4 years ago
ရိုဟင္ဂ်ာ ၇ ဦးကို အိႏၵိယႏိုင္ငံက ျမန္မာကို ပထမဆံုးအႀကိမ္ ျပန္ပို႔
4 years ago
ဓာတ္ျပားအဆိုေတာ္ ေတးသံရွင္ ေဒၚမာမာေဝ အသက္(၉၃) ႏွစ္ ကြယ္လြန္
4 years ago
ဒုကၡသည္စခန္းမွ လုပ္အားေပးဆရာမတစ္ဦး ရခိုင္မွ ရန္ကုန္သို႔လာစဥ္ လဝကဥပေဒျဖင့္ အဖမ္းခံရၿပီး ေထာင္တစ္ႏွစ္က်
5 years ago
ဦးေဇာ္ေဌး (ခ) မွဴးေဇာ္အား ဌာနေျပာင္းေရႊ႕တာဝန္ေပး
5 years ago
NVC ကဒ္ လက္ခံရန္ ဖိအားေပးခံရမႈကုိ ျငင္းဆုိေသာ ကမန္တုိင္းရင္းသားမ်ား စီးပြားေရးပိတ္ဆုိ႔ခံေနရ
5 years ago
ASEAN ထိပ္သီးမ်ား ရိုဟင္ဂ်ာအေရး ေဆြးေႏြး
5 years ago
Drone မႈနဲ႕ဖမ္းခံရသူ သတင္းေထာက္ေတြ မိသားစုနဲ႕ေတြ႕ခြင့္မရေသး
5 years ago
ျမန္မာ-ဘဂၤလားေဒ့ရွ္ သေဘာတူညီခ်က္ (၁၀)ခ်က္ လက္မွတ္ေရးထိုး
5 years ago
AA ဒုဗိုလ္မွဴးႀကီး အပါအ၀င္ ၉ ဦးကို ေငြေၾကးခ၀ါခ်မႈနဲ႔ အမႈဖြင့္စစ္ေဆး
5 years ago
ဘာသာေပါင္းစုံ ဆုေတာင္းပြဲ (ရုပ္သံ)

ဇူလိုင် ၂၇၊ ၂၀၂၂
M-Media

-မြန်မာအာဏာသိမ်းစစ်ခေါင်းဆောင်တွေရဲ့ လုပ်ရပ်ဟာ အာဆီယံအဖွဲ့ကို မထိလေးစားပြုတဲ့ သဘောမျိုးဖြစ်ပြီး၊ အာဆီယံအစည်းအ၀ေးတွေမှာ စစ်ကောင်စီပါ၀င်မှုကို လုံး၀ ပိတ်ပင်ရမယ်လို့ မလေးရှားက ပြောကြားလိုက်ပါတယ်။

နိုင်ငံရေးတက်ကြွလှုပ်ရှားသူ ကိုဂျင်မီ၊ လွှတ်တော်အမတ် ကိုဇေယျာသော်တို့ကို စစ်ကောင်စီက တိတ်တဆိတ် ကွပ်မျက်သတ်ဖြတ်ခဲ့ပြီးတဲ့နောက် မလေးရှားရဲ့ ဒီလို ပြင်းပြင်းထန်ထန် ပြောကြားမှု ပေါ်ထွက်လာတာပါ။

မနေ့က သတင်းစာရှင်းလင်းပွဲမှာ မလေးရှားနိုင်ငံခြားရေး၀န်ကြီး ဆိုက်ဖူဒင် အဘ်ဒူလာက အာဆီယံအစည်းအ၀ေးမတိုင်မီ တစ်ပတ်အလိုမှာ လုပ်ဆောင်လိုက်တဲ့ စစ်ကောင်စီရဲ့ ဒီကွပ်မျက်မှုဟာ အာဆီယံနဲ့ သဘောတူထားချက်ကို မထိလေးစားလုပ်တာဖြစ်ပြီး၊ လူသားထုအပေါ် ကျူးလွန်တဲ့ ရာဇ၀တ်မှုဖြစ်တယ်လို့ မှတ်ချက်ပေးပါတယ်။

၂၀၂၁ ခုနှစ် ဖေဖော်၀ါရီ ၁ ရက်နေ့ အာဏာသိမ်းပြီးနောက်ပိုင်း မြန်မာနိုင်ငံမှာ ဖြစ်ပေါ်လာတဲ့ မတည်ငြိမ်မှုတွေကို ဖြေရှင်းရေးအတွက် အာဆီယံက မူ ၅ ချက် သတ်မှတ်ခဲ့ပြီး အာဏာသိမ်းစစ်ခေါင်းဆောင်ကလည်း သဘောတူခဲ့ပါတယ်။ ဒါပေမယ့် သဘောတူညီချက်တွေကို အခုအချိန်အထိ စစ်ကောင်စီက အကောင်အထည်ဖော်ခြင်း မရှိပါဘူး။

ဒီကတိမတည်မှုကို တုန့်ပြန်တဲ့အနေနဲ့ ထိပ်သီးအစည်းအ၀ေးတွေမှာ စစ်ခေါင်းဆောင်တွေကို အာဆီယံက တက်ခွင့်မပေးဘဲ နိုင်ငံရေးဖက်ကမဟုတ်တဲ့ ကိုယ်စားလှယ်တစ်ဦးကိုသာ တက်ရောက်ခွင့် ပြုပါတယ်။

ဆိုက်ဖူဒင်အဘ်ဒူလာက စစ်ကောင်စီရဲ့ လုပ်ရပ်တွေကို ကြည့်ရင် နိုင်ငံရေးဖက်က မဟုတ်တဲ့ ကိုယ်စားလှယ်တောင် တက်ခွင့်မပေးသင့်တော့ဘူးလို့ ထည့်သွင်းပြောဆိုခဲ့ပါတယ်။

မလေးရှားက ဒီသဘောထားကို အာဆီယံအဖွဲ့ထံ တင်ပြသွားဖို့ ရှိနေပါတယ်။

“အာဆီယံ ၀န်ကြီးအဆင့် အစည်းအ၀ေးတွေမှာ စစ်ကောင်စီနိုင်ငံရေးကိုယ်စားလှယ်တွေကိုပါ တက်ရောက်ခွင့် မပေးဖို့ ကျွန်တော်တို့အစိုးရက သဘောထားရှိပါတယ်။ နိုင်ငံရေးဆိုင်ရာ ကိုယ်စားပြုမှုကို ကျွန်တော်တို့ ဘယ်လောက်အလေးထားလဲဆိုတာကို ပြသတာပါ”

ဆိုက်ဖူဒင်ဟာ ကုလအတွင်းရေးမှူးရဲ့ မြန်မာနိုင်ငံဆိုင်ရာ အထူးကိုယ်စားလှယ် နိုလင်းဟေဇာနဲ့ မနေ့က တွေ့ဆုံခဲ့ပြီး မြန်မာနိုင်ငံက အခြေအနေတွေကို ဆွေးနွေးခဲ့ပါတယ်။

စစ်ကောင်စီက လူတွေကို နောက်ထပ် ကွပ်မျက်တာမျိုး မဖြစ်တော့အောင် မလေးရှားက ကြိုးပမ်းသွားမှာဖြစ်ပြီး၊ အာဆီယံအနေနဲ့ အမျိုးသားညီညွတ်ရေးအစိုးရနဲ့ ဆက်သွယ်ဆောင်ရွက်သင့်တယ်လို့လည်း မလေးရှားနိုင်ငံခြားရေး၀န်ကြီးက ထည့်သွင်းပြောဆိုခဲ့ပါတယ်။

Ref: Reuters

Comments are closed.