4 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
4 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
5 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
5 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
5 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
5 years ago
ASEAN ထိပ်သီးများ ရိုဟင်ဂျာအရေး ဆွေးနွေး
5 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
5 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
5 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
5 years ago
ဘာသာပေါင်းစုံ ဆုတောင်းပွဲ (ရုပ်သံ)

မေ ၂၈ ၊ ၂၀၁၄
M-Media
.ဆောင်းပါးရှင်- မောင်သမာဓိ

forpage21fq

၁။ မြန်မာမွတ်ဆလင် ဦးပိန်၏ အမည်ကို မကြားချင်သူ။

၂၀၁၄ မေလ ၁၅ ရက်နေ့ထုတ် ကြေးမုံသတင်းစာ စာမျက်နှာ ၆ တွင် ရေးသားထားသော ဆောင်းပါး ရှင် ရာမည-သွေးမွန်ရဲ့ တောင်သမန် တံတားလို့ ခေါ်ပါ အမည်ရ ဆောင်းပါးကို ဖတ်ရှုပြီးနောက် အတွေးနယ် ချဲ့မိတယ်ခင်ဗျာ့။

အထက်ပါဆောင်းပါးရှင် အဆိုအရ လောင်းကစား ခုံမင်သော ပုဂံမင်းသည် ၎င်းနှင့် ပုလင်းတူ ဘူးဆို့ ဝါသနာတူ မျိုးခြား ဘိုင်ဆပ်ကို မြို့တော်ဝန်ခန့်ထားရာ ဘိုင်ဆပ်၏တပည့် မြို့စာရေး ဦးပိန်က တောင်သမန် အင်း ကိုဖြတ်၍ တံတားထိုးရန် အကြံပြုလေသောကြောင့် ပုဂံမင်းက ခွင့်ပြုသဖြင့် ၁၈၄၉ ခုနှစ်တွင် စတင် တည် ဆောက်ကာ ၁၈၅၀ ခုနှစ်တွင်ပြီး၍ ဦးပိန်တံတားဟု အမည်တွင်ကြောင်း  ရေးသားထားပါသည်။

attack

ဒါပေမဲ့ မြို့ဝန် ဘိုင်ဆပ်နဲ့ ဦးပိန်တို့နှစ်ဦးဟာ တံတားတည်ဆောက်ရာမှာ ဘုရင့်ဘဏ္ဍာတော်ငွေ အလွဲ သုံးစာမှုနဲ့ ကွပ်မျက်ခံရတဲ့ လူဆိုးတွေဖြစ်လို့ သူတို့ တည်ဆောက်ခဲ့တဲ့ တံတားကို ဦးပိန်တံတားလို့ မခေါ်သင့်ဘဲ တောင်သမန်တံတားလို့သာ ခေါ်သင့်ကြောင်း ရေးသားထားတာဟာ တကယ်တော့ ပြည်ထောင်စုသား မြန်မာ မွတ်ဆလင် တို့၏ သမိုင်းကိုဖျောက်ရန် ကြိုးပမ်းမှုများမှ တစ်ခုသာ ဖြစ်တယ်ခင်ဗျာ့။

၂။ ခေတ် အဆက်ဆက် မြန်မာ မွတ်ဆလင်တို့၏ သမိုင်းကို ဖျောက်ရန် ကြိုးပမ်းမှုများမှာ အဆန်း မဟုတ်ပါ။

(က) အောက်ပါ ဓါတ်ပုံတွင် ဖေါ်ပြထားသော ဆော်ဒီအာရေးဗီးယားနိုင်ငံ မက္ကာမြို့ရှိ ပြည်ထောင်စုသား မြန်မာမွတ်ဆလင်တို့ အတွက် မင်းတုန်းမင်းကြီး တည်ထားပေးခဲ့သော ဟာ့ဂ်ျပြုစဉ် တည်းခိုရန် နိုင်ငံတော်ပိုင် ဒေါင်းဇရပ်နှင့် မြေကွက်မှာ ဗိုလ်ချုပ်ကြီး နေဝင်း လက်ထက်ကပင် လက်သည် မပေါ်ဘဲ ကွယ်ပျောက် သွားခဲ့ ရပါပြီ။

min-don-min-mecca

(ခ) မင်းတုန်းမင်းကြီး ကိုယ်တော်တိုင် ရွှေပနက်တင်ကာ တည်ဆောက်ပေးခဲ့သော မန္တလေး နန်းတွင်း ပလီသည်လည်း ဗိုလ်ချုပ်မှူးကြီး သန်းရွှေ လက်ထက်တွင် လက်စဖျောက် ဖျက်သိမ်းခြင်း ခံခဲ့ရသည်။

