3 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
3 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
4 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
4 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
4 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
4 years ago
ASEAN ထိပ်သီးများ ရိုဟင်ဂျာအရေး ဆွေးနွေး
4 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
4 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
4 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
4 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၂၂ ၊ ၂၀၁၄
M-Media
ဇာဏီ
Journal
မြန်မာနိုင်ငံ ပြန်ကြားရေးဝန်ကြီးဌာန လက်အောက်ရှိ စာပေနှင့်မူပိုင်ခွင့်ရုံးမှ ထုတ်ဝေခွင့် အသိအမှတ်ပြုထားသည့် အောင်ဇေယျတု ဂျာနယ်တွင် အစ္စလာမ်သာသနာနှင့် တမန်တော် မုဟမ္မဒ်(ဆွ)အား စော်ကားရေးသားမှုများ ပြုလုပ်ခဲ့ပြီး အစိုးရ အာဏာပိုင်များမှလည်း ဘာသာတရားတစ်ခုအား စော်ကားရေးသားသည့် အဆိုပါ ဂျာနယ်အား မည်သည့် တားဆီး အရေးယူမှုမှ ပြုလုပ်ခြင်း မရှိသေးတာကို တွေ့ရပါတယ်။

အဆိုပါ အောင်ဇေယျတုဂျာနယ် အမှတ် ၄၄ တွင် သူရိယ ဦးအောင်(မောရိသျှ)အမည်ဖြင့် ရေးသားသည့် ‘အစွန်းရောက်ဝါဒ နိဒါန်း’ ဆောင်းပါးနှင့် အရှင်မုနိတ-ဓမ္မာစရိယ အမည်ဖြင့် ရေးသားသည့် “’ဗုဒ္ဓ၏သမိုင်း အမွေအနှစ်များ ဖျက်ဆီးခဲ့သော မိုဟာမက်၏ အစ္စလာမ်မစ် မွတ်ဆလင် ကျူးကျော်စစ်များ’ဟု ခေါင်းစဉ် ရှိသည့်ဆောင်းပါး ၂-ပုဒ်တွင် အစ္စလာမ် ဘာသာဝင်တို့၏ တမန်တော်မြတ် မုဟမ္မဒ်(ဆွ)အား ရုန့်ရင်းကြမ်းတမ်းသော အသုံးအနှုန်းများဖြင့် မဟုတ်မမှန် စော်ကားရေးကား ရေးသားထားတာကိုလည်း တွေ့ရပါတယ်။

မောင်သွေးချွန်ဟု ကလောင်အမည်ရှိသူက က အောင်ဇေယျတု၊ သာကီသွေး အစရှိသည့် ဗုဒ္ဓဘာသာနှင့် စပ်လျဉ်းသည့် ဘာသာရေး စာစောင်အဖြစ် ထုတ်ဝေခြင်းဖြစ်ပါတယ်။ ယင်းဂျာနယ်များ စတင်ထုတ်ဝေစဉ် အခါကတည်းကပင် အစ္စလာမ် မုန်းတီးရေး သတင်းနှင့် ဆောင်းပါးများ ထည့်သွင်းရေးသား ထုတ်ဝေနေခြင်းဖြစ်ကြောင်းလည်း သိရပါတယ်။

ယခုလပိုင်းများအတွင် ပြည်တွင်းရှိ အစ္စလာမ်ဘာသာဝင်များ ကို အကြမ်းဖက် အဖွဲ့များနှင့် ဆက်သွယ်သည်ဟု စွပ်စွဲကာ မတရား ဖမ်းဆီးမှုများရှိနေပြီး အဆိုပါရေးသားမှုများကြောင့် အစ္စလာမ်ဘာသာဝင်များအကြား အုံကြွမှုတွေဖြစ်ပေါ်လာစေရန် လှုံ့ဆော်ပြီး မွတ်စလင်များအား အစွန်းရောက် အကြမ်းဖက်သမား များ အသွင်ပြောင်းလဲနိုင်စေရန် တမင်ဖန်တီးနေခြင်း ဖြစ်သည်ဟုလည်း မွတ်စလင်အများစုက ထင်မြင်နေကြပြီး ဥပဒေဘောင်အတွင်းက ငြိမ်းချမ်းစွာနဲ့ ဖြေရှင်းမှုများကိုသာ လိုလားကြောင်းလည်း သိရပါတယ်။

မြန်မာနိုင်ငံမှာ စာပေ လွတ်လပ်ခွင့်ရှိပြီဟု ဆိုသော်လည်း အပတ်စဉ်၊ လစဉ်ထုတ် ဂျာနယ်၊ မဂ္ဂဇင်းများကို ပုံနှိပ်နှင့် မူပိုင်ခွင့်ဌာန (ယခင် စာပေစိစစ်ရေး)က တင်းကြပ်တဲ့ စည်းကမ်းများနဲ့ ချုပ်ကိုင်မှုများထားရှိကာ အပတ်စဉ် ဂျာနယ် ထွက်သည့်နေ့၌ ဂျာနယ်ကို စာပေနှင့်မူပိုင်ခွင့်ရုံးသို့ ပေးပို့ရကြောင်း၊ ဘာသာရေးနှင့် ပတ်သက်သည့် အငြင်းပွားဖွယ်၊ ပဋိပက္ခဖြစ်ဖွယ် ဆောင်းပါးများကို ဂျာနယ်များတွင် မထည့်ရန် ဂျာနယ်ထုတ်ဝေနေသည့် ဘာသာပေါင်းစုံအား ခေါ်ယူအသိပေးမှုများရှိခဲ့ကြောင်း သိရပါတယ်။

ထိုကဲ့သို့ ဆောင်ရွက်သော်လည်း ယခုကဲ့သို့ ဘာသာတရားတစ်ခုမှ အခြားတစ်ခုအား ပေါ်ပေါ်ထင်ထင် စော်ကားရေးသားနေသည့် ဂျာနယ်မျိုးအား ဆက်လက် ထုတ်ဝေခွင့်ပြုထားခြင်း၊ မသိကျိုးကျွံပြုနေခြင်းကို ထောက်ရှုခြင်းအားဖြင့် ဘာသာရေး မုန်းတီးမှုများ ဖြစ်ပေါ်လာစေရန် တမင်ဖန်တီး လှုံ့ဆော်နေမှုများကို တရားဝင် ခွင့်ပြုထားပေးတယ်လို့ ထင်မြင်မိကြောင်း၊ ယခုကဲ့သို့ ဘာသာရေး စော်ကားနေမှုများကို ထိရောက်စွာ မတားမြစ်ပါက မြန်မာနိုင်ငံ အနေဖြင့် ကမ္ဘာ့အလယ်မှာ ပိုမိုအရှက်ရဖွယ်ရာသာ ဆက်လက်ဖြစ်နေမှာဖြစ်ကြောင်း သုံးသပ်ပြောဆိုမှုများလည်း ရှိနေပါတယ်။

Image Credit- MMM

Leave a Reply