ၂၁ နှစ်ကြာ ကစားခဲ့တဲ့ အာဂျင်တီးနားတိုက်စစ်မှူး လီယွန်နယ်မက်ဆီဟာ ဒီကနေ့ အသင်းနဲ့ နောက်ဆုံးသတင်းစာရှင်းလင်းပွဲ လုပ်ခဲ့ပါတယ်။

အသင်းမှာ ဆက်ရှိနေဖို့ ကစားသမားနဲ့ အသင်းတို့အကြား သဘောတူညီချက် ရခဲ့ပေမယ့် ဘာစီလိုနာရဲ့ ဘဏ္ဍာရေးအခြေအနေကြောင့် စာချုပ် ဆက်မချုပ်နိုင်တော့တာပါ။

ဒီကနေ့ပြုလုပ်တဲ့ အသင်းနဲ့ နောက်ဆုံးသတင်းစာရှင်းလင်းပွဲမှာ မက်ဆီက မျက်ရည်ဖြိုင်ဖြိုင်ကျခဲ့ပြီး သူ့ရဲ့ ဘ၀စာမျက်နှာသစ်တစ်ခု ထပ်စပြီလို့ ပြောကြားခဲ့ပါတယ်။

“အိမ်လိုဖြစ်နေတဲ့ ဒီမှာပဲ ဆက်နေရမလိမ့်မယ်လို့ ကျွန်တော်နဲ့ ကျွန်တော့်မိသားစုက ထင်မှတ်ယုံကြည်ခဲ့ကြတာပါ။ ဒီအသင်းနဲ့ အဆုံးသတ်သွားပြီး စာမျက်နှာသစ်တစ်ခု စတင်တော့မှာ ဖြစ်ပါတယ်။ ဟုတ်ပါတယ်။ ကျွန်တော့်အတွက် အခက်ခဲဆုံး အချိန်ကာလတွေပါပဲ”

ပြီးခဲ့တဲ့နှစ်က အသင်းကနေ ထွက်ချင်ခဲ့ပေမယ့် ဒီနှစ်မှာတော့ ဆက်နေချင်စိတ် ဖြစ်ပေါ်ခဲ့တယ်လို့လည်း မက်ဆီက ဆိုပါတယ်။

“အသင်းကနေ ကျွန်တော် မထွက်ချင်ဘူး။ ဒီအသင်းဟာ ကျွန်တော်ချစ်တဲ့အသင်းပါ။ ဒီလိုအချိန်မျိုးကို ကျွန်တော် မျှော်လင့်မထားပါဘူး။ ပြီးခဲ့တဲ့နှစ်က အသင်းကနေ ထွက်ခဲ့ချင်ပေမယ့် ဒီနှစ်မှာတော့ ဆက်နေချင်တာပါ။ ဒါ့ကြောင့် ကျွန်တော် ဝမ်းနည်းကြေကွဲရတာ ဖြစ်ပါတယ်”

“ကျွန်တော့်သွေးတွေ အေးခဲသွားသလိုပါပဲ။ ကျွန်တော် အရမ်းဝမ်းနည်းတယ်။ သိပ်ကိုခက်ခဲတဲ့အချိန်ကာလပါပဲ။ ကျွန်တော် ကျော်ဖြတ်ဖို့ ကြိုးစားနေရပါတယ်။ အိမ်ပြန်ရောက်တဲ့အချိန်မှာလည်း ကျွန်တော် အဆင်မပြေပါဘူး။ ပိုဆိုးတယ်လို့တောင် ခံစားရတယ်။ ဒီအခြေအနေအတွက် ကျွန်တော် အဆင်သင့် မဖြစ်သေးပါဘူး”

အနာဂတ်အတွက် ဘာပြောလဲ

ဇူလိုင်လ ၁ ရက်နေ့မှာ ဘာစီလိုနာနဲ့ သက်တမ်းပြည့်သွားတဲ့ မက်ဆီဟာ လက်ရှိမှာတော့ ပြင်သစ်လိဂ်ဝမ်းကလပ် PSG အသင်းနဲ့ ဆွေးနွေးနေပါတယ်။

“ပြင်သစ်ကိုပြောင်းဖို့က ဖြစ်နိုင်ချေတစ်ခုပါ။ ဒါပေမယ့် ဘယ်သူနဲ့ ဘာသဘောတူညီချက်မှ မရသေးပါဘူး။ တစ်ခြားအသင်းတွေကလည်း စိတ်ဝင်စားနေတာ ရှိပါတယ်။ ဘာမှ မသေချာသေးဘူး။ စကားပြောဆိုတာတွေတော့ ရှိပါတယ်”