shwe pa nat masjid

(ဂ) ဘိုးတော်ဘုရားမှ ရခိုင်ပြည်ကို သိမ်းပိုက်ပြီး ရမ်းဗြဲမြို့ အစ္စလာမ် သာသနာပိုင်အဖြစ် ခန့်အပ်ခဲ့ သော အာဗေ့ရှာ ဟိုစင်နီ၊ သတ္တစာဆိုတော်ကြီးဦးနုနှင့် တံတား ၁၁ စင်း ကန် ၁၁ ကန် ဒါယကာ ဦးပိန်၊ ဆင် ဖြူရှင် ဖမ်ဆီးခေါ်ဆောင်ခဲ့သော ထိုင်းဘုရင် ကျောက်ဘွားဒေါက် မဒူဝါး တို့၏ သမိုင်းဝင် အုတ်ဂူများ တည်ရှိ သော တောင်သမန် အင်းဘေးမှ လင်းဇင်းကုန်း သုဿန်နှင့် ပလီကို သမ္မတကြီး ဦးသိန်းစိန် လက်ထက် ၂၀၁၄ ခု မတ်လ ၂၃ ရက်နေ့က ဘူဒိုဇာများဖြင့် ထိုး၍ ရှင်းလင်း ဖယ်ရှားလိုက်ကြလေသည်။

10152412_684968381545635_1200128292_n

၃။ အာသောက ကျောက်စာကို ပြောင်းဖို့ အမည် ရွေးကြစို့။

ဗုဒ္ဓဘာသာ သမိုင်းတွင် အဓ်ိက နေရာမှ ပါဝင်သော အာသောကမင်းကြီးသည် မင်းညီမင်းသား အရင်း အခြာ ၉၀ ကျော် ၁၀၀ ပတ်လည်ကို ကွပ်မျက်ပြီး ဘုရင်လုပ်ခဲ့သူ ဖြစ်ကြောင်း သီတဂူ ဆရာတော်ဘုရား ဟော ကြားတော်မူသော တရားတစ်ခုကို FM ရေဒီယိုမှတဆင့် နာခဲ့ဘူးပါသည်။ သို့သော် ဗုဒ္ဓမြတ်စွာ ဘုရား၏ တရား တော်ကို နာယူပြီးနောက် အဇာတသတ်မင်းကဲ့သို့ပင် အမြင်မှန်ရရှိကာ သောတပန် ဖြစ်ခဲ့တယ်လို့ ဆိုတယ် ခင် ဗျာ့။ ဒီနောက် ဗုဒ္ဓစာပေတွေကို သမိုင်းတန်ဘိုး မဖြတ်နိုင်တဲ့ ကျောက်စာတွေအဖြစ် ရေးထွင်းခဲ့လို့ အာသောက ကျောက်စာရယ်လို့ ကမ္ဘာပေါ်မှာ နာမည်တွင်ခဲ့တယ်မဟုတ်လား ရာမည-သွေးမွန်ခင်ဗျား။

ကောင်းပြီ…ဒါဆိုရင် ဦးပိန်ဟာ လူဆိုးဖြစ်လို့ ဦးပိန်တံတားကို တောင်သမန်တံတားလို့ ပြောင်းလဲ ခေါ် ဝေါ်ချင်တဲ့ ရာမည-သွေးမွန် အနေဖြင့် တချိန်က လူဆိုးလူမိုက်ကြီး ဖြစ်ခဲ့ဘူးတဲ့ အာသောကမင်းကြီး ရေး ထွင်း ခဲ့တဲ့ ကျောက်စာကို ဘယ်ကဲ့သို့သော အမည်ကို ပြောင်းလဲခြင်းဖြင့် တစ်ကျောင်း တစ်ဂါထာ တစ်ရွာ တစ်ပုဒ် ဆန်း အရေးမှား အမှတ် မှားဖြင့် ကမ္ဘာ့အလယ်တွင် အရုပ်ဆိုး အကျည်းတန်စေသော ကိစ္စများမှ ကင်ဝေးနိုင်မယ် ဆိုတာကို ပြန်ကြားပေးစေချင်ပါတယ်ခင်ဗျား။

မောင်သမာဓိ
၂၇ မေ ၂၀၁၄

ဆောင်းပါးရှင် မောင်သမာဓိ မှ M-Media သို့ပေးပို့လာသောဆောင်းပါးဖြစ်ပါသည်။

Leave a Reply