4 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
4 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
4 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
5 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
5 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
5 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
5 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
5 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
5 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
5 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇန်နဝါရီ ၁၄၊ ၂၀၂၂
M-Media

အိန္ဒိယခွဲထွက်ရေးသူပုန်များ

-မြန်မာနိုင်ငံအတွင်းမှာရှိတဲ့ အိန္ဒိယသူပုန်တွေကို စစ်ကောင်စီက တိုက်ထုတ်ရှင်းလင်းနေတယ်လို့ အိန္ဒိယ ပြည်တွင်းသတင်းတွေက ဖော်ပြပါတယ်။

ဖေဖော်ဝါရီ ၁ ရက်နေ့ အာဏာသိမ်းပြီးနောက် ပေါ်ပေါက်လာတဲ့ လက်နက်ကိုင်တော်လှန်ရေးကို တုန့်ပြန်ရာမှာ စစ်ကောင်စီဟာ အိန္ဒိယသူပုန်တွေကို ခေါ်ယူအသုံးပြုနေတယ်လို့ သတင်းတွေ ထွက်ခဲ့တာပါ။

ဒါပေမယ့် လက်ရှိ စစ်ကောင်စီတပ်တွေဟာ မြန်မာနိုင်ငံအတွင်း ရှိနေတဲ့ အိန္ဒိယသူပုန်တွေကို ရှင်းလင်းနေတယ်ဆိုတဲ့သတင်း မိမိတို့ ရရှိထားကြောင်း အိန္ဒိယအစိုးရ ရင်းမြစ်တွေက ပြည်တွင်းမီဒီယာတွေကို မနေ့က ပြောကြားခဲ့ပါတယ်။

အိန္ဒိယစစ်တပ်က စစ်ကောင်စီနဲ့ ဆက်သွယ်ဆောင်ရွက်မှုတွေ ရှိနေပြီး၊ စစ်ကောင်စီဟာ မကြာသေးမီက အိန္ဒိယသူပုန် ၅ ဦးကို အထူးလေယာဉ်နဲ့ ပြန်ပို့တာတွေရှိကြောင်းလည်း ဒီ ရင်းမြစ်တွေက ဆိုပါတယ်။

ခွဲထွက်ရေးလုပ်နေတဲ့ အိန္ဒိယ သူပုန်အဖွဲ့ People’s Liberation Army (PLA) နဲ့ Kangla Yawol Kanna Lup​ တို့ဟာ မြန်မာနိုင်ငံဘက်မှာ အရင်က အခြေစိုက်စခန်းတွေ ရှိနေတာဖြစ်ပြီး ပြီးခဲ့တဲ့ ၃ နှစ်အရင်က အိန္ဒိယနဲ့ မြန်မာစစ်တပ်တို့ ပူးပေါင်းကာ ရှင်းလင်းခဲ့ပါတယ်။

ဒါပေမယ့် မြန်မာနိုင်ငံမှာ ဖေဖော်ဝါရီ ၁ ရက်နေ့ စစ်တပ်က အာဏာသိမ်းပြီးနောက်ပိုင်း ဖြစ်ပေါ်လာတဲ့ မတည်ငြိမ်မှုတွေကြောင့် ဒီအဖွဲ့တွေ ပြန်လည်လှုပ်ရှားလာတယ်လို့ အိန္ဒိယအစိုးရက ပြီးခဲ့တဲ့လမှာ ထုတ်ပြန်ခဲ့ပါတယ်။

နိုဝင်ဘာလ အာသံပြည်နယ်မှာ အာသံရိုင်ဖယ်တပ်ဖွဲ့ တပ်မှူး၊ ဇနီးနဲ့ သားတို့အပါအဝင် လူ ၇ ဦးသေဆုံးခဲ့တဲ့ ခြုံခိုတိုက်ခိုက်မှုကို PLA အဖွဲ့က မြန်မာဖက်ကနေဝင်လာပြီး လုပ်ဆောင်ခဲ့တာဖြစ်တယ်လို့လည်း အိန္ဒိယရဲ့ ထုတ်ပြန်ချက်မှာ ဖော်ပြထားပါတယ်။

PLA လို့ အကြမ်းဖက်အဖွဲ့တွေကို တိုက်ဖျက်နိုင်ရေးအတွက် ​မြန်မာတပ်ဖွဲ့တွေနဲ့ ဆက်သွယ်ဆောင်ရွက်နေတယ်လို့ အိန္ဒိယအစိုးရ တာဝန်ရှိသူတွေက ဒေသတွင်းမီဒီယာတွေကို ထည့်သွင်းပြောဆိုခဲ့ပါတယ်။

၂၀၁၅ ခုနှစ်မှာ အိန္ဒိယစစ်တပ်ဟာ သူပုန်စခန်းတွေကို မြန်မာနိုင်ငံဖက်အထိ ဝင်ရောက်ရှင်းလင်းခဲ့ပြီး အနည်းဆုံး တပ်ဖွဲ့ဝင် ၂၀ ဦး သေဆုံးခဲ့တယ်လို့ ဆိုပါတယ်။

Ref: Times of India

Comments are closed.