3 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
4 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
4 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
4 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
4 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
4 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
4 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
4 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
4 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
4 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇန်နဝါရီ ၁၄၊ ၂၀၂၂
M-Media

-ကမ္ဘောဒီးယားဝန်ကြီးချုပ် ဟွန်ဆန် မြန်မာနိုင်ငံကိုသွားရောက်ကာ စစ်ကောင်စီနဲ့ တွေ့ဆုံမှုကို မလေးရှား နိုင်ငံခြားရေးဝန်ကြီး ဆိုက်ဖူဒင် အဘ်ဒူလာက လူသိရှင်ကြား ဝေဖန်လိုက်ပါတယ်။

ပြီးခဲ့တဲ့တစ်ပတ်က ၂ ရက်တာ ခရီးစဉ်မှာ ဟွန်ဆန်ဟာ အာဏာသိမ်း စစ်ကောင်စီတာဝန်ရှိသူတွေနဲ့ တွေ့ဆုံခဲ့ပြီး စစ်ကောင်စီရဲ့ အပစ်ရပ်ရေးဆောင်ရွက်မှုကို ထောက်ခံတယ်လို့ ပြောခဲ့ပါတယ်။ ဒါ့အပြင် စစ်ကောင်စီခန့် နိုင်ငံခြားရေးဝန်ကြီး ဦး၀ဏ္ဏမောင်လွင်ကို အာဆီယံနိုင်ငံခြားရေးဝန်ကြီးများ အစည်းအဝေး တက်ဖို့လည်း ဖိတ်ကြားခဲ့ပါတယ်။

ဟွန်ဆန်ရဲ့ ဒီလုပ်ရပ်အတွက် အာဆီယံအဖွဲ့ဝင်နိုင်ငံတွေထဲမှာ သဘောထားကွဲလွဲမှုတွေ ရှိနေတာပါ။

မလေးရှားနိုင်ငံခြားရေးဝန်ကြီး ဆိုက်ဖူဒင်က ဟွန်ဆန်ဟာ ဒီကိစ္စကို ကိုယ့်သဘောနဲ့ကိုယ် လုပ်တာလို့ မနေ့က သတင်းထောက်တွေနဲ့ တွေ့ဆုံမှုမှာ ဝေဖန်ခဲ့ပါတယ်။

“ဒီခရီးစဉ်မှာ သူဘာပြောသင့်တယ်ဆိုတာနဲ့ပတ်သက်ပြီး အာဆီယံခေါင်းဆောင် အကုန်လုံးနဲ့ မဟုတ်ရင်တောင် တစ်ချို့နဲ့ တွေ့ဆုံအကြံဉာဏ်ယူတာမျိုး လုပ်သင့်ပါတယ်။ သူ့ကို ကျွန်တော်တို့ စာသင်နေတာမဟုတ်ပါဘူး။ ဒါပေမယ့် အာဆီယံခေါင်းဆောင်တွေဟာ ထူးထူးခြားခြားကိစ္စတွေ ဆောင်ရွက်တဲ့အခါတိုင်းမှာ အဖွဲ့ဝင်နိုင်ငံတွေနဲ့ ဆွေးနွေးအကြံယူလေ့ရှိပါတယ်”

၂၀၂၀ ခုနှစ် အာဆီယံဥက္ကဌ တာဝန်ကို ကမ္ဘောဒီးယားက ထမ်းဆောင်ရမှာဖြစ်ပြီး မြန်မာကိစ္စမှာ အရင်နှစ် ဥက္ကဌ ဘရူနိုင်းနိုင်ငံနဲ့မတူတဲ့ ပုံစံမျိုးနဲ့ ချဉ်းကပ်ဆောင်ရွက်ဖို့ ဝန်ကြီးချုပ် ဟွန်ဆန်က စီစဉ်နေတာပါ။ နိုင်ငံခြားရေးဝန်ကြီး ပရက်ဆိုခွန်ကို မြန်မာနိုင်ငံဆိုင်ရာ အာဆီယံအထူးကိုယ်စားလှယ်အဖြစ် ဟွန်ဆန်က ခန့်အပ်ထားပါတယ်။

ဟွန်ဆန်ရဲ့ မြန်မာနိုင်ငံခရီးစဉ်နဲ့ပတ်သက်ပြီး အဖွဲ့ဝင်နိုင်ငံတွေအကြား သဘောထားကွဲလွဲနေတဲ့အတွက် လာမယ့်တစ်ပတ် ကမ္ဘောဒီးယားမှာ ပြုလုပ်ဖို့ စီစဉ်ထားတဲ့ အာဆီယံနိုင်ငံခြားရေးဝန်ကြီးများ အစည်းအဝေးကို အကန့်အသတ်မရှိ ရွှေ့ဆိုင်းလိုက်ရပါတယ်။

မြန်မာအာဏာသိမ်းစစ်ကောင်စီအနေနဲ့ ၂၀၂၁ ခုနှစ် ဧပြီလမှာ ရရှိတဲ့ သဘောတူညီချက် ၅ ချက်ကို အကောင်အထည်မဖော်မချင်း အာဆီယံထိပ်သီးအစည်းအဝေးတွေမှာ စစ်ကောင်စီကိုယ်စားလှယ်တွေ တက်ရောက်ခွင့်မပေးဘူးဆိုတဲ့မူကို ဆက်လက်ဆုပ်ကိုင်ထားတယ်လို့ မလေးရှားနိုင်ငံခြားရေးဝန်ကြီးက ထည့်သွင်းပြောဆိုခဲ့ပါတယ်။

Ref: The Straits Times

Comments are closed.