3 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
3 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
3 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
4 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
4 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
4 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
4 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
4 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
4 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
4 years ago
ဘာသာေပါင္းစုံ ဆုေတာင္းပြဲ (ရုပ္သံ)

အောက်တိုဘာ ၁၄၊ ၂၀၂၁

M-Media

-ဇနီးဖြစ်သူကို မြွေဟောက်၊ မြွေပွေးတွေတွေလွှတ်ပြီး ပေါက်သတ်ခိုင်းတဲ့ အမျိုးသားတစ်ဦးကို အိန္ဒိယ တရားရုံးက ထောင်ဒဏ် နှစ်သက် နှစ်ကျွန်း ချမှတ်လိုက်ပါတယ်။

အိန္ဒိယနိုင်ငံတောင်ပိုင်း ကီရာလာပြည်နယ်မှာ ပြီးခဲ့တဲ့နှစ်က ဖြစ်ပွားခဲ့တာပါ။ ဆူရဂျ် ကူးမားလို့ခေါ်တဲ့ အသက် ၂၈ နှစ်ရွယ် အမျိုးသားဟာ ၂၅ နှစ်အရွယ် ဇနီးဖြစ်သူ အူသရာကို မြွေပွေး၊ မြွေဟောက်တွေနဲ့ နှစ်ကြိမ်တိုင်တိုင် ပေါက်သတ်ခိုင်းခဲ့တာ ဖြစ်ပါတယ်။

ပထမတစ်ကြိမ် ၂၀၂၀ ခုနှစ်အစောပိုင်းက အဆိပ်အလွန်ပြင်းတဲ့ မြွေပွေး (Russell’s viper) နဲ့ ပေါက်သတ်ခိုင်းရာမှာ အူသရာ နှစ်လနီးပါး ဆေးရုံတက်ခဲ့ရပါတယ်။ ဆေးရုံက ပြန်ဆင်းပြီးနောက်ပိုင်းမှာလည်း အူသရာအိပ်နေတဲ့အချိန် မြွေဟောက်လွှတ်ပြီး ပေါက်သတ်ခိုင်းတာကြောင့် ၂၀၂၀ ခုနှစ် မေလမှာ အူသရာတစ်ယောက် သေဆုံးသွားခဲ့ပါတယ်။

အူသရာရဲ့ မိဘတွေက သေဆုံးမှုကို သံသယဖြစ်တဲ့အတွက် ရဲတိုင်ခဲ့ပြီးနောက်မှာ ကူးမားတစ်ယောက် အဖမ်းခံခဲ့ရတာပါ။ တင်တောင်းငွေ ပိုမပေးတဲ့အတွက် ကူးမားမိသားစုရဲ့ စော်ကားမှုကို အူသရာက ခံခဲ့ရပြီး အခုလူသတ်မှုကလည်း သမီးဖြစ်သူရဲ့ ပိုင်ဆိုင်မှုတွေကို လိုချင်တဲ့အတွက် လုပ်ဆောင်တာမျိုးဖြစ်တယ်လို့ အူသရာရဲ့ မိဘတွေက ပြောပါတယ်။

ကူးမားရဲ့ အိမ်နားမှာ အူသရာရဲ့ လက်ဝတ်လက်စားတွေ မြှုပ်နှံထားတာကို တွေ့ခဲ့ရပြီး ကူးမားရဲ့မိသားစုပါ ဒီလူသတ်မှုကို ပူးပေါင်း ကြံစည်တယ်ဆိုတဲ့ ပြောဆိုမှုတွေလည်း ရှိနေပါတယ်။

ကူးမားက ဒီအမှုကို မကျူးလွန်ကြောင်း ငြင်းဆိုခဲ့ပေမယ့် မြွေအလမ္ပါယ်ဆရာတစ်ဦးဆီက မြွေဟောက်တစ်ကောင် တောင်းယူတဲ့ မှတ်တမ်းတွေ၊ ပြစ်မှူမကျူးလွန်ခင် မြွေနဲ့သက်ဆိုင်တဲ့ ဗီဒီယိုတွေ ကြည့်တာကို ကူးမားရဲ့ဖုန်းထဲမှာ တွေ့ခဲ့ရပါတယ်။

မနေ့က ရုံးချိန်မှာ တရားသူကြီးက ကူးမားကို ထောင်ဒဏ် နှစ်သက်နှစ်ကျွန်း ချမှတ်ခဲ့ပါတယ်။ တရားလိုရှေ့နေတွေက သေဒဏ်ချမှတ်ဖို့အထိ တောင်းဆိုခဲ့ပေမယ့် တရားသူကြီးက ပြုပြင်ပြောင်းလဲဖို့ အခွင့်အရေးပေးတဲ့အနေနဲ့ ထောင်ဒဏ်သာ ချမှတ်တာလို့ ပြောကြားခဲ့ပါတယ်။

အိန္ဒိယနိုင်ငံမှာ မကျေနပ်တဲ့သူတွေကို မြွေနဲ့ပေါက်သတ်ခိုင်းတဲ့ကိစ္စတွေ အဖြစ်များနေပြီး တရားရုံးချုပ်ကတောင် သတိပေးခဲ့ရပါတယ်။ ဒီလိုအမှုမျိုးမှာ မတော်တဆ မြွေကိုက်ခံရတာလား ဒါမှမဟုတ် လူက တမင်ပေါက်သတ်ခိုင်းလားဆိုတာကို ဆန်းစစ်ရာမှာ စိန်ခေါ်မှုတွေ ရှိနေပါတယ်။

တမင်ပေါက်သတ်ခိုင်းတယ်ဆိုတာကို သက်သေမပြနိုင်တဲ့အတွက် ကျူးလွန်တယ်လို့ စွပ်စွဲခံရသူတွေကို တရားသေ လွှတ်ပေးလိုက်ရတာတွေလည်း ပြီးခဲ့တဲ့နှစ်တွေအတွင်း အိန္ဒိယမှာ ရှိခဲ့ပါတယ်။

Ref: Aljazeera

Tags:

Comments are closed.