မက်ဆီဟာ ၁၃ နှစ်သားကတည်းက ဘာစီလိုနာကို ရောက်လာတာဖြစ်ပြီး ၂၀၀၄ ခုနှစ် အောက်တိုဘာလ အသက် ၁၇ နှစ်အရွယ်မှာပဲ ဘာစီလိုနာနဲ့ ပထမဆုံး ပွဲထွက်ခွင့်ရခဲ့ပါတယ်။

အသင်းအတွက် ၇၇၈ ပွဲကစား ၆၇၂ ဂိုး သွင်းယူခဲ့ပြီး ဆုဖလားပေါင်း ၃၄ လုံး ရခဲ့ပါတယ်။

“လူတိုင်းက ကျွန်တော့်ကို ချစ်ကြခင်ကြတဲ့အတွက် သိပ်ကို ကျေးဇူးတင်မိပါတယ်။ အသင်းဖော်တွေနဲ့ ကလပ်အသင်းကလည်း ကျွန်တော့်ဖက်မှာ ရှိကြပါတယ်။ ဒီကနေ့မှာတော့ အားလုံးကို နှုတ်ဆက်တယ်လို့ ပြောရပါပြီ”

“တော်တော်ငယ်ငယ် ၁၃ နှစ်အရွယ်မှာ ကျွန်တော် ဒီကိုရောက်လာတယ်။ ၂၁ နှစ်တာ ကြာပြီးတဲ့နောက်မှာတော့ ဇနီး၊ သားသမီး ၃ ဦးနဲ့အတူ ကျွန်တော် ထွက်ခွာရပါပြီ။ ဒီမြို့မှာ နေထိုင်ဖြတ်ကျော်ခဲ့ရတာလောက် ဂုဏ်ယူစရာ မရှိတော့ပါဘူး။ ဒီနေရာဟာ ကျွန်တော့်အိမ်လို ဖြစ်နေတဲ့အတွက် နောက်နှစ်အနည်းငယ်အတွင်း ကျွန်တော်ပြန်လာကို လာမှာပါ”

ဘာဖြစ်လို့ ဘာကာက ထွက်တာလဲ

မက်ဆီဟာ ဇူလိုင်လက ဘာစီလိုနာနဲ့ ၅ နှစ်စာချုပ် ချုပ်ပြီး ဆက်နေဖို့ စီစဉ်ခဲ့တာပါ။ စာချုပ်သစ်မှာ လခတစ်ဝက်သာ ယူဖို့လည်း မက်ဆီက သဘောတူခဲ့ပါတယ်။

ဒါပေမယ့် အကြွေး အမေရိကန်ဒေါ်လာ ၁.၁၈ ဘီလီယံရှိနေတဲ့ ဘာစီလိုနာဟာ လာလီဂါရဲ့ ဘဏ္ဍာရေး ညီမျှမှု စည်းမျဉ်းစည်းကမ်းတွေနဲ့ ကိုက်ညီတဲ့အနေအထားမျိုးနဲ့ မက်ဆီကို စာချုပ်ချုပ်နိုင်အောင် မစီစဉ်နိုင်ခဲ့ပါဘူး။

မက်ဆီက အသင်းမှာဆက်ရှိဖို့ သူလုပ်နိုင်တာအားလုံး လုပ်ဆောင်ခဲ့တယ်လို့ ဆိုပါတယ်။

ဘာစီလိုနာ ဥက္ကဌ ဂျိုအန် လာပေါ်တာက အသင်းရဲ့ ဘဏ္ဍာရေးအခြေအနေဟာ သူထင်ထားတာထက် ဆိုးရွားနေကြောင်း စာရင်းစစ်ဆေးမှုအပြီးမှာ တွေ့ခဲ့ရပြီး မက်ဆီကို အသင်းမှာဆက်ရှိနေဖို့ ကြိုးစားခဲ့မယ်ဆိုရင် အသင်းဟာ နောက်ထပ်နှစ် ၅၀ လောက် အန္တရာယ်နဲ့ ရင်ဆိုင်ရလိမ့်မယ်လို့ ပြောကြားခဲ့ပါတယ်။

Ref: BBC

Tags:

Comments are closed